ព័ត៌មានជាតិ
មន្ត្រីខេត្តមណ្ឌលគិរី ប្រាប់កន្លែងដោះទាល់ ខណៈផ្ទះសំណាក់សណ្ឋាគារត្រូវបានជួលជិតអស់
លោក ងិន សុវិមាន ប្រធានមន្ទីរទេសចរណ៍ ខេត្តមណ្ឌលគិរី មានប្រសាសន៍ប្រាប់ កម្ពុជាថ្មី ថាទាក់ទងនឹងការមកទស្សនាកម្សាន្តឆ្លងឆ្នាំនៅខេត្តមណ្ឌលគិរី ហើយត្រូវបានសណ្ឋាគារ ផ្ទះសំណាក់ រីសត ជិតអស់បន្ទប់ជួលនេះ មន្ទីរទេសចរណ៍ខេត្ត បានសម្រួលដោយអនុញ្ញាតឱ្យ ប្រតិបត្តិករទេសចរណ៍ អាចបោះតង់បន្ថែមនៅទីធ្លាទំនេរបាន និងបានផ្សព្វផ្សាយដល់ប្រជាពលរដ្ឋដែលមានផ្ទះធំ ឬសល់បន្ទប់ អាចជួល ឬទទួលភ្ញៀវទេសចរបាន ហើយបើអស់ជម្រើស គឺភ្ញៀវទេសចរអាចស្នាក់នៅតាមវត្តអារាម។
លោក ងិន សុវិមាន លើកឡើងថា ទាក់ទងនឹងទីកន្លែងស្នាក់នៅនេះ គឺជាចំណុចសំខាន់ ដែលអ្នកទេសចរភាគច្រើនបានទាក់ទងរកជួលកន្លែងស្នាក់នៅមុននឹងមកកម្សាន្តនៅខេត្តមណ្ឌលគិរី។ ករណីកន្លែងស្នាក់នៅត្រូវបានគេជួលពេញអស់ ពួកគាត់អាចប្ដូរបង្វែរគោលដៅទៅកម្សាន្តនៅតំបន់ ឬខេត្តផ្សេង។
លោកបានបញ្ជាក់ថា ភ្ញៀវទេសចរណ៍បានសម្រុកទៅសម្រាកកម្សាន្តឆ្លងឆ្នាំសាកល ២០២១ ចូល ឆ្នាំ ២០២២ នៅខេត្តមណ្ឌលគិរី ដោយមកដល់ពេលនេះ សណ្ឋាគារ រីសត ផ្ទះសំណាក់ ត្រូវបានភ្ញៀវជួល និងកក់បន្ទប់ស្នាក់ ពេញហើយ។
លោក ងិន សុវិមាន មានប្រសាសន៍ថា ចំពោះការកក់បន្ទប់ស្នាក់នៅនេះ គឺភ្ញៀវបានកក់តាំងពី ២ខែ ឬ១ខែកន្លះមុនឯណោះ ដែលមកដល់ពេលនេះ គឺសណ្ឋាគារ ផ្ទះសំណាក់ ត្រូវបានកក់អស់ស្ទើរតែ ១០០ ភាគរយហើយ បើនៅសល់ ក៏មានតែ ២ ៣ បន្ទប់ តែប៉ុណ្ណឹង។
ខេត្តមណ្ឌលគិរីមានតំបន់ទេសចរណ៍ដូចជា នៅក្រុងសែនមនោរម្យ ភ្នំដោះក្រមុំ សមុទ្រឈឺ ទេសភាពអូររាំង ជាដើម និងជាពិសេសគឺ ទឹកជ្រោះប៊ូស្រា។
គួរបញ្ជាក់ថា ខេត្តមណ្ឌលគិរីនេះ បានបែងចែកប៉ូលទេសចរណ៍ធំៗចំនួន៦ ទៅតាមទីតាំង ភូមិសាស្ត្រ និងសក្ដានុពលផ្សេងគ្នាជាដើម ក្នុងនោះរួមមាន៖ ១. តំបន់អេកូទេសចរណ៍ក្នុង ដែនជម្រកសត្វព្រៃ ២. តំបន់របៀងអេកូទេសចរណ៍ និងទេសចរណ៍ជនជាតិ ដើមភាគតិច ៣. តំបន់ក្រុងសែនមនោរម្យ ៤. តំបន់ប្រជុំជនស្រុក កោះញែក ៥. តំបន់អាកាសយានដ្ឋានមណ្ឌលគិរីនៅស្រុកអូររាំង និង៦.តំបន់សមាហណកម្មច្រកទ្វារព្រំដែន៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore