ព័ត៌មានជាតិ

សាកលវិទ្យាល័យឯកជន ៣ ថ្លៃបំផុតនៅភ្នំពេញ ចាយមួយឆ្នាំខ្ទង់ពាន់ដុល្លារ ទើបចូលរៀនបាន

បានផុស

៦ years មុន

នៅ

ថ្ងៃចន្ទ ១១ មករា ២០២១

ដោយ

ប្រិយមិត្តបានដឹងពីសាលាចំណេះដឹងទូទៅឯកជនមួយចំនួន ដែលមានតម្លៃសិក្សាថ្លៃចាប់ពីរាប់ពាន់ដុល្លារ ដល់រាប់ម៉ឺនដុល្លារ មានដូចជា សាលាអន្តរជាតិភ្នំពេញ (ISPP) សាលាអន្តរជាតិកាណាដា (CIS) សាលាន័រប៊្រីដជាដើម។

ចុះសាកលវិទ្យាល័យថ្លៃជាងគេវិញ? លោកហេង វ៉ាន់ដា ប្រធានក្រុមប្រឹក្សាភិបាលសមាគគ្រឹះស្ថានឧត្តមសិក្សា បានបង្ហាញគ្រឹះស្ថានឧត្តមសិក្សាឯកជន ៣ ដែលមានតម្លៃថ្លៃៗ មានទាំងសិស្សបរទេសនិងសិស្សខ្មែរជាកូនអ្នកមានសិក្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលាដែលថ្លៃជាងគេគឺសាកលវិទ្យាល័យអាមេរិកកាំងភ្នំពេញ តម្លៃមួយឆ្នាំពី ៧០០០ដុល្លារ ទៅ ៨០០០ដុល្លារ។បន្ទាប់មកសាកលវិទ្យាល័យប៉ារ៉ាហ្គូន តម្លៃពី៣០០០ ដុល្លារទៅ៤០០០ ដុល្លារក្នុង១ឆ្នាំ សាកលវិទ្យាល័យលីមកុងវីងប្រហែល ៣០០០ ដុល្លារក្នុង១ឆ្នាំ និងសាលាខេមអេដតម្លៃប្រហែល ៣០០០ដុល្លារក្នុង១ឆ្នាំ។

លោកបានបន្តទៀតថា ចំពោះគ្រឹះស្ថានឧត្តមសិក្សា ដែលមានតម្លៃសិក្សាធុនកណ្តាល មានច្រើនចាប់ពីជាង ៤០០ ដុល្លារ ដល់ ៦០០ដុល្លារក្នុង១ឆ្នាំ រួមមានសាកលវិទ្យាភ្នំពេញអន្តរជាតិតម្លៃ៤៥៦ដុល្លារ ទៅ៥៤០ដុល្លារ សាកលវិទ្យាល័យអាស៊ីអឺរ៉ុបពី ៣៥០ដុល្លារ ដល់ ៤២០ ដុល្លារ សាកលវិទ្យាល័យធនធានមនុស្សពី ៣៦០ ដុល្លារ ៤១០ដុល្លារដល់៤៣០ដុល្លារ។

បច្ចុប្បន្ននេះមានសាលាឯកជនគ្រប់កម្រិតចំនួន ៦៦៦ សាលា ក្នុងនោះនៅរាជធានីភ្នំពេញចំនួន៤០០ និង២៦៦ទៀតនៅតាមបណ្តាខេត្ត កំពុងបើកទ្វារទទួលសិស្សខ្មែរនិងបរទេសចូលសិក្សាសម្រាប់ឆ្នាំសិក្សាថ្មី២០២០-២០២១៕

សំអឿន

Related Topics:គ្រឹះស្ថានឧត្តមសិក្សា