ព័ត៌មានជាតិ
ការឈានជើងចូល WHITE HOUSE របស់សម្តេចតេជោ ហ៊ុន សែន គឺជាប្រវត្តិសាស្ត្រ និងជាមោទកភាពរបស់កម្ពុជាទាំងមូល
លោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមអ្នកនាំពាក្យរាជរដ្ឋាភិបាលកម្ពុជាបានថ្លែងនៅក្នុងសន្និសីទកាលពីព្រឹកថ្ងៃទី ០៨ ខែកុម្ភៈ ថា ការអញ្ជើញទៅចូលរួមប្រជុំ នៅសេតវិមាន ឬ WHITE HOUSE គឺជាប្រវត្តិសាស្ត្ររបស់កម្ពុជា ពីព្រោះកម្ពុជាមិនដែលបានចូលទៅដល់វ៉ាយហោសនោះទេ សូម្បីតែសេនាប្រមុខ លន់ នល់ ដែលអាមេរិកគាំទ្រ ក៏មិនដែលបានទៅដល់ដែរ។
ការលើកឡើងរបស់អ្នកនាំពាក្យរាជរដ្ឋាភិបាលកម្ពុជានេះ ជាការឆ្លើយតបសំណួររបស់អ្នកសារព័ត៌មាន និងបន្ទាប់ពីមានលិខិតឆ្លើយឆ្លងគ្នារវាងលោក Joe Biden ប្រធានាធិបតីសហរដ្ឋអាមេរិក ជាមួយសម្ដេចតេជោ ហ៊ុន សែន កាលពីថ្មីៗនេះ ទាក់ទងកិច្ចប្រជុំកំពូលអាស៊ាន-អាមេរិក ដែលគ្រោងធ្វើនាពេលខាងមុខ ហើយក៏ធ្លាប់បានបញ្ជាក់ពីអញ្ជើញទៅសហរដ្ឋអាមេរិក ដើម្បីចូលរួមកិច្ចប្រជុំកំពូលអាស៊ាន-សហរដ្ឋអាមេរិក ក្នុងនាមជាសហប្រធានជាមួយនឹងលោក ចូ បៃដិន នេះផងដែរ។
លោក ផៃ ស៊ីផាន បានថ្លែងថា “ជាប្រវត្តិសាស្ត្ររបស់កម្ពុជាហើយ ដែលកម្ពុជាយើងបណ្ដើរចូលទៅដល់វ៉ាយហៅ (THE WHITE HOUSE) នោះទេ មិនដែលសោះ។ នេះគឺជាលើកទីមួយហើយដែលជាវីរៈបុរសរបស់កម្ពុជា ដែលជាកូនអ្នកស្រែម្នាក់ ដែលលោកមានឱកាសបានចូលរួមបានចូលទៅដល់ក្នុង WHITE HOUSE ដែលជាកន្លែងរដ្ឋបាលរបស់សហរដ្ឋអាមេរិក”។
បើតាមលោក ផៃ ស៊ីផាន កន្លងមកឃើញអ្នកនយោបាយមួយចំនួនបានឈរថតនៅខាងក្រៅ White House នោះ ប៉ុន្តែពេលនេះ យើងបានដឹងច្បាស់ហើយ សម្តេចតេជោ ហ៊ុន សែន នឹងអញ្ជើញជួបជាមួយប្រធានាធិបតីអាមេរិក នាពេលខាងមុខ ហើយការដឹងច្បាស់នេះ គឺតាមរយៈសារលិខិតរបស់លោក Joe Biden ប្រធានាធិបតីសហរដ្ឋអាមេរិក ដែលសរសេរមកកាន់សម្តេចតេជោ ហ៊ុន សែន។ លោក Joe Biden បានសរសេរថា “រដ្ឋបាលរបស់ខ្ញុំ ទន្ទឹងរង់ចាំធ្វើការជាមួយកម្ពុជាក្នុងនាមជាប្រធានអាស៊ាននៅឆ្នាំ២០២២ ខ្ញុំរង់ចាំស្វាគមន៍សម្ដេចអញ្ជើញមកកាន់រដ្ឋវ៉ាស៊ីនតោនក្នុងឱកាសឆាប់ៗខាងមុខ”។
លោក ផៃ ស៊ីផាន បញ្ជាក់ថា នេះគឺជាកម្រងការងារការទូតមួយដែលបង្ហាញយ៉ាងជាក់ច្បាស់ថា កម្ពុជាបានដើរតួរដ៏មានសារៈសំខាន់ក្នុងការបម្រើផលប្រយោជន៍ឲ្យតំបន់ ដូច្នេះនេះ គឺជាមោទនភាពរបស់យើង ហើយក៏ជាមោទនភាពរបស់ប្រជាពលរដ្ឋខ្មែរផងដែរ។ ចំណែកអ្នកដែលវាយតម្លៃយ៉ាងណា គឺជារឿងដាច់ដោយឡែក ប៉ុន្តែវត្តមានរបស់សម្ដេចនៅ វ៉ាយហៅ គឺជាកិត្តិយសរបស់ខ្មែរយើងទាំងមូល។
ចំពោះរបៀបវីរៈអ្វីខ្លះ ដែលនឹងត្រូវលើកយកទៅពិភាក្សាជាមួយប្រធានាធិបតីអាមេរិក លោក Joe Biden នោះ លោក ផៃ ស៊ីផាន បានអះអាងថា នៅមិនទាន់ដឹងនៅឡើយទេ ប៉ុន្តែអាស៊ានមានក្រុមការងារលេខាធិការដ្ឋានរបស់អាស៊ាន នឹងជួបគ្នាជាមួយក្រុមលេខាការងាររបស់សហរដ្ឋអាមេរិក ដើម្បីជជែកគ្នា ទើបបង្កើតទៅជារបៀបវារៈក្នុងកិច្ចពិភាក្សាគ្នា ដូច្នេះមកដល់ពេលនេះ យើងមិនទាន់ដឹងថា មានរបៀបវារៈអ្វីខ្លះ ដែលនឹងត្រូវជជែកពិភាក្សាគ្នានៅក្នុងជំនួបរបស់លោក Joe Biden ជាមួយសម្ដេចតេជោ ហ៊ុន សែន នៅឡើយទេ។
សូមបញ្ជាក់ថា ថ្មីៗនេះសម្ដេចតេជោ ហ៊ុន សែន ក៏បានសរសេរលិខិតមួយច្បាប់ឆ្លើយលោក Joe Biden ផងដែរ ដោយអរគុណប្រធានាធិបតីអាមេរិក ដែលបានផ្ញើលិខិតបញ្ជាក់ពីគោលបំណងក្នុងការអញ្ជើញសម្តេច និងមេដឹកនាំអាស៊ាន ចូលរួមកិច្ចប្រជុំកំពូលអាស៊ាន-សហរដ្ឋអាមេរិក ដែលគ្រោងរៀបចំធ្វើក្នុងរយៈពេលប៉ុន្មានខែខាងមុខ និងបំណងប្រាថ្នាក្នុងការពង្រឹងទំនាក់ទំនងអាស៊ាន-សហរដ្ឋអាមេរិកបន្ថែមទៀត ក្នុងពេលកម្ពុជាធ្វើជាប្រធានអាស៊ានឆ្នាំ ២០២២។ ជាមួយគ្នានោះ សម្តេចបានបញ្ជាក់សារជាថ្មីអំពីការប្តេជ្ញាចិត្តគាំទ្រយ៉ាងពេញទំហឹងចំពោះអាមេរិក ក្នុងការរៀបចំកិច្ចប្រជុំកំពូលអាស៊ាន-សហរដ្ឋអាមេរិកនៅរដ្ឋធានីវ៉ាស៊ីនតោន។
សម្តេចតេជោមានជំនឿថា កិច្ចប្រជុំកំពូលនេះនឹងផ្ដល់នូវកាលានុវត្តភាពដ៏ល្អមួយសម្រាប់ការផ្លាស់ប្ដូរយោបល់គ្នាថា តើត្រូវធ្វើយ៉ាងណា ដើម្បីឲ្យកិច្ចប្រជុំកិច្ចសហប្រតិបត្តិការអាស៊ាន-សហរដ្ឋអាមេរិក រីកចម្រើនទៅមុខបន្ថែមទៀត។
លោក ផៃ ស៊ីផាន អះអាងដែរថា ការអញ្ជើញឡើង WHITE HOUSE របស់សម្ដេចអគ្គមហាសេនាបតីតេជោ ហ៊ុន សែន នាពេលនេះ តំណាងឲ្យជាតិខ្មែរទាំងមូល ហើយក៏តំណាងឲ្យក្រុមប្រឆាំងមួយចំនួនផងដែរ ដែលតែងតែទៅឈរថតនៅខាងក្រៅសេតវិមាននោះ ដូច្នេះវាជាមោទនភាពរបស់ខ្មែរយើងទាំងមូល ហើយនេះជាប្រវត្តិសាស្ត្ររបស់កម្ពុជាដែលកន្លងមកសូម្បីតែព្រះមហាក្សត្រ ឬសេនាប្រមុខលន់ នល់ ដែលគាំទ្រដោយសហរដ្ឋអាមេរិក ក៏មិនបានឡើងទៅដល់វ៉ាយហោសនេះដែរ៕
អត្ថបទ៖ កោះកែវ
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល