ព័ត៌មានជាតិ

អាវុធហត្ថខេត្តបាត់ដំបងចាប់ខ្លួនមនុស្ស៨នាក់ ពាក់ព័ន្ធករណីរំលោភដីអភិរក្សមច្ឆាជាតិ

បានផុស

៤ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

បើតាមមន្ត្រីអាវុធហត្ថខេត្តបាត់ដំបងបានបង្ហាញរបាយការណ៍ឲ្យដឹងថា នៅក្នុងភូមិសាស្ត្រខេត្តបាត់ដំបងឃាត់ខ្លួនអ្នកជាប់ពាក់ព័ន្ធរំលោភបំពានទន្ទ្រានដីអភិរក្សមច្ឆាជាតិបាន០៨នាក់ ក្រោយមានបទបញ្ជាយ៉ាងពីរាជរដ្ឋាភិបាល។

ប្រភពខាងលើបន្តថា ការចុះបង្ក្រាបជំហ៊ានដំបូងនេះ ធ្វើឡើងនៅថ្ងៃទី២៩ ខែវិច្ឆិកា ដោយកម្លាំងមន្ទីរស្រាវជ្រាវនិងបង្ក្រាបបទល្មើសបានសហការជាមួយអាវុធហត្ថស្រុកឯកភ្នំ និងជំនាញជលផលស្រុកឯកភ្នំចុះដល់ចំណុចអូរកំបុត ស្ថិតក្នុងភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ធ្វើការឃាត់ខ្លួនជនសង្ស័យ០៨នាក់ រួមនិងវត្ថុតាងមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកទាំង៨នាក់ដែលពាក់ព័ន្ធរួមមាន ១,ឈ្មោះ ប៉ិប ហាក់ ភេទប្រុស អាយុ៣៦ឆ្នាំ មុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។ ២,ឈ្មោះ ងួន គក់ ភេទប្រុស អាយុ៤១ឆ្នាំ មុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង (ម្ចាស់ត្រាត់ទ័រ)។ ៣,ឈ្មោះ គង់ ប៊ុនធឿន ភេទប្រុស អាយុ២៤ឆ្នាំ មុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។ ៤,ឈ្មោះ ងី ថង ភេទប្រុសអាយុ២០ ឆ្នាំមុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។ ៥,ឈ្មោះ គង់ សុរិន្ទ ភេទប្រុស អាយុ៥៤ឆ្នាំ មុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។ ៦,ឈ្មោះ ប៉ិប ផន ភេទប្រុស អាយុ៣០ឆ្នាំ មុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។ ៧,ឈ្មោះ ងួន វណ្ណៈ ភេទប្រុស អាយុ២៦ឆ្នាំ មុខរបរកសិករ ទីលំនៅភូមិពេជ្រចង្វា ឃុំព្រៃកប្បាស់ ស្រុកព្រៃកប្បាស់ ខេត្តតាកែវ។ ៨,ឈ្មោះ ហៃ ឆៃ ភេទប្រុសអាយុ១៣ឆ្នាំ មុខរបរកសិករ ទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។