Connect with us

ព័ត៌មានជាតិ

រដ្ឋប្រមូលចំណូលបានជាង ១ម៉ឺន៥ពាន់ប៊ីលានរៀល ត្រឹមរយៈពេល៩ខែឆ្នាំនេះ

បានផុស

នៅ

រដ្ឋបានប្រមូលចំណូលសរុបក្នុងរយៈពេល ៩ខែ ឆ្នាំ ២០២១ បានប្រមាណ ១៥ ៨៩៥ ប៊ីលានរៀល  ស្មើនឹង ៧៥ភាគរយ ធៀបនឹងច្បាប់ ដែលវឌ្ឍនភាពនៃការប្រមូលចំណូលនេះ ជាកំណើនដែលងើបឡើងវិញ និងល្អប្រសើរបើធៀបនឹងការអនុវត្តនៅក្នុងរយៈពេលដូចគ្នានៅឆ្នាំ ២០២០។ នេះបើតាមរបាយការណ៍វឌ្ឍនភាពកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ បូក២ ប្រចាំឆមាសទី៣ ឆ្នាំ ២០២១ ការអនុវត្តការងារកែទម្រង់ហិរញ្ញវត្ថុសាធារណៈជារួម មានវឌ្ឍនភាពល្អប្រសើរ ទោះបីជាស្ថិតក្នុងស្ថានភាពវិបត្តិកូវីដ-១៩ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ២៩ ខែធ្នូ បានឲ្យដឹងថា ការអនុវត្តចំណាយ រាជរដ្ឋាភិបាលបានផ្តោតការយកចិត្តទុកដាក់ជាចម្បងលើវិស័យសង្គមកិច្ច ដែលការចំណាយលើវិស័យនេះ អនុវត្តបានប្រមាណ ៩៨ភាគរយ ធៀបនឹងច្បាប់ បើគិតត្រឹមខែវិច្ឆិកា ឆ្នាំ ២០២១ និងរំពឹងការអនុវត្តចំណាយរដ្ឋសរុបប្រចាំឆ្នាំ អាចនឹងសម្រេចបានក្នុងកម្រិតប៉ាន់ស្មាន ១០៨.៧ភាគរយ បើធៀបនឹងច្បាប់។

លោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានលើកឡើងពីយុទ្ធសាស្រ្តចំនួន២ របស់រាជរដ្ឋាភិបាល ក្នុងការឈានទៅរកការបើកប្រទេសឡើងវិញ ក្រោយវិបត្តិកូវីដ-១៩ គឺទី. យុទ្ធសាស្រ្តស្តីពីការរស់នៅតាមគន្លងប្រក្រតីថ្មីក្នុងបរិបទនៃជំងឺកូវីដ-១៩ និងទី២. ក្រុមខណ្ឌយុទ្ធ និងវិធីស្តារ ជំរុញកំណើនសេដ្ឋកិច្ចក្នុងការរស់នៅជាមួយកូវីដ-១៩ តាមគន្លងប្រក្រតីថ្មីឆ្នាំ ២០២១-២០២៣ តាមរយៈការផ្តល់អាទិភាពទៅលើចំណុចចំនួ៣ រួមមាន៖ ការស្តារឡើងវិញនូវវិស័យដែលរងផលប៉ះពាល់ខ្លាំង, ការកែទម្រង់សំខាន់ៗជារចនាសម្ព័ន្ធ និងការកសាងភាពធន់ ដើម្បីត្រៀមខ្លួន និងការឆ្លើយតបទៅនឹងជំងឺ ឬស្ថានភាពស្រដៀងគ្នា ដែលអាចផ្ទុះឡើងនាពេលអនាគត៕ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

រដ្ឋបាល​រាជធានី​អំពាវ​នា​ឲ្យ​ក្រុមបាតុករ​ក្រុមហ៊ុន ណាហ្គា​វើ​ល​ដ៏ នៅ​សេសសល់​មួយ​ចំនួន​តូច សូម​ចូលរួម​ដោះស្រាយ​ជាមួយ​ក្រសួង​ការងារ​

ព័ត៌មានជាតិ៩ ម៉ោង មុន

លោក​ទីប្រឹក្សា ភាព​ជោគជ័យ​របស់ សម្តេច ហ៊ុន សែន លើ​ការ​ប្រយុទ្ធប្រឆាំង​កូ​វីដ​១៩ គឺ​ឈរលើ​យន្តការ​៣​ធំៗ

កីឡា៩ ម៉ោង មុន

កីឡា​វ៉ូ​វី​ណា​ម នាំ​មេដាយមាស​ជូន​កម្ពុជា ១​បន្ថែមទៀត ខណៈ​ថ្ងៃនេះ​កម្ពុជា ឈ្នះ មេដាយ​សរុប ៨​គ្រឿង

សេចក្ដីជូនដំណឹង៩ ម៉ោង មុន

សេចក្តីជូន​ដំណឹង​ស្តី​ពី​ការ​អញ្ជើញ​ចូល​រួម​ពិគ្រោះ​ថ្លៃ​ការផ្គត់ផ្គង់​សម្ភារៈ​ការិយាល័យ​របស់​មន្ទីរ​រៀប​ចំ​ដែន​ដី​នគរូបនីយកម្ម​ សំណង់​ និង​សុរិយោដី​ខេត្តបាត់ដំបង

ព័ត៌មានជាតិ១០ ម៉ោង មុន

ទេសរដ្ឋមន្ត្រី លី ធុជ ៖ គោលដៅ​កម្ពុជា​គ្មាន​មីន​ឆ្នាំ ២០២៥ គឺជា​គោលដៅ​ដែល​អាច​សម្រេចបាន

Sokha Hotels

ព័ត៌មានពេញនិយម