ព័ត៌មានជាតិ
មន្ទីរកសិកម្មជំរុញឲ្យកសិករបង្កើនការដាំបន្លែប្រើប្រាស់ជីធម្មជាតិ
ក្នុងការចុះពិនិត្យបន្លែនៅផ្សារសាមគ្គីខេត្តស្ទឹងត្រែងព្រឹកថ្ងៃទី ៣១ មីនានេះ មន្ទីរកសិកម្មខេត្តជំរុញឲ្យកសិករដាំបន្លែប្រើប្រាស់ជីធម្មជាតិ ដែលមិនប៉ះពាល់ដល់សុខភាព និងអាចនាំយកទៅផ្គត់ផ្គង់ទីផ្សារបានបរិមាណច្រើន ព្រោះបន្លែប្រភេទនេះ ទទួលបានការគាំទ្រពីអ្នកបរិភោគ។
លោក ទំ នីរ៉ូ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបានបញ្ជាក់ថា៖ ការដាំដុះបន្លែធម្មជាតិដែលគ្មានប្រើជាតិគីមី នេះជាផ្នែកមួយបានជំរុញឲ្យបងប្អូនកសិករកាន់តែបង្កើនផែនការដាំដុះបន្លែធម្មជាតិបន្ថែមទៀតនៅពេលមានអតិថិជននិយមបរិភោគច្រើន។
លោកប្រធានមន្ទីរបានកត់សំគាល់ថា៖ បន្លែធម្មជាតិលក់នៅទីផ្សារឆ្នាំ២០២២នេះបានកើនឡើងរហូតដល់ទៅប្រមាណ៧០% ហើយចំពោះបន្លែស្លឹកនិងបន្លែផ្លែ។
នៅតែបន្លែមើមមួយចំនួនតែប៉ុណ្ណោះដែលកសិករផលិតបានតិចតួចឬមិនទាន់បានសោះ មួយចំនួនយើងផលលិតអត់ទាន់បានដូចជាពពួកការ៉ុត ពួកដំឡូងបារាំងខ្ទឹមបារាំងអីជាដើមនេះ ខេត្តអត់ទាន់ផលិតបានទេ ប៉ុន្តែទោះជាយ៉ាងណាមន្ទីរកសិកម្មរុក្ខាប្រមាញ់និងនេសាទ មន្ទីរអង្គភាពស្នូលនៅតែបន្តជំរុញ ឲ្យកសិករបង្កើននូវផលិតភាពក្នុងការផលិត ដើម្បីធានាថា នៅពេលខាងមុខយើងអាចផ្គត់ផ្គង់ទៅក្នុងទីផ្សារបាន ១០០ ភាគរយឬក៏ថាអាចនាំចេញ ទៅលក់នៅតាមបណ្តាទីផ្សារផ្សេងៗក៏ដូចជានៅរាជធានីភ្នំពេញអីជាដើមបាទ។
លោកស្រី ភ័គ្រ វីល័ក្ខ រស់នៅភូមិព្រែក អ្នកលក់បន្លែនៅផ្សារសាមគ្គី បានទទួលស្គាល់ថា៖ ប្រភេទបន្លែមើមដូចជា ឆៃថៅ ការរុត ដំឡូង និងខ្ទៀមបារាំង នេះកសិករនៅខេត្តស្ទឹងត្រែងផលិតមិនទាន់បានមែនហើយការអាក់ខាននេះធ្វើឱ្យយន្តការទប់ស្កាត់បន្លែនាំចូលនៅមានកំរិត។
លោកស្រីអះអាងថា៖ បន្លែក្រៅពីនេះ កសិករដែលទទួលបានការបណ្តុះបណ្តាលផ្នែកបច្ចេកទេសកសិកម្មដាំដុះបានច្រើនមុខ អាចនាំយកមកលក់នៅទីផ្សារនិងទប់ទល់បានជាមួយបន្លែនាំចូល។
លោក ស្រីស៊ីនចិន្តា កសិករដាំបន្លែនៅភូមិឃុំកំភុនបានបញ្ជាក់ថា៖បន្លែមើមទាំងនេះពួកគាត់ពុំទាន់បានធ្វើពិសោធន៍ដាំដុះនៅឡើយទេ ព្រោះបន្លែប្រភេទទាំងនេះ ត្រូវការចំណាយដើមទុនទៅលើការថែទាំច្រើន និងប្រើរយៈពេលវែងបន្ថែមទៀត ។
លោកស្រីបន្តថា៖បច្ចុប្បន្នកសិករភាគច្រើនកំពុងសម្រុកនាំគ្នាដាំបន្លែស្លឹក និងបន្លែផ្លែតែប៉ុណ្ណោះ ព្រោះមានអ្នកបញ្ជាទិញនាំយកទៅលក់បន្តនៅទីផ្សារច្រើនធ្វើឱ្យកសិករសប្បាយចិត្ត និងបង្កើនការដាំដុះបន្លែទាំងនេះដូចជា ត្រប់ សណ្តែក ត្រឡាច ត្រសក់ ននោង ប៉េងប៉ោះ ម្រះ ស្ពៃ សាឡាដ ខាត់ណា ត្រកួនជាដើម។
គួរំលឹកថា៖ ការនិយមបរិភោគបន្លែធម្មជាតិនេះ បានកើនឡើងខណៈប្រជាពលរដ្ឋកាន់តែយល់អំពីគ្រោះថ្នាក់ចំពោះសុខភាព ដែលបណ្តាលមកពីការទទួលទានបន្លែដាំដុះដោយប្រើជីគីមីនិងថ្នាំពុលកសិកម្មច្រើនហួសកំរិត ឬបន្លែនាំចូលគ្មានប្រភពច្បាស់លាស់ពីប្រទេសជិតខាង។
សូមបញ្ជាក់ថា៖ ការបញ្ជាទិញបន្លែសរីរាង្គច្រើននាំយកមកទីផ្សារ ជាមុខព្រួញមួយជំរុញឱ្យកសិករប្រឹងប្រែងដាំដុះបន្លែប្រើប្រាស់ជីធម្មជាតិបានកាន់តែច្រើនប្រភេទទាំងបន្លែស្លឹកនិងបន្លែផ្លែ តែបន្លែមើមនៅមិនទាន់ដាំដុះបាននៅឡើយទេ៕
អត្ថបទ៖ ងិនលីម
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore