ព័ត៌មានជាតិ

ប្រមុខរាជរដ្ឋាភិបាលទូលថ្វាយព្រះមហាក្សត្របញ្ចប់តួនាទីសមាសភាពឧត្តមក្រុមប្រឹក្សាពិគ្រោះយោបល់ចំនួន៣រូបមកពីហ៊្វុនស៊ិនប៉ិច

បានផុស

៥ years មុន

នៅ

ថ្ងៃចន្ទ ១៤ ធ្នូ ២០២០

ដោយ

ភ្នំពេញ ៖ ប្រមុខរដ្ឋាភិបាលកម្ពុជាសម្តេចតេជោហ៊ុនសែនបានទូលថ្វាយព្រះមហាក្សត្រឲ្យបញ្ចប់តួនាទីសមាសភាពឧត្តមក្រុមប្រឹក្សាពិគ្រោះយោបលចំនួន៣រូបមកពីគណបក្សហ្វ៊ុនស៊ិនប៉ិចតាមសំណើរបស់គណបក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលិខិតរបស់ប្រមុខរដ្ឋាភិបាលដែលបានថ្វាយព្រះមហាក្សត្របានឲ្យដឹងថា «ផ្អែកតាមសំណើរបស់តំណាងគណបក្សហ៊្វុនស៊ិនប៉ិនសម្តេចតាងនាមឲ្យរាជរដ្ឋាភិបាលសូមព្រះរាជានុញ្ញាតដ៍ខ្ពង់ខ្ពស់សូមក្រាមបង្ខំថ្វាយព្រះករុណាជាអម្ចាស់ជីវិតតម្កល់លើត្បូងសូមទ្រង់ព្រះមេត្តាប្រោសបញ្ចប់តួនាទីសមាសភាពនៃគណបក្សហ្វ៊ុនស៊ិនប៉ិចក្នុងឧត្តមក្រុមប្រឹក្សាពិគ្រោះយោបល់និងផ្តល់យោបល់ចំនួន៣រូបនិងប្រោសប្រទានតួនាទីតែងតាំងមន្ត្រីចំនួន៣រូបជំនួសវិញ»។

ក្នុងនោះបានស្នើបញ្ចប់សមាសភាពព្រះអង្គម្ចាស់ នរោត្ត ចក្រាវុឌ្ឍឋានៈស្មើទេសរដ្ឋមន្ត្រី លោក ពេជ្រ សូជេថ្ថាឋានៈស្មើរដ្ឋមន្ត្រីនិងលោករស់ សាផន ឋានៈស្មើអនុរដ្ឋលេខាធិកា។

នៅក្នុងលិខិតរបស់សម្តេចតេជោបានបង្គំថ្វាយព្រះករុណា ប្រោសប្រទានតួនាទីជំនួសតំណែងទាំងបីនេះវិញរួមមានលោក ហេង ចាន់ថា ជាសមាសភាពឧត្តមក្រុមប្រឹក្សាពិគ្រោះនិងផ្តល់យោបល់ឋានៈស្មើទេសរដ្ឋមន្ត្រី.លោក អាំង សំបូរជាសមាសភាពឧត្តមក្រុមប្រឹក្សាពិគ្រោះនិងផ្តល់យោបល់ឋានៈស្មើរដ្ឋមន្ត្រីនិងលោកយិន វរៈ ជាសមាសភាពឧត្តមក្រុមប្រឹក្សាពិគ្រោះនិងផ្តល់យោបល់ឋានៈស្មើអនុលេខាធិការ៕
ដោយ ៖ សំអឿន

Related Topics:

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា