ព័ត៌មានជាតិ

ប្រមុខ UN ស្នើជួបប្រធានាធិបតី ពូទីន និង Zelenskyy ដាច់ដោយឡែកពីគ្នា

បានផុស

៤ years មុន

នៅ

ថ្ងៃព្រហស្បតិ៍ ២១ មេសា ២០២២

ដោយ

អគ្គលេខាធិការអង្គការសហប្រជាជាតិ (UN) លោក Antonio Guterres បានស្នើសុំជួបដាច់ដោយឡែកពីគ្នាជាមួយប្រធានាធិបតីរុស្ស៊ី វ្លាឌីមៀរ ពូទីន និងប្រធានាធិបតីអ៊ុយក្រែន Volodymyr Zelenskyy ដើម្បីពិភាក្សាពីការនាំមកនូវសន្តិភាព បន្ទាប់ពីសង្គ្រាមកំពុងផ្ទុះឡើង។

អ្នកនាំពាក្យ UN លោក Stephane Dujarric បានឲ្យដឹងថា លិខិតដាច់ដោយឡែកពីគ្នាត្រូវបានប្រគល់ទៅគណៈប្រតិភូអចិន្ត្រៃយ៍របស់រុស្ស៊ី និងអ៊ុយក្រែនកាលពីរសៀលថ្ងៃអង្គារ៍ដើម្បីស្នើសុំឲ្យលោកប្រធានាធិបតី ពូទីន ទទួលជួបលោក Guterres នៅទីក្រុងមូស្គូ និងជួបលោក Zelenskyy នៅទីក្រុងកៀវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dujarric បាននិយាយក្នុងសេចក្តីថ្លែងការណ៍ថា ៖«លោកអគ្គលេខាធិការមានប្រសាសន៍ថា នៅពេលវេលាគ្រោះថ្នាក់ និងផលវិបាកយ៉ាងធ្ងន់ធ្ងរ លោកចង់ជួបពិភាក្សាពីជំហានបន្ទាន់ដើម្បីនាំមកនូវសន្តិភាពនៅអ៊ុយក្រែន និងអនាគតពហុភាគីនិយមផ្អែកលើធម្មនុញ្ញអង្គការសហប្រជាជាតិ និងច្បាប់អន្តរជាតិ»។

កាលពីថ្ងៃអង្គារ៍ លោក Guterres បានអំពាវនាវឲ្យមានការផ្អាកជំនួយមនុស្សធម៌គ្រិស្តអូស្សូ (Orthodox Easter) រយៈពេល៤ថ្ងៃ ក្នុងការប្រយុទ្ធគ្នា នៅអ៊ុយក្រែន ដើម្បីអនុញ្ញាតជនស៊ីវិលឆ្លងកាត់ដោយសុវត្ថិភាពចេញពីតំបន់ផ្ទុះអាវុធ និងនាំចូលជំនួយមនុស្សធម៌ចូលទៅតំបន់រងទុក្ខខ្លាំង។

លោក Guterres បន្ថែមថា សង្គ្រាមនៅអ៊ុយក្រែនដែលជាការវាយប្រហារធំបំផុតលើរដ្ឋអឺរ៉ុបមួយនេះគិតចាប់តាំងពីឆ្នាំ១៩៤៥មកបានសម្លាប់មនុស្ស និងរបួសរាប់ពាន់នាក់។ មនុស្សជាង១២លាននាក់ត្រូវការជំនួយមនុស្សធម៌។

ប្រធានក្រុមប្រឹក្សាអឺរ៉ុប លោក Charles Michel បានជួបប្រធានាធិបតីអ៊ុយក្រែន Volodymr Zelenskyy ក្នុងដំណើរទស្សនកិច្ចដ៏ភ្ញាក់ទៅកាន់ទីក្រុងកៀវកាលពីថ្ងៃពុធ បន្ទាប់ពីដំណើរទស្សនកិច្ចមួយចំនួនរបស់មេដឹកនាំមកពីប្រទេសលោកខាងលិច ដូចជានាយករដ្ឋមន្ត្រីអង់គ្លេស Boris Johnson និងប្រធានគណៈកម្មការអឺរ៉ុប Ursula von der Leyen ជាដើម។

ប្រធានាធិបតីអាមេរិក លោក ចូ បៃដិន កាលពីថ្ងៃអង្គារ៍មានប្រសាសន៍ថា លោកមិនដឹងទេថាតើលោកនឹងធ្វើដំណើរទៅកាន់ទីក្រុងកៀវ បន្ទាប់ពីមេដឹកនាំអ៊ុយក្រែនបានអំពាវនាវឲ្យលោកធ្វើដំណើរទស្សនកិច្ច៕

ប្រែសម្រួល៖ វីរបុត្រ
ប្រភព៖ Reuters

Related Topics:អង្គការសហប្រជាជាតិ (UN)

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា