ព័ត៌មានជាតិ
វេទិកានិពន្ធនាយក លើកទឹកចិត្តអ្នកសារព័ត៌មាន ឲ្យប្រកាន់ខ្ជាប់វិជ្ជាជីវៈ
នៅថ្ងៃទី១៩ ខែធ្នូ ឆ្នាំ២០២០នេះ វេទិកានិពន្ធនាយកលើកទី១៧ បានចេញសេចក្តីថ្លែងការណ៍រួម ដោយលើកទឹកចិត្តដល់អ្នកសារព័ត៌មាន ឲ្យប្រកាន់ខ្ជាប់នូវក្រមសីលធម៌វិជ្ជាជីវៈ ដើម្បីឲ្យមហាជនមានជំនឿ នៅគ្រប់កាលៈទេសៈ។
លោក ប៉ែន ប៊ុណ្ណា ប្រធានក្លឹបអ្នកកាសែតកម្ពុជា បានថ្លែងថា វេទិកានិពន្ធនាយក យល់ឃើញថា ការចូលរួមបន្សាបព័ត៌មានក្លែងក្លាយ តាមរយៈការផ្តល់ព័ត៌មានពិតដល់ប្រជាពលរដ្ឋឲ្យបានលឿនរហ័ស គឺជាតួនាទីមិនអាចខ្វះបានរបស់សារព័ត៌មានអាជីពក្នុងគ្រប់កាលៈទេសៈ ជាពិសេសក្នុងគ្រាដែលមានវិបត្តិជំងឺឆ្លងកាចសាហាវ ឬពេលមានហានិភ័យផ្សេងៗទៀត ដែលងាយធ្វើឲ្យពលរដ្ឋទទួលរងគ្រោះ។
លោកថា ក្លិបអ្នកកាសែតកម្ពុជា ក៏ដូចជាសមាគមសារព័ត៌មានផ្សេងទៀត មានតួនាទីសំខាន់ក្នុងការចូលរួមចំណែកបណ្តុះបណ្តាលជំនាញវិជ្ជាជីវៈដល់អ្នកសារព័ត៌មាន។ ក្រៅពីនេះ វេទិកានិពន្ធនាយកលើកទី១៧ ក៏បានអំពាវនាវដល់អាជ្ញាធររដ្ឋគ្រប់លំដាប់ថ្នាក់ ជួយផ្តល់កិច្ចសហការល្អដល់អ្នកសារព័ត៌មាន ដោយគោរពឲ្យបានខ្ជាប់ខ្ជួនសេរីភាពសារព័ត៌មាន ទោះក្នុងកាលៈទេសៈណាក៏ដោយ ដើម្បីអនុញ្ញាតឲ្យអ្នកសារព័ត៌មាន អាចបំពេញការងារបានដោយងាយស្រួល និងទទួលបានព័ត៌មានច្បាស់លាស់ និងទាន់ពេលវេលាដើម្បីផ្សព្វផ្សាយជូនមហាជន។
នៅក្នុងវេទិកានេះដែរ រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានលើកទឹកចិត្តដល់អ្នកសារព័ត៌មាន ទាំងអស់ឲ្យខិតខំគោរពវិជ្ជាជីវៈ ដើម្បីចូលរួមការផ្សព្វផ្សាយនូវព័ត៌មានពិត និងទាន់ពេលវេលា។
សូមជម្រាបថា ក្នុងសារលិខិតរបស់ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន ផ្ញើជូនវេទិកានិពន្ធនាយកលើកទី១៧ ក៏បានអំពាវនាវឱ្យថ្នាក់ដឹកនាំស្ថាប័នព័ត៌មាន និងអ្នកសារព័ត៌មានទាំងអស់ ឱ្យប្រកាន់ខ្ជាប់នូវវិជ្ជាជីវៈ គោរពច្បាប់ គោរពគោលការណ៍ កុំបំពានសិទ្ធិអ្នកដទៃកុំបំភ្លៃការពិត និងចូលរួមប្រយុទ្ធប្រឆាំងនឹងជំងឺកូវីដ-១៩ ផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ