ព័ត៌មានជាតិ
សម្តេច ហ៊ុន សែន ស្នើឲ្យទូតឡាវថ្មីជំរុញសកម្មភាពពាណិជ្ជកម្មតាមព្រំដែនជាមួយកម្ពុជាក្នុងអំឡុងកូវីដ១៩នេះ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជាបានស្នើឲ្យលោក បូរកែវ ភូមិវង្សសៃ(Buakeo PHUMVONGSAY) ឯកអគ្គទូតថ្មីនៃប្រទេសឡាវប្រចាំនៅកម្ពុជាពិនិត្យជំរុញសកម្មភាពពាណិជ្ជកម្មតាមព្រំដែន និងជំរុញពាណិជ្ជកម្មតាមសក្តានុពលដទៃទៀតដែលអាចធ្វើបាននៅក្នុងកាលៈទេសៈកូវីដ១៩នេះ។ សម្តេចតេជោនាយករដ្ឋមន្រ្តី បានស្នើបែបនេះនៅក្នុងជំនួបដោយផ្ទាល់នៅព្រឹកថ្ងៃចន្ទនេះនៅវិមានសន្តិភាព។
នៅក្នុងនេះ លោក បូរកែវ ភូមិវង្សសៃ បានពាំនាំនូវការផ្ដាំផ្ញើសួរសុខទុក្ខពីលោកនាយករដ្ឋមន្ត្រី និងប្រធានាធិបតីឡាវជូនចំពោះសម្តេចតេជោ និងបានថ្លែងអំណរគុណចំពោះរដ្ឋាភិបាល និងប្រជាជនកម្ពុជាដែលបានជួយដល់ប្រជាជន និងរដ្ឋាភិបាលឡាវក្នុងការទប់ស្កាត់ជំងឺកូវីដ១៩ តាមរយៈការឧបត្ថម្ភជាសម្ភារៈបរិក្ខារ វ៉ាក់ សាំង ឡានដឹកជញ្ជូនវ៉ាក់សាំង និងថវិកាទៀតផង។ លោក បូរកែវ ភូមិវង្សសៃ បានប្ដេជ្ញាចិត្តចំពោះសម្ដេចតេជោថា នៅក្នុងបេសកកម្មជាអ្នកការទូតនៅកម្ពុជា លោកនឹងប្រឹងឲ្យអស់ពីសមត្ថភាព ដើម្បីពង្រីក និងពង្រឹងសមត្ថភាពកិច្ចសហប្រតិបត្តិការរវាងប្រទេសទាំងពីរឲ្យកើនឡើងមួយកម្រិតថែមទៀត ដោយឈរលើមូលដ្ឋានកិច្ចសហប្រតិបត្តិការ និងទំនាក់ទំនងល្អដែលមានស្រាប់។
ជាការឆ្លើយតប សម្ដេចតេជោ បានស្វាគមន៍ និងអបអរសាទរលោក បូរកែវ ភូមិវង្សសៃ ដែលត្រូវបានតែងតាំងជាឯកអគ្គរដ្ឋទូតឡាវថ្មីប្រចំាកម្ពុជា។ សម្តេចតេជោ បានឯកភាពជាមួយការលើកឡើងរបស់លោក បូរកែវ ភូមិវង្សសៃ ពាក់ព័ន្ធនឹងទំនាក់ទំនងរវាងប្រទេសទាំងពី។ សម្តេចបានមានប្រសាសន៍ថា «យើងពិតជាមានទំនាក់ទំនងពិសេស ដោយសារកត្តាប្រវត្តិសាស្ត្របន្សល់ទុកឲ្យយើងរហូតមកដល់ពេលនេះអនុញ្ញាតឲ្យយើងបន្តពង្រីកនិងពង្រឹងជារៀងរហូតមកហើយពេលនេះទំនាក់ទំនងពាណិជ្ជកម្មរវាងប្រទេសទាំងពីរបានកើនឡើងកាន់តែខ្លាំង»។
ជាមួយគ្នានេះ សម្តេចតេជោ ហ៊ុន សែន ក៏បានប្រាប់លោក បូរកែវ ភូមិវង្សសៃ ពីការអនុញ្ញាតឱ្យមានជម្រើសមិនប្រើម៉ាសនៅក្នុងខេត្តចំនួន៤ ក្នុងនោះ ខេត្តចំនួន៣នៅជាប់ព្រំប្រទល់ឡាវដែលមានភាពល្អប្រសើរឡើងវិញពីការរាតត្បាតនៃជំងឺកូវីដ១៩ ដែលអាចជំរុញឲ្យមានសកម្មភាពពាណិជ្ជកម្មបានឡើងវិញ៕
ដោយ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ