សន្តិសុខសង្គម
ដីព្រៃសហគមន៍ នៅចំណុចជ្រលងភ្នំ ក្នុងខេត្តកែប ត្រូវបានគេធ្វើរបងបេតុងហ៊ុមព័ទ្ធ
ដីព្រៃសហគមន៍ ជាគម្របព្រៃឈើ និងជាសម្បត្តិរដ្ឋ ត្រូវបានអ្នកមានលុយធ្វើរបងសំណង់រឹងមាំហ៊ុមព័ន្ធរាប់រយម៉ែត្រ និងទន្ទ្រានយកធ្វើជាកម្មសិទ្ធិយ៉ាងអាណាធិបតេយ្យ។ ទីតាំងស្ថិតនៅច្រលងភ្នំក្រហម ចំណុចច្រលងភ្នំក្រហម ក្នុងភូមិចំការបី ឃុំពងទឹក ស្រុកដំណាក់ចង្អើរ ខេត្តកែប។
នៅថ្ងៃទី១២ ខែវិច្ឆិកា ឆ្នាំ២០២២នេះ លោក ឆាង ឆៃ អភិបាលស្រុកដំណាក់ចង្អើរ បានប្រាប់ឱ្យដឹងថា លោកទើបតែបានទទួលព័ត៌មានពេលថ្មីៗនេះ ហើយបានបញ្ជាឱ្យអភិបាលរងស្រុកម្នាក់តំណាងរូបលោក ចុះហាមឃាត់ឱ្យបញ្ឈប់ធ្វើសកម្មភាពទាំងនោះ ព្រោះអត់ទាន់មានច្បាប់អនុញ្ញាតនៅឡើយ។
ទាក់ទិននឹងរឿងរ៉ាវទាំងនោះ លោក វង់ សុផល នាយខណ្ឌ រដ្ឋបាលព្រៃឈើខេត្តកែប បានបញ្ជាក់ឱ្យដឹងថា លោកមិនអនុញ្ញាតឱ្យបុគ្គលណាម្នាក់ទៅធ្វើរបងរំលោភយកដីរដ្ឋនៅចំណុចច្រលងភ្នំក្រហមទាំងនេះបានឡើយ។
អាជ្ញាធរស្រុក បានស្រាវជ្រាវ និងបានហាមឃាត់អ្នកធ្វើរបងទាំងនោះ ប៉ុន្តែនៅស្ងៀមស្ងាត់ មិនទាន់មានវិធានការនៅឡើយ។ ទោះបីជាមានការហាមឃាត់ពីអាជ្ញាធរ ម្ចាស់ធ្វើរបងបានសំអាងថាជាដីរបស់ពួកគេ ហើយពួកគេនៅតែបន្តធ្វើរបងបេតុងទន្ទ្រានកាន់កាប់យកដីព្រៃសហគមន៍យកមកធ្វើកម្មសិទ្ធ ដោយបុគ្គលទាំងនោះជាអ្នកមានលុយ និងមានអំណាច។
គួរបញ្ជាក់ថា ដីនៅចំណុចច្រលងភ្នំក្រហមនេះត្រូវបានគេធ្វើរបងជាច្រើនកន្លែងផ្សេងគ្នា ខណៈសហគមន៍ការពារដីព្រៃឈើត្រូវបានរលាយ ឯអ្នកមានលុយមានអំណាចនៅតែប្រព្រឹត្តបន្តធ្វើរបងហ៊ុមព័ទ្ធយកដីរដ្ឋធ្វើជាកម្មសិទ្ធិ។ កន្លងមក រាជរដ្ឋាភិបាលតែងចាត់វិធានការជាបន្តបន្ទាប់ជុំវិញករណី អ្នកមានលុយមានអំណាបានធ្វើរបងរំលោភយកដីរដ្ឋ៕
អត្ថបទ៖ សឹង រ៉ាត់
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ