Connect with us

ព័ត៌មានជាតិ

ខេត្តកែប នឹងរៀបចំទីតាំងចាក់វ៉ាក់សាំងជូនពលរដ្ឋនៅតាមវត្តអារាម និងតំបន់កំសាន្តសំខាន់ៗក្នុងអំឡុងពេលបុណ្យចូលឆ្នាំ

បានផុស

នៅ

អាជ្ញាធរខេត្តកែប នឹងរៀបចំទីតាំងសម្រាប់ចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋនៅតាមបណ្តាវត្តអារាម និងតំបន់កំសាន្តសំខាន់ៗចំនួន ៦កន្លែង ក្នុងអំឡុងពិធីបុណ្យចូលឆ្នាំប្រពៃណីជាតិខ្មែរ ចាប់ពីថ្ងៃទី ១៣ ដល់ថ្ងៃទី ១៧ ខែមេសា ឆ្នាំ ២០២២។

លោក សោម ពិសិដ្ឋ អភិបាលខេត្តកែប បានឲ្យដឹងនៅក្នុងសេចក្តីជូនដំណឹង ចុះថ្ងៃទី ៥មេសាថានៅអំឡុងពិធីបុណ្យប្រពៃណីជាតិខ្មែរខាងមុខ រដ្ឋបាលខេត្តកែប នឹងរៀបចំទីតាំងចាក់វ៉ាក់សាំងបង្ការជំងឺកូវីដ-១៩ តាមបណ្តាវត្តអារាម និងតំបន់កំសាន្តចំនួន ៦កន្លែង។ ក្នុងនោះរួមមានទីតាំង វត្តចរិយាវង្ស ទីតាំងវត្តកំពង់ត្រឡាច ទីតាំងមុខមន្ទីរទេសចរណ៍ខេត្ត ទីតាំងឆ្នេរអង្កោល ទីតាំងវត្តភ្នំលាវ និងទីតាំងវត្តព្រៃតាកុយ។

លោកអភិបាលខេត្ត បានអំពាវនាវដល់ប្រជាពលរដ្ឋ ដែលនឹងអញ្ជើញទៅកាន់តំបន់ខាងលើ ហើយមានបំណងចាក់វ៉ាក់សាំងបង្ការជំងឺកូវីដ-១៩ អាចមកទទួលពារចាក់វ៉ាក់សាំងបានគ្រប់ៗគ្នា ដោយភ្ជាប់មកជាមួយនូវប័ណ្ណចាក់វ៉ាក់សាំង។

ជាមួយគ្នានេះដែរ លោកអភិបាលខេត្តបានណែនាំឲ្យប្រជាពលរដ្ឋ បន្តអនុវត្តនូវវិធានការ ៣ការពារ ”រួមមានពាក់ម៉ាសលាងដៃញឹកញាប់ និងរក្សាកម្លាតសុវត្ថិភាពបុគ្គល ពីមួយម៉ែត្រកន្លះឡើងទៅនិង៣កុំ”រួមមានកុំទៅកន្លែ ងដែលមានមនុស្សច្រើនកុះករ កុំទៅកន្លែងដែលបិទជិតគ្មានខ្យល់ចេញចូល កុំប៉ះពាល់គ្ន កុំចាប់ដៃគ្នា កុំកៀកស្មាគ្នាដើម្បីបង្ការការឆ្លងរីករាលដាលជំងឺកូវីដ-១៩ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខនេះ។

សូមជម្រាបថា ក្នុងឱកាសចូលឆ្នាំប្រពៃណីជាតិខ្មែរ ក្រសួងសុខាភិបាលបានណែនាំឲ្យរដ្ឋបាលរាជធានី-ខេត្តទាំង ២៥បន្ថែម ទីតាំងចាកវ៉ាក់សាំងបង្ការជំងឺកូវីដ-១៩ ចាប់ពីថ្ងៃទី ១៣ ដល់ថ្ងៃទី ១៧ ខែមេសា ឆ្នាំ២០២២, នៅតាមតំបន់កំសាន្តសំខាន់ៗ និងវត្តអារាមដើម្បីសម្រួលឲ្យប្រជាពលរដ្ឋ កម្មករ-កម្មការីនី អាចទទួលបានការចាក់វ៉ាក់សាំងបង្ការជំងឺកូវីដ-១៩ ទាំងដូសមូលដ្ឋាន និងដូសជំរុញ បន្ថែម នៅទីតាំងចាក់វ៉ាក់សាំងកូវីដ-១៩ ដែលកំពុងបើកដំណើរការស្រាប់នៅតាមមន្ទីរពេទ្យជាតិ មន្ទីរពេទ្យខេត្ត មន្ទីរពេទ្យបង្អែក និងមណ្ឌលសុខភាព៕

អត្ថបទ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣២ នាទី មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥៨ នាទី មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ១ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២ ម៉ោង មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

Sokha Hotels

ព័ត៌មានពេញនិយម