ព័ត៌មានជាតិ
ក្រុមហ៊ុន វ័ន ហ្វ្រេតធើនីធី ចេញយុទ្ធនាការ “មីជាតិ វិសាលភាពចែកចាយកាន់តែក្បែរអ្នក” នៅលើទីផ្សារ
បុគ្គលិកផ្នែកលក់ និងថ្នាក់ដឹកនាំ ក្រុមហ៊ុន វ័ន ហ្វ្រេតធើនីធី (មីជាតិ) បានចេញយុទ្ធនាការ “មីជាតិវិសាលភាពចែកចាយកាន់តែក្បែរអ្នក” នៅលើទីផ្សារហើយ នៅព្រឹកថ្ងៃទី ០៨ ខែមិថុនា ឆ្នាំ ២០២២ ដោយចាប់ផ្តើមពីរាជធានីភ្នំពេញ ជាជំហានដំបូងជាមួយការបន្ថែមនូវលទ្ធភាពនៃការចែកចាយ ជូនអតិថិជន និងដៃគូអាជីវកម្ម ដើម្បីធានាដល់ការផ្តល់ជូនសេវាកាន់តែជិត និងរហ័សដើម្បីជាការឆ្លើយតបនឹងតម្រូវការជាវមានចំនួនកើនឡើង។
លោក ហេង វ៉ាន់សាក់ ប្រធានធុរកិច្ច ក្រុមហ៊ុន វ័ន ហ្វ្រេតធើនីធី (មីជាតិ) មានប្រាសាសន៍ថា «យុទ្ធនាការនេះធ្វើឡើងក្នុងគោលបំណងផ្តល់ភាពងាយស្រួល និងសេវាកាន់តែខិតជិត ដល់អ្នកប្រើប្រាស់ផ្ទាល់ ដែលជាអតិថិជនព្រមជាមួយដៃគូអាជីវកម្ម ក្នុងលទ្ធភាពងាយស្រួលរកជាវ មីជាតិ បានគ្រប់ទីកន្លែង» ។ លោកបន្តទៀតថា «ក្រុមការងារមីជាតិ ក៏បាននឹងកំពុងធ្វើការបំពាក់បន្ថែមនូវលទ្ធភាពដឹកជញ្ជូន និងក្រុមការងារ ដើម្បីពន្លឿនប្រសិទ្ធភាពនៃការចែកចាយឲ្យកាន់តែក្បែរអតិថិជន និងដៃគូអាជីវកម្មរបស់យើង នៅតាមខេត្តក្រុងផ្សេងទៀតផងដែរ »។
លោក សោមនស្ស វិបុល ប្រធានជាន់ខ្ពស់ផ្នែកពាណិជ្ជកម្ម នៃក្រុមហ៊ុន វ័ន ហ្វ្រេតធើនីធី (មីជាតិ) បានបង្ហើបពីលទ្ធផលនៃចំនួនលក់មានការកើនឡើងជាលំដាប់គួរឲ្យកត់សំគាល់ នារយៈពេលចុងក្រោយនេះ ដែលនេះសបញ្ជាក់ពីតម្រូវការកើនឡើង និងប្រជាប្រិយភាពនៃមីជាតិ កាន់តែមានភាពប្រសើរមួយកម្រិតថែមទៀត ហើយនេះជាមូលបទជំរុញរយៈពេលក្រុមហ៊ុនត្រូវបន្ថែមពង្រឹងសមត្ថភាព និងលទ្ធភាព ចែកចាយ ក្នុងបុព្វហេតុជំរុញការចែកចាយឱ្យកាន់តែលឿន និងខិតជិតក្បែរអ្នកប្រើប្រាស់។ លើសពីនេះទៅទៀត មីជាតិត្រូវបានទទួលការពេញនិយមកាន់តែច្រើនឡើងពីសំណាក់អតិថិជន ទាំងរសជាតិ គុណភាព និងទាំងសោភ័ណភាពទៀតផង។
លោកបន្ថែមទៀតថា «ខ្ញុំសូមអំពាវនាវដល់ប្រជាពលរដ្ឋខ្មែរគ្រប់រូបទាំងអស់ សូមបន្តចូលរួមគាំទ្រ ផលិតផលស្នាដៃខ្មែរ ដើម្បីចូលរួមចំណែកលើកកម្ពស់ និងអភិវឌ្ឍន៍សេដ្ឋកិច្ចជាតិ ក៏ដូចជាគាំទ្រផលិតផលក្នុងស្រុក ដែលមានគុណភាពខ្ពស់ និងទទួលស្គាល់ដោយស្ថាប័នជាតិ និងអន្តរជាតិ ។ ដូច្នេះ ដើម្បីការរីកចម្រើនរបស់ខ្មែរ ដើម្បីកូនចៅជំនាន់ក្រោយៗ និងដើម្បីមោទកភាពកិត្តិយសរបស់ខ្មែរ យើងជាកូនខ្មែរគួរគាំទ្រ និងរួមគ្នាលើកកម្ពស់ផលិតផលខ្មែរនៅលើទីផ្សារ។ យើងរួមគ្នាដើម្បីវឌ្ឍនភាពរបស់កម្ពុជា។ មីជាតិ ញ៉ាំម៉េចក៏ជាតិដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង