Connect with us

ព័ត៌មានជាតិ

កម្ពុជា ស្នើឱ្យបារាំងផ្តល់អាហារូបករណ៍ដល់នាយទាហាន បានបន្តការសិក្សានៅបារាំងបន្ថែមទៀត

បានផុស

នៅ

នាយឧត្តមសេនីយ៍ សែម សុវណ្ណនី អនុប្រធានគណ:កម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព បានស្នើឱ្យរដ្ឋាភិបាលបារាំង ផ្ល់អាហារូបករណ៍ ដល់នាយទាហានរបស់មជ្ឈមណ្ឌលជាតិបានទៅបន្តការសិក្សាបន្ថែមនៅប្រទេសបារាំង លើវិស័យរក្សាសន្តិភាព។ ការស្នើសុំរបស់នាយឧត្តមសេនីយ៍ សែម សុវណ្ណនី នេះ បានធ្វើឡើងនៅក្នុងពិធីបិទវគ្គបណ្តុះបណ្តាលភាសាបារាំងកាលពីថ្ងៃទី២០ខែមករា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយឧត្តមសេនីយ៍ សែម សុវណ្ណនី ក៏បានស្នើឱ្យរដ្ឋាភិបាលបារាំងបន្តផ្តល់ការហ្វឹកហ្វឺនក្នុងប្រទេសរយ:ពេលខ្លីលើជំនាញបច្ចេកទេសបោសសម្អាតមីន និងកម្ទេចគ្រឿងផ្ទុះកម្រិត២ និងកម្រិត៣ ហ្វឹកហ្វឺនការដឹកជញ្ជូនគ្រឿងផ្ទុះ  វគ្គសង្កេតការណ៍សេនាធិការអង្គការសហប្រជាជាតិ និងសង្គ្រោះបឋម ជាពិសេស សិក្សាភាសាបារាំង ដើម្បីបង្កើនសមត្ថភាពមុនចេញទៅបំពេញបេសកកម្មអង្គការសហប្រជាជាតិ  ក្នងតំបន់អាហ្វ្រិក  ដូចជានៅសាធារណរដ្ឋអាហ្វ្រិកកណ្តាល ម៉ាលី និងស៊ូដង់ខាងត្បូងជាដើម។

នាយឧត្តមសេនីយ៍ សែម សុវណ្ណនី បានបន្តទៀតថា ដើម្បីឲ្យវិស័យរក្សាសន្តិភាព ធានាសុខនិងសុវត្ថិភាព ហើយមានចីរភាពឆ្លើយតបតាមសភាពការណ៍ ដែលកាន់តែស្មុកស្មាញ និងស្របតាមតម្រូវការរបស់អង្គការសហប្រជាជាតិ កិច្ចការប្រឈមនានា នៅតាមតំបន់បេសកកម្ម គឺទាមទារឲ្យកម្លាំងមួកខៀវទាំងអស់ ហ្វឹកហាត់គ្រប់ ជ្រុងជ្រោយទាំងចំណេះជំនាញ  សីលធម៌  គុណធម៌ សាមគ្គីភាព ភាតរភាព បទវិន័យនានា ភាសាបរទេស រួមមានបារាំងនិងអង់គ្លេស មុនចេញទៅបំពេញបេសកកម្ម។

លោក Jacques Pellet ឯកអគ្គរដ្ឋទូតបារាំងប្រចាំកម្ពុជា បានមានប្រសាសន៍ថា ចំពោះសំណើរបស់ លោក អគ្គនាយកមជ្ឈមណ្ឌលជាតិរក្សាសន្តិភាពខាងលើ គឺរដ្ឋាភិបាលបារាំង បានអនុវត្តតាំងពីមុនមកហើយ ហើយក៏នឹងបន្តផ្តល់ការហ្វឹកហ្វឺនលើជំនាញទាំងអស់នោះជាបន្តទៀត។ ចំពោះការផ្តល់អាហារូបករណ៍សម្រាប់នាយទាហានកម្ពុជាទៅបន្តសិក្សានៅប្រទេសបារាំងពីមុនមកក៏បានផ្តល់ផងដែរ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៦ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៦ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៦ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៧ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម