Connect with us

ព័ត៌មានជាតិ

​លោក វង​ សូត​ ប្រាប់ឲ្យមន្ត្រីគណបក្សប្រជាជនកម្ពុជា ត្រូវស្វែងយល់ពីតម្រូវការរបស់ប្រជាពលរដ្ឋ​

បានផុស

នៅ

លោក​ វង​ សូត​ បានជំរុញលើកទឹកចិត្តដល់មន្ត្រីគណបក្សប្រជាជនកម្ពុជាក្នុងមូលដ្ឋាន ត្រូវខិតខំប្រឹងប្រែងរួមគ្នាបំពេញតួនាទីជូនគណបក្ស​ ដើម្បីប្រជាជន​មានការសុខសន្តិភាព​ និងផ្តល់ការអភិវឌ្ឍន៍ជាបន្តទៀតជូនពលរដ្ឋ។ លោក វង​ សូត​ គឺរដ្ឋមន្ត្រី​ក្រសួង​សង្គមកិច្ច​ អតីត​យុទ្ធជន​ និងយុវនីតិសម្បទា​ និងជាប្រធានក្រុមការងារថ្នាក់ជាតិ​ចុះជួយ​ស្រុកពញាក្រែក​ ខេត្ត​ត្បូង​ឃ្មុំ​ និងឃុំជាច​ ស្រុកកំចាយមារ​ ខេត្តព្រៃវែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជំរុញលើកទឹកចិត្តនេះ ធ្វើឡើងក្នុងពេលដែលលោកអញ្ជើញ​បើកសន្និបាតបូកសរុបលទ្ធផលការងាររយៈពេល៥ឆ្នាំ ពីឆ្នាំ២០១៧ ដល់ឆ្នាំ ២០២២​ និងផ្សព្វផ្សាយគោលនយោបាយអភិវឌ្ឍន៍ឃុំអាណត្តិទី៥​ឆ្នាំ​២០២២-២០២៧​ របស់គណៈកម្មាធិការបក្សមូលដ្ឋានឃុំដូនតី កាលពីថ្ងៃទី​២៥​ ខែធ្នូ​ ឆ្នាំ​២០២១​។ លោក​ វង​ សូត​ បានជំរុញឲ្យសមាជិក-សមាជិកាគណបក្ស​ប្រជាជនកម្ពុជាស្វែងយល់ពីតម្រូវការរបស់ប្រជាពលរដ្ឋ​លើការផ្តល់សេវាសាធារណៈប្រចាំថ្ងៃ​ និងការលើកកម្ពស់ជីវភាពគ្រួសាររបស់ប្រជាពលរដ្ឋនៅមូលដ្ឋានឲ្យកាន់តែល្អប្រសើរឡើង។

លោករដ្ឋមន្រ្តី បានបញ្ជាក់ថា​ ដោយឈរលើគោលការណ៍ប្រជាធិបតេយ្យ គណបក្សប្រជាជនកម្ពុជា​មានសិទ្ធិបោះឆ្នោតជ្រើសរើសតំណាងដែលខ្លួនដោយពេញចិត្ត​ និងគាំទ្រស្នាដៃដឹកនាំ​ និងអ្វីដែលគណបក្សរក្សាគោលការណ៍នោះ គឺ​រក្សាចាស់​ បង្កើតថ្មី​ ជានិច្ច។ ជាមួយគ្នានេះ​ លោកក៏បានអំពាវនាវដល់មន្ត្រី​គណបក្សប្រជាជនកម្ពុជា​ គឺត្រូវឈរលើគោលការណ៍​ជ្រើសយកបេក្ខជន​ ដែលមានសមត្ថភាព​ ចំណេះដឹង​ បទពិសោធន៍​ និងប្រមើមើលយុវជន ដើម្បីបន្តវេន​តាមរយៈ​ការបោះឆ្នោត។

បន្ថែមលើនេះ លោក បានឲ្យសមាជិក-សមាជិកា ជា​មន្ត្រីបក្ស​ និងជាសកម្មជន​បក្ស​ទាំងអស់​ ត្រូវបន្តរក្សាសុខសន្តិភាព​ និងបន្តការអភិវឌ្ឍន៍ស្នាដៃរបស់គណបក្ស​បន្ថែមទៀត។ លោករដ្ឋមន្រ្តី ក៏បានជំរុញដល់អាជ្ញាធរទាំងអស់ ត្រូវយកចិត្តទុកដាក់ការពារ​ ទប់ស្កាត់​ការឆ្លងរីករាលដាលជំងឺកូវីដ​-១៩​ ព្រោះថា កូវីដមិនភ្លេចអ្នកណាទេ​ ដោយត្រូវបន្តអនុវត្តន៍បីកុំ​ និងបីការពារ​ និងត្រូវរៀនរស់តាមគន្លងថ្មី​ ជាពិសេសនោះ ត្រូវរួមគ្នាអនុវត្តន៍គោលនយោបាយភូមិឃុំមានសុវត្ថិភាព​ឲ្យបានល្អប្រសើរ៕

អត្ថបទ​ ៖ ហុង​ ម៉េងហៀ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម