នាវេលាយប់ថ្ងៃទី០៥ ខែកុម្ភៈ ឆ្នាំ២០២២ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្តេចបាន​យាងព្រះរាជដំណើរមាតុភូមិនិវត្តន៍តាមព្រះរាជទីនាំងយន្តហោះពិសេសចាកចេញពីរដ្ឋធានីប៉េកាំង សាធារណរដ្ឋប្រជាមានិតចិន ក្រោយពីបានគង់ប្រថាប់បំពេញព្រះរាជកិច្ចដ៏ឧត្តុង្គឧត្តមជាប្រវត្តិសាស្រ្ត ក្នុងមហាព្រឹត្តិការណ៍បើកជាផ្លូវការកីឡាអូឡាំពិករដូវរងា ដែលសាធារណរដ្ឋប្រជាមានិតចិន ធ្វើជាម្ចាស់ផ្ទះ។

ក្នុងឱកាសដ៏វិសេសវិសាលនោះ មានការអញ្ជើញទទួលព្រះរាជដំណើរយាងដល់ដោយ ថ្នាក់ដឹកនាំកំពូលៗនៃរាជរដ្ឋាភិបាលកម្ពុជា​ និងឥស្សរជនជាតិជាច្រើនរូបផងដែរ៕