Connect with us

ព័ត៌មានជាតិ

អ្នកសម្របសម្រួលUN បានវាយតម្លៃខ្ពស់បំផុតចំពោះភាពជាដៃគូល្អលើគ្រប់ផ្នែកជាមួយកម្ពុជា

បានផុស

នៅ

លោកស្រី Pauline Tamesis អ្នកសម្របសម្រួលអង្គការសហប្រជាជាតិប្រចាំកម្ពុជាបានវាយតម្លៃខ្ពស់បំផុតចំពោះភាពជាដៃគូល្អ កិច្ចសហប្រតិបត្តិការល្អ ការប្ដេជ្ញាខ្ពស់ចំពោះពហុភាគីនិយម ការចូលរួមចំណែកក្នុងការរក្សាសន្តិភាពស្ថេរភាពពិភពលោករបស់កម្ពុជា។ បន្ថែមលើនេះ លោកស្រីក៏វាយតម្លៃខ្ពស់លើការដឹកនាំដ៏មានប្រសិទ្ធភាពក្នុងការប្រយុទ្ធប្រឆាំងនឹងការរីករាលដាលជំងឺកូវីដ១៩ ដែលទាំងនេះសុទ្ធតែជោគជ័យដែលជាគំរូមិនត្រឹមតែប្រទេសនានាទេ តែជាបទពិសោធន៍ដែលអាចយកទៅប្រើប្រាស់បាននៅពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pauline Tamesis  បានវាយតម្លៃបែបនេះនៅក្នុងជំនួបសម្តែងការគួរសម និងជម្រាបលាសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជានៅព្រឹក​ថ្ងៃទី ៧ ខែមេសា ឆ្នាំ២០២២ នៅវិមានសន្តិភាព។

លោក អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានឲ្យដឹងថា ​លោកស្រី Pauline Tamesis បានជម្រាបជូនសម្ដេចតេជោថា លោកស្រី ពិតជាមានកិត្តិយសណាស់ដែលបានមកបម្រើការងារជាអ្នកសម្រប​សម្រួលប្រព័ន្ធអង្គការសហប្រជាជាតិប្រចំានៅកម្ពុជានាកន្លងមក។ លោកស្រី បានវាយតម្លៃខ្ពស់បំផុតចំពោះភាពជាដៃគូល្អ កិច្ចសហប្រតិបត្តិការល្អ ការប្ដេជ្ញាខ្ពស់ចំពោះពហុភាគីនិយម ការចូលរួមចំណែកក្នុងការរក្សាសន្តិភាពស្ថេរភាពពិភពលោក និងការដឹកនាំដ៏មានប្រសិទ្ធភាពក្នុងការប្រយុទ្ធប្រឆាំងនឹងការរីករាយដែលជំងឺកូវីដ១៩ ដែលទាំងនេះសុទ្ធតែជោគជ័យដែលជាគំរូមិនត្រឹមតែប្រទេសនានា ទេតែជាបទពិសោធន៍ដែលអាចយកទៅប្រើប្រាស់បាននៅពេលអនាគត។ លោកស្រី Pauline Tamesis បានជម្រាបជូនសម្ដេចតេជោទៀតថា ប្រព័ន្ធអង្គការសហប្រជាជាតិប្ដេជ្ញាបន្តគាំទ្រកម្ពុជាតាមរយៈវិស័យសក្ដានុពលដូចជា  វិនិយោគនិងធនធានមនុស្ស  ជំរុញការប្រើប្រាស់ប្រព័ន្ធឌីជីថលនិងការប្រាក់ការប្រែប្រួលអាកាសធាតុនៅសេដ្ឋកិច្ចបៃតង ។

ជាការឆ្លើយតបវិញ សម្ដេចតេជោហ៊ុន សែន​ បានយល់ស្របជាមួយលោកស្រី Pauline Tamesis និងបានថ្លែងអំណរគុណចំពោះលោកស្រីដែលបានចូលរួមចំណែកយ៉ាងសកម្មក្នុងការអភិវឌ្ឍន៍សេដ្ឋកិច្ចសង្គមកម្ពុជា ជាពិសេស ថ្មីៗនេះ ក្នុងការប្រយុទ្ធប្រឆាំងកូវីដ១៩។ សម្ដេចបានលើកឡើងអំពីការចូលរួមរបស់ប្រព័ន្ធអង្គការសហប្រជាជាតិក្នុងការទទួលឲ្យចូលចតនៅនាវាអេស្ទើដាំ ប្រសិនបើកម្ពុជា មិនអនុញ្ញាតឱ្យចូលទេមិនដឹងថា វាសនាអ្នកធ្វើដំណើរលើកប៉ាល់នោះ ទៅជាយ៉ាងណាទេ។ សម្ដេចតេជោបានប្រាប់លោកស្រី Pauline Tamesis និងប្រតិភូអំពីយុទ្ធសាស្ត្រផ្ការីកដែលបានប្រើសម្រាប់ប្រយុទ្ធប្រឆាំងការរីករាលដាលកូវីដ១៩ ជាមួយការបន្តយកចិត្តទុកដាក់លើកិច្ចគាំពារសង្គម និងវិស័យសុខាភិបាល៕

ដោយ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម