ព័ត៌មានជាតិ
ព្រៃស្មាច់ជាង១៥ហិកតានៅស្រុកបូទុមសាគរ រងការកាប់ទន្ទ្រានយកដីពីជនខិលខូច
ព្រៃស្មាច់តូចធំប្រមាណ១៥ហិកតា រងការបំផ្លាញទន្ទ្រានយកដីធ្វើជាកម្មសិទ្ធិផ្ទាល់របស់ពលរដ្ឋខិលខូចមួយចំនួនដែលជឿតាមការញុះញង់របស់មេខ្លោងនៅពីក្រោយខ្នង។ បញ្ហានេះដែរ ត្រូវបានលោកអភិបាលស្រុកព្រមានចាត់វិធានការតាមច្បាប់ផងដែរ។
៣ថ្ងៃ ទាំងយប់ទាំងថ្ងៃនេះ សកម្មភាពនៃការសម្រុកកាប់ព្រៃស្មាច់ដែលជាដីបម្រុងទុករបស់អាជ្ញាធរ គឺមានក្រុមពលរដ្ឋគិតតែប្រយោជន៍ផ្ទាល់ខ្លួនមិនកោតខ្លាចក្រែងនឹងច្បាប់ នាំគ្នាចូលកាប់យ៉ាងអនាធិបតេយ្យ។
ក្នុងសន្និសីទកាសែតកាលពីរសៀលម៉ោង៤ ថ្ងៃទី៥ ខែកក្កដា ឆ្នាំ២០២១ លោក ហាក់ ឡេង អភិបាលស្រុកបូទូមសាគរ ចាត់ទុកថាទង្វើល្មើសលើដីរដ្ឋនេះពិតជាមានក្រុមមេខ្លោងនៅពីក្រោយខ្នងពលរដ្ឋ ទើបពលរដ្ឋហ៊ានចូលលួចកាប់យ៉ាងដូច្នេះ។ ឆ្លៀតពេលដែលអាជ្ញាធសមត្ថកិច្ចរវល់ការងារសម្របសម្រួលដោះស្រាយទប់ស្កាត់ជំងឺកូវីដ និងចាក់ថ្នាំបង្ការជំងឺនេះជូនពលរដ្ឋដែលពុំទាន់បានចាក់។
លោកអភិបាលស្រុកបូទុមសាគរ ក៏ព្រមានដល់មេខ្លោង និងពលរដ្ឋមួយចំនួនដែលជឿតាមការញុះញង់លួចកាប់ទន្ទ្រានដីព្រៃស្មាច់បម្រុងទុករបស់រដ្ឋធ្វើជាកម្មសិទ្ធិ ចាំបាច់ដកខ្លួនចេញជាបន្ទាន់ បើមិនចង់ប្រឈមចំពោះច្បាប់។
ដីព្រៃស្មាច់ប្រមាណ១៥ហិកតាដែលត្រូវពលរដ្ឋលួចកាប់ គឺស្ថិតនៅក្នុងភូមិតាំកង់ និងភូមិព្រលាន ឃុំកណ្តោល ស្រុកបូទុមសាគរ។ ទោះបីជាពួកគេលួចកាប់យកដីធ្វើជាកម្មសិទ្ធិក៏ដោយ ក៏អាជ្ញាធរមិនទទួលស្គាល់ផ្លូវច្បាប់ ត្បិតដីទាំងនោះត្រូវបានកាត់ឆ្វៀលចេញពីតំបន់ការពារប្រើប្រាស់ច្រើនយ៉ាងដងពែងក៏ដោយ ហើយឥឡូវវានៅក្រោមការគ្រប់គ្រងរបស់រដ្ឋបាលខេត្តកោះកុង។
លោក ហាក់ ឡេង អះអាងដែរថា តាមផែនការ អាជ្ញាធរខេត្តនឹងបែងចែកជូនពលរដ្ឋក្រីក្រដែលអត់មានដីធ្លីអាស្រ័យផល និងរស់នៅ ដោយក្នុងម្នាក់១ប្លង់ៗ តែពួកគេមិនរង់ចាំពេលផ្តល់ជូនរបស់ខេត្តនោះទេបែរជាប្រព្រឹត្តទង្វើខុសនឹងច្បាប់ទៅវិញ។
ទីតាំងដីព្រៃស្មាច់តូចធំ ដែលក្រុមជនខិលខូចលួចកាប់បំផ្លាញដេកដួលយ៉ាងអនាធិបតេយ្យបំផុត ដើម្បីទុកធ្វើជាកម្មសិទ្ធិនោះ គឺកន្លងទៅត្រូវបានរដ្ឋបាលស្រុកបូទុមសាគរស្នើសុំកាត់ឆ្វៀលចេញពីដីតំបន់ការពារប្រើប្រាស់ច្រើនយ៉ាងដងពែងរួចរាល់ហើយ សម្រាប់ទុកជាដីបម្រុងទុករបស់រដ្ឋបាលខេត្តកោះកុង ពេលមានតម្រូវការដោះស្រាយណាមួយទៅអនាគត។
អាជ្ញាធរដាក់ការសង្ស័យថាមកពីឈ្នួញមេខ្លោង និងពលរដ្ឋខិលខូចគិតប្រយោជន៍ផ្ទាល់ខ្លួនបានដឹងពេលនេះ ទើបនាំគ្នាកាប់ទន្ទ្រានគ្មានការអនុញ្ញាតទាំងបំពានច្បាប់ជាបន្តបន្ទាប់យ៉ាងអនាធិបតេយ្យ ខណៈហាងឆេងដីធ្លីឡើងថ្លៃ ត្បិតបរិបទសម័យកូវីដក៏ដោយចុះ៕
អត្តបទ ៖ សិរីវឌ្ឍនៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ