ព័ត៌មានជាតិ

ប្រុងប្រយ័ត្ន ៤ ករណីកើតឡើងញឹកញាប់ ពេលទៅលេងសមុទ្រ

បានផុស

៤ years មុន

នៅ

ថ្ងៃចន្ទ ១១ មេសា ២០២២

ដោយ

អ្នកទេសចរនឹងសម្រុកដើរកម្សាន្ត នាឱកាសរដូវចូលឆ្នាំដែលនៅសល់តែប៉ុន្មានថ្ងៃទៀត ខណៈតំបន់មាត់សមុទ្រជាគោលដៅដ៏ទាក់ទាញបំផុតមួយក្នុងចំណោមតំបន់ទេសចរណ៍សក្តានុពលផ្សេងទៀត។ កម្ពុជាថ្មីនឹងលើកយកហេតុការណ៍ ៤ ករណីដែលតែងតែកើតមានជាញឹកញាប់ ដែលភ្ញៀវទេសចរត្រូវប្រុងប្រយ័ត្នបើសិនត្រូវទៅលេងនៅតំបន់សមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រយ័ត្នពេលលេងទឹក

ករណីលង់ទឹកកើតមានជាហូរហែ។ ដូចករណីប៉ុន្មានខែមុននេះ មានក្មេងៗជំទង់ចំនួន០៥នាក់បានលង់ទឹកស្លាប់ ពេលចុះទៅលេងទឹកសមុទ្រនៅខេត្តព្រះសីហនុ។ ដើម្បីសុវត្ថិភាពដល់ភ្ញៀវទេសចរមកលេងតាមឆ្នេរនៅខេត្តព្រះសីហនុ អាជ្ញាធរក៏រៀបចំដាក់ពោងសុវត្ថិភាពដើម្បីបែងចែកតំបន់ សម្រាប់អ្នកហែលទឹកលេងឱ្យមានសុវត្ថិភាពពីទូកកាណូតឬ មធ្យោបាយផ្សេងៗ និងជារបាំងសុវត្ថិភាពនៅពេលមានខ្យល់ឬប្រការណាមួយ។ ជាមួយគ្នានេះក៏បានសង់ប៉ម ដាក់ឆ្មាំយាមមើលអ្នកទេសចរលេងទឹក ការពារនៅពេលមានមានគ្រោះថ្នាក់ជាយថាហេតុណាមួយកើតឡើង។

គ្រោះថ្នាក់ចរាចរណ៍

គ្រោះថ្នាក់ចរាចរណ៍ជាក្តីបារម្ភជាទូទៅ។ ពេលរដូវកាលបុណ្យទានធំៗ ចរាចរណ៍លើដងផ្លូវមានការកកស្ទះ ស្របពេលការបើកបរមិនប្រុងប្រយ័ត្ននាំឲ្យកើតមានគ្រោះថ្នាក់។

ផ្លូវជាតិលេខ ៤ ជាមុខផ្លូវឆ្ពោះទៅខេត្តព្រះសីហនុជាខេត្តទេសចរណ៍ឆ្នេរដ៏ពេញនិយម ជាដងផ្លូវដ៏មមាញឹកសំបូររថយន្តដឹកជញ្ជូនធំៗជាពិសេសប្រភេទកុងតឺណ័រ បើកបរ ២៤ម៉ោង លើ ២៤ ម៉ោង ហើយករណីកើតគ្រោះថ្នាក់ចរាចរណ៍ក៏មានញឹកញាប់ផងដែរ។

មុនបើកបរតាមផ្លូវឆ្ងាយ ការត្រួតពិនិត្យបច្ចេកទេសយានយន្តឲ្យបានហ្មត់ចត់ជារឿងមិនអាចមើលស្រាលបាន ដើម្បីធានាថាការធ្វើដំណើរមិនប្រថុយបញ្ហាតាមដងផ្លូវ ដែលអាចនាំគ្រោះថ្នាក់ជាយថាហេតុ។

ការចេញទៅលេងតាមកោះ

ការទៅលេងតាមកោះក៏ត្រូវមើលស្ថានភាពអាកាសធាតុដែរ។ ខណៈពេលចូលឆ្នាំនេះក្រសួងធនធានទឹកនិងឧតុនិយមបានព្យាករអាចមានភ្លៀងធ្លាក់។ ដូច្នេះការដើរកម្សាន្តតាមកោះក្នុងអាកាសធាតុមិនល្អ ក៏បង្កគ្រោះថ្នាក់ដែលត្រូវប្រយ័ត្ន។

តម្លៃម្ហូបអាហារនិងការស្នាក់នៅ

ជាធម្មតាតម្លៃផ្ទះសំណាក់និងសណ្ឋាគារនៅតាមខេត្តជាប់សមុទ្រអាចឡើងថ្លៃខុសពីថ្ងៃធម្មតា។ នៅខេត្តព្រះសីហនុដែលកាលប៉ុន្មានឆ្នាំមុនមិនថាកន្លែងស្នាក់នៅនិងគ្រឿងបរិភោគកើនតម្លៃគុណជាបីជាបួន។ ស្ថានភាពនេះមានភាពល្អប្រសើរមួយរយៈចុងក្រោយនេះ។ យ៉ាងណាមិញ ការឆែកតម្លៃឲ្យច្បាស់លាស់មិនថាកន្លែងស្នាក់នៅ និងរបស់របរហូបចុកផ្សេងៗដើម្បីចៀសវាងបញ្ហា នាំឲ្យខូចចិត្តប៉ះពាល់អារម្មណ៍ក្នុងដំណើរកម្សាន្ត៕

អត្ថបទ៖ ប៊ុណ្ណារ៉ា

Related Topics:Featured ពិធីបុណ្យចូលឆ្នាំខ្មែរ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា