ព័ត៌មានជាតិ
មិនត្រឹមតែនៅក្រុងដូនកែវទេ ករណីចាក់ដីលុបបឹងអូរតុំ នៅស្រុកទ្រាំងក៏មានការចាក់លុបរំលោភដែរ
ផ្ទៃបឹងអូរតុំមួយផ្នែកជាច្រើនហិចតា ស្ថិតនៅភូមិកន្ទួត ឃុំស្រង៉ែ ស្រុកទ្រាំង ខេត្តតាកែវ ត្រូវបានអ្នកមានលុយចាក់ដីរំលោភយកធ្វើជាកម្មសិទ្ធដោយមិនរអានឹងច្បាប់ សង្ស័យមានភ្លើងខៀវពីអាជ្ញាធរ។
សម្រាប់ខេត្តតាកែវ នៅតែមានអ្នកចាក់ដីរំលោភយកដីបឹងធម្មជាតិ បើទោះបីប្រមុខរាជរដ្ឋាភិបាលលោកបានធ្វើការប្រមានខ្លាំងៗនិងបានចាប់ខ្លួនអ្នកពាក់ព័ន្ធដែលរំលោភយកដីព្រៃលិចទឹក រំលោភយកដីបឹងធម្មជាតិជាបន្តបន្ទាប់នៅចុងឆ្នាំ២០២១កន្លងទៅនេះ ជាក់ស្តែងទីតាំងដីបឹងអូរតុំ ស្ថិតនៅភូមិកន្ទួត ឃុំស្រង៉ែ ស្រុកទ្រាំង ខេត្តតាកែវ ដែលជាបឹងធម្មជាតិតាំងពីយូរ ត្រូវបានអ្នកមានលុយ មានអំណាចឃើញផលចំណេញលុយលើកគោក បានឃុបឃិតតាមខ្សែបណ្តោយធ្វើសកម្មភាពចាក់ដីលុបយកដីបឹងរបស់រដ្ឋសាងសង់សំណង់រឹង។
តាមប្រជាពលរដ្ឋរស់នៅតំបន់បឹងតុំ ដែលសុំមិនបញ្ចេញឈ្មោះបាននិយាយថា ដីបឹងតុំជាច្រើនហិចតា ត្រូវបានអ្នកមានលុយចាក់ដីវាទីយកធ្វើជាកម្មសិទ្ធ បន្លំប្រែក្លាយដីអាស្រ័យផលទៅជាដីលំនៅស្ថានទាំងបំពាន់។ ពួកគាត់បន្តថា អ្នកដែលចាក់ដីលុបយកបឹងតុំនេះបាន មិនមែនប្រជាពលរដ្ឋធម្មតាធ្វើបាននោះទេ ភាគច្រើនគឺអ្នកមានអំណាច អ្នកមានលុយ ឬមានខ្សែបណ្តោយជាមួយអាជ្ញាធរ ទើបអាចចាក់លុបយកដីបឹងធម្មជាតិនេះដោយរលូនបាន។
ជុំវិញការចាក់ដីរំលោភយកបឹងអូរតុំនៅចំណុចខាងលើ លោក ឈួន ផាន់នី អភិបាលស្រុកទ្រាំង បានឲ្យដឹងនៅព្រឹកថ្ងៃទី៥ ខែកុម្ភៈ ឆ្នាំ២០២២នេះថា គាត់មិនបានដឹងថា មានគេចាក់ដីរំលោភយកផ្ទៃបឹងតុំនេះទេ។
លោកអភិបាលស្រុកបញ្ជាក់ថា ករណីចាក់ដីនៅចំណុចខាងលើមានឈ្មោះ ណី ចាន់ដេត បានមកសុំច្បាប់ចាក់ដីត្រឹមដីកម្មសិទ្ធរបស់គាត់ដើម្បីធ្វើឡឥដ្ឋ ហើយបើគាត់ចាក់ហួសដីគាត់ចូលដីផ្ទៃបឹងតុំនោះ គាត់មិនដឹងថាគាត់បានរត់ការច្បាប់ដល់ណាទេ។
លោក ណី ចាន់ដេត ដែលជាអ្នកចាក់ដីចូលផ្ទៃបឹងអូរតុំ នៅចំណុចភូមិកន្ទួត ឃុំស្រង៉ៃ ស្រុកទ្រាំង ខេត្តតាកែវ កម្ពុជាថ្មីនៅមិនទាន់ទាក់ទងសុំការបកស្រាយបានទេ នៅព្រឹកថ្ងៃទី៥ ខែកុម្ភៈ ឆ្នាំ២០២២៕
អត្ថបទ៖ វីរៈ
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ