Connect with us

ព័ត៌មានជាតិ

ក្រុមហ៊ុនកសិកម្មធំមួយនៅក្រចេះ កំពុងត្រូវការកម្លាំងពលកម្ម២ម៉ឺននាក់ទៀតសម្រាប់វេចខ្ចប់ផលិតផលនាំចេញទៅចិន

បានផុស

នៅ

ក្រុមហ៊ុនថាហ្រ្គីកូ (THAGRICO) ជាក្រុមហ៊ុនកសិកម្មដ៏ធំមួយ មានទីតាំងស្ថិតនៅក្នុងស្រុកស្នួល ខេត្តក្រចេះដែលវិនិយោគដោយជនជាតិវៀតណាម កំពុងប្រឈមនឹងខ្វះកម្លាំងពលកម្មប្រមាណ២ម៉ឺននាក់ ដើម្បីដំណើរការអាជីវកម្មផលិតកម្ម និងការវេចខ្ចប់ផលិតផលនាំចេញទៅលក់នៅប្រទេសចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការខ្វះកម្លាំងពលកម្មនេះ ត្រូវបានលើកឡើងនៅក្នុងឱកាសដែលលោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានដឹកនាំគណៈប្រតិភូអញ្ជើញចុះទស្សនកិច្ចពីដំណើរការខ្សែសង្វាក់ប្រមូលផល និងវេចខ្ចប់នាំចេញនៅក្រុមហ៊ុនថាហ្រ្គីកូ កាលពីរសៀលថ្ងៃទី២៥ ខែមករា ឆ្នាំ២០២២។

តំណាងក្រុមហ៊ុនថាហ្រ្គីកូ បានស្នើដល់ក្រសួងការងារ និងបណ្តុះបណ្តាលវិជ្ជាជីវៈ ជួយស្វែងរកកម្លាំងពលកម្មចំនួន២ម៉ឺនកន្លែងបន្ថែមទៀត ដើម្បីផ្គត់ផ្គង់តម្រូវការខ្សែច្រវ៉ាក់ប្រមូលផល និងវេចខ្ចប់នាំចេញរបស់ក្រុមហ៊ុន។ តំណាងក្រុមហ៊ុនបានឲ្យដឹងថា ក្រុមហ៊ុនចាប់ផ្ដើមដំណើរការនៅក្នុងឆ្នាំ២០១៩ ហើយផលិតផលកសិកម្មរបស់ក្រុមហ៊ុន រួមមាន ចេក ស្វាយ ខ្នុរ ត្រូវបាននាំចេញទៅកាន់ទីផ្សារប្រទេសចិនជាចម្បង។ នៅឆ្នាំ២០២១ ក្រុមហ៊ុន បាននាំចេញផ្លែឈើគ្រប់ប្រភេទចំនួន ២០៨,០០០ តោន និងនាំចេញចំនួន ១០,០០០ កុងតឺន័រ។ ចំពោះប្រាក់ចំណូលរបស់កម្មករវិញ ទទួលបានចាប់ពី ២៤០ ដុល្លារដល់ ៣០០ ដុល្លារក្នុងមួយខែ។

ជាការឆ្លើយតបនឹងសំណើរនេះ លោករដ្ឋមន្ត្រីបានផ្តល់អនុសាសន៍ដល់មន្ទីរការងារ និងបណ្តុះបណ្តាលវិជ្ជាជីវៈខេត្តក្រចេះ និងមន្ទីរការងារ និងបណ្តុះបណ្តាលវិជ្ជាជីវៈមួយចំនួនទៀតនៅក្បែរគ្នា ជួយផ្សព្វផ្សាយជ្រើសរើសកម្លាំងពលកម្ម ឲ្យបានគ្រប់តាមតម្រូវការ។ លោករដ្ឋមន្ត្រី បានស្នើទៅខាងក្រុមហ៊ុនសូមជួយបណ្តុះបណ្តាលសមត្ថភាពបន្ថែមដល់កម្មករ តាមរយៈធ្វើការបណ្តើរ និងរៀនបណ្តើរ។ មួយវិញទៀតសម្រាប់កម្លាំងពលកម្មជំនាញបរទេសដែលមានកូតាលើសពី១០ភាគរយ ក្រុមហ៊ុនត្រូវដាក់សំណើសុំមកក្រសួង ដោយបញ្ជាក់ឱ្យបានលម្អិតនូវជំនាញ ឯកទេស វិជ្ជាជីវៈជនបរទេសដែលមានតម្រូវការ និងមូលហេតុដែលបណ្ដាលឱ្យមានតម្រូវការប្រើប្រាស់ហត្ថពលកម្មបរទេសលើចំនួន១០%នេះ។

លោករដ្ឋមន្ត្រី ក៏បានណែនាំឲ្យក្រុមហ៊ុនអនុវត្តទៅតាមលក្ខខណ្ឌការងារ និងច្បាប់ស្តីពីការងាររបស់ព្រះរាជាណាចក្រកម្ពុជាឲ្យបានល្អប្រសើរ ដើម្បីកាត់បន្ថយបាននូវជម្លោះការងារ ឈានទៅរកសុខដុមនីយកម្មទំនាក់ទំនងវិជ្ជាជីវៈរវាងកម្មករ និងក្រុមហ៊ុន។ 

យ៉ាងណាក៏ដោយ លោករដ្ឋមន្ត្រី បានវាយយតម្លៃខ្ពស់ចំពោះការវិនិយោគរបស់ក្រុមហ៊ុននេះនៅក្នុងប្រទេសកម្ពុជា ជាពិសេស ក្នុងតំបន់អភិវឌ្ឍន៍ត្រីកោណ (កម្ពុជា វៀតណាម ឡាវ) ដែលកាលពីអតីតកាល តំបន់នេះជាតំបន់សង្រ្គាមបង្ហូរឈាមមួយដោយបានផ្តល់កម្លាំងពលកម្មដល់ប្រជាជននៅក្នុងខេត្ត ឲ្យមានការងារធ្វើ អាចដោះស្រាយនូវជីវភាពបានប្រសើរមួយកម្រិត។ ជាមួយគ្នានេះដែរ លោករដ្ឋមន្ត្រីបានណែនាំឲ្យកម្មករធ្វើការក្នុងក្រុមហ៊ុនប្រកាន់ភ្ជាប់នូវវិធានការរបស់ក្រសួងសុខាភិបាលពីការការពារនៃជំងឺកូវីដ-១៩ និងទៅចាក់វ៉ាក់សាំងដូសជំរុញតាមពេលវេលាកំណត់ ដើម្បីរក្សាសុខភាព និងការងារ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ២ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៣ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៦ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៦ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម