ព័ត៌មានជាតិ
ប្រធានមន្ទីរអប់រំរាជធានី ប្រាប់ស្ថានភាព បេក្ខនារីប្រឡងបាក់ឌុបដែលមានវិជ្ជមានកូវីដ-១៩
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានប្រសាសន៍ប្រាប់ “កម្ពុជាថ្មី” នៅរសៀល ថ្ងៃទី ២៧ ខែធ្នូនេះថា នៅពេលនេះ បេក្ខនារីប្រឡងបាក់ឌុបដែលមានវិជ្ជមានកូវីដ-១៩ កំពុងប្រឡងធម្មតា តាមវិញ្ញាសាដែលប្រព្រឹត្តទៅដូចបេក្ខជនផ្សេងៗទៀតដែរ។ ថ្វីដ្បិតពួកគាត់ប្រឡងនៅមណ្ឌលព្យាបាលជំងឺកូវីដ-១៩ ក៏ពិតមែន ប៉ុន្តែពួកគាត់ធ្វើវិញ្ញាសាតាមម៉ោងនីមួយៗដូចវិញ្ញាសារបស់បេក្ខជនដទៃទៀតដែរ។
លោក ហែម ស៊ីណារ៉េត បញ្ជាក់បន្ថែមថា ស្ថានភាពសុខភាពពួកគាត់ពេលនេះ ធម្មតាមិនមានបញ្ហាអ្វីទេ ប៉ុន្តែដោយសារពេលតេស្តទៅ រកឃើញមានវិជ្ជមានកូវីដ១៩ ទើបពួកគាត់ត្រូវព្យាបាល និងប្រឡងដាច់ដោយឡែក ដើម្បីបង្ការ និងជៀសវាងការឆ្លងជាយថាហេតុ។ បេក្ខជនទាំង២ ប្រឡងនៅមជ្ឈមណ្ឌលជាតិកំចាត់រោគរបេង និងហង់សិន។
គួររំលឹកថា កាលពីថ្ងៃទី ២៦ ខែធ្នូនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចឱ្យកីឡាការិនីការ៉ាត់តេដូ ២រូប ដែលទើបមកពីប្រកួតនៅប្រទេសកាហ្សាក់ស្តង់ អាចប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលព្យាបាលកូវីដ-១៩ ក្រោមការរៀបចំដោយក្រសួងអប់រំ យុវជន និងកីឡា ក្រសួងសុខាភិបាល និងគ្រប់ភាគីពាក់ព័ន្ធ។ បេក្ខជនទាំង២រូបខាងលើ ជាកីឡាករការ៉ាត់តេដូ ដែលរដ្ឋាភិបាលបានបញ្ចូនទៅប្រកួតនៅប្រទេសកាហ្សាក់ស្តង់ ហើយទើបត្រឡប់មកដល់ប្រទេសកម្ពុជាកាលពីពេលថ្មីៗនេះ ដោយត្រូវបានរកឃើញវិជ្ជមានកូវីដ-១៩។
គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២០២១ នេះ ត្រូវរៀបចំឡើងរយៈពេល២ថ្ងៃ គឺថ្ងៃទី២៧-២៨ ខែធ្នូ។ ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២១ មានមណ្ឌលប្រឡងសរុប ២០៤ មណ្ឌល ត្រូវជា ៤ ៦១៦ បន្ទប់ បេក្ខជនចុះឈ្មោះប្រឡងសរុប ១១៤ ១៨៣ ក្នុងនោះស្រីចំនួន ៦០ ៣៩៧ នាក់ គណៈមេប្រយោគ និងគណៈកម្មការនានាចូលរួមក្នុងដំណើរការប្រឡងមានចំនួន ៣១ ៤៣២ នាក់៕
អត្ថបទ៖ ច័ន្ទ វីរៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ