ព័ត៌មានជាតិ
សត្វព្រៃជាង ៣ ពាន់ក្បាលត្រូវបានសម្លាប់នៅឆ្នាំ២០២១
លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានឱ្យដឹងថាឆ្នាំ២០២១កន្លងទៅ ក្រុមសង្គ្រោះសត្វព្រៃបន្ទាន់ បានចុះប្រតិបត្តិការក្នុងការបង្ក្រាបការជួញដូរសត្វព្រៃចំនួន៦២៥លើកក្នុងនោះមានបទល្មើសចំនួន១១ករណី ត្រូវបានបញ្ជូនសំណុំរឿងទៅតុលាការចាត់វិធានការតាមច្បាប់។
ថ្លែងក្នុងសន្និសិទកាសែតស្តីពីបើកយុទ្ធនាការអន្ទាក់សូន្យនៅខេត្តស្ទឹងត្រែងកាលពីថ្ងៃទី៦មេសា លោក នេត្រ ភក្ត្រាបានបន្តថា ក្នុងប្រតិបត្តិការបង្ក្រាបកាលពីឆ្នាំ២០២១ យើងបានដោះលែងសត្វព្រៃចូលទៅព្រៃធម្មជាតិវិញចំនួន៨៦៤ក្បាល ជួយសង្គ្រោះសត្វព្រៃបាន១.២៧១ក្បាល ខណៈសាច់សត្វព្រៃចំនួន៣.៦០៩ក្បាល ត្រូវបានរឹបអូស។
លោក សេង ទៀក នាយកអង្គការ WWF ប្រចាំនៅកម្ពុជាបានមានប្រសាសន៍ថា ការពង្រឹងការអនុវត្តច្បាប់យ៉ាងតឹងរ៉ឹង និងការនាំខ្លួនអ្នកដាក់អន្ទាក់ អ្នកប្រមាញ់ និងអ្នកជួញដូរសត្វព្រៃទៅតុលាការ មានភាពចាំបាច់ ដើម្បីបញ្ចប់ការសំលាប់សត្វព្រៃកុំឱ្យមានតទៅទៀត។
លោកបានបន្តថា «វានៅទាន់មិនយឺតពេលនោះទេ ក្នុងការរួមគ្នាដើម្បីធ្វើឱ្យមានការផ្លាស់មួយជាវិជ្ជមានសម្រាប់ការអភិរក្ស និងស្តារចំនួនសត្វព្រៃនិងធនធានធម្មជាតិឡើងវិញ។ យើងត្រូវតែចាប់ផ្តើមកិច្ចការនេះចាប់ពីពេលនេះតទៅនៅគ្រប់លំដាប់ថ្នាក់ទាំងអស់ ដើម្បីរៀបចំវិធានការអភិរក្សរួមគ្នាបន្ទាន់ ក្នុងការអភិរក្សធនធានព្រៃឈើ សត្វព្រៃ និងស្តារធនធានធម្មជាតិកម្ពុជាឱ្យប្រសើរឡើង។ ប្រសិនបើគ្មានវិធានការបន្ទាន់ទេ នោះកម្ពុជានឹងប្រឈមនឹងការបាត់បង់ធនធានសត្វព្រៃរបស់ខ្លួនដែលមានតម្លៃមិនអាចកាត់ថ្លៃបានជាសកលក្នុងពេលអនាគតខាងមុខ»។
គួរបញ្ជាក់ថា យុទ្ធនាការអន្ទាក់សូន្យនេះមានរយៈពេល៦ខែក្នុងខេត្តចំនួន៦ ភាគខាងកើតទន្លេមេគង្គរួមមានខេត្តស្ទឹងត្រែង ក្រចេះ មណ្ឌលគិរី រតនគិរី ព្រះវិហារ និងកំពង់ធំ នៅថ្ងៃទី៧ ខែមេសានេះ គោលបំណងសំខាន់ដើម្បីបញ្ឈប់ការដាក់អន្ទាក់គ្រប់ប្រភេទ និងបញ្ឈប់ការបរបាញ់សត្វព្រៃដោយខុសច្បាប់ នៅក្នុងតំបន់ការពារធម្មជាតិរបស់កម្ពុជា ដើម្បីជាប្រយោជន៍ធ្វើឱ្យព្រៃធម្មជាតិកាន់តែមានសុវត្ថិភាពសម្រាប់សត្វព្រៃ និងជីវៈចម្រុះផ្សេងទៀត ដែលជាជម្រកសម្រាប់រស់រាន និងបន្តពូជរបស់ពពួកសត្វព្រៃ។
យោងតាមរបាយការណ៍របស់មន្ទីរបរិស្ថានខេត្តស្ទឹងត្រែងបានឱ្យដឹងថា គិតចាប់ពីពី ដើមឆ្នាំ២០២១ ដល់ថ្ងៃទី៦ ខែមេសា ឆ្នាំ ២០២២ មានការបង្រ្កាបបង្ក្រាបបទល្មើសសត្វព្រៃចំនួន៣៥៩ករណី ដោយក្នុងនោះដកហូតអន្ទាក់បានចំនួន១.២០០ខ្សែ, ជុងទាក់សត្វចំនួន៩០កង, មងទាក់សត្វចំនួន ៣៤ត្បូង, ធ្នាក់ទាក់សត្វលលកចំនួន១, លុបទាក់សត្វចំនួន១, បណ្តឹងទាក់សត្វចំនួន២៥ខ្សែ, អង្គប់ដាក់សត្វចំនួន៦០ អង្គប់, អាវុធអាកាចំនួន១ដើម, កាំភ្លើងកែច្នៃចំនួន៥២ដើម, ស្នាកេះចំនួន១១ដើម, និងចំពាមកៅស៊ូចំនួន៣៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore