ព័ត៌មានជាតិ
កងទ័ពជើងគោកបញ្ជូនរថយន្ត៣០គ្រឿងជាជំហានទី១ និងត្រៀមបម្រុងជាច្រើនគ្រឿងទៀត ដឹកពលរដ្ឋមកពីប្រទេសថៃ
កងទ័ពជើងគោកបានបញ្ជូនរថយន្ត៣០គ្រឿងជាជំហានទី១ និងបម្រុងជាច្រើនគ្រឿងទៀត ដើម្បីត្រៀមអន្តរាគមន៍ដឹកពលករខ្មែរ ដែលអាចវិលត្រឡប់មកពីប្រទេសថៃ តាមច្រកប៉ោយប៉ែត។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាល្ងាចថ្ងៃ ទី២០ ខែធ្នូ ឆ្នាំ២០២០នេះ បានដាក់ចេញនូវវិធានការ ស្តីពីស្ថានភាព និងការផ្ទុះឡើងនូវការឆ្លងជំងឺកូវីដ-១៩ នៅក្នុងប្រទេសថៃ រួមទាំងបានណែនាំដល់ប្រជាពលរដ្ឋ និងមន្ត្រីរាជការ ដើម្បីទប់ស្កាត់បង្ការជំងឺកូវីដ-១៩ ហើយនៅក្នុងវិធានការនោះ សម្តេចបានឲ្យកងទ័ពចេញរថយន្តទៅដឹកជញ្ជូនបងប្អូនប្រជាពលរដ្ឋ ដោយត្រៀមទទួលបទបញ្ជាពីអគ្គបញ្ជាការកងយោធពលខេមរភូមិន្ទ និងមេបញ្ជាការកងទ័ពជើងគោក ត្រូវចេញទៅទាំងយប់ ទៅកាន់ច្រកចំនួន៣ ដែលបានត្រៀមបម្រុងទុក ដែលមានច្រកដូង ច្រកអូស្មាច់ និងច្រកប៉ោយប៉ែត ដោយមិនអនុញ្ញាតិឲ្យបងប្អូនប្រជាពលរដ្ឋចូលមកកម្ពុជា ធ្វើដំណើរដោយរថយន្តតាក់ស៊ី និងធ្វើដំណើរបែកខ្ញែក ដែលខ្វះការគ្រប់គ្រង នាំទៅដល់ហានិភ័យ ឆ្លងចូលសហគមន៍នោះឡើយ។
ទាក់ទងបញ្ហានេះ ក្រសួងការពារជាតិ ក៏បានបញ្ជាឲ្យកងពលតូចដឹកជញ្ជូនលេខ៩៩ បញ្ចេញរថយន្តចំនួន៤៥គ្រឿង ដើម្បីត្រៀមអន្តរាគមន៍ដឹកពលករខ្មែរ ដែលអាចវិលត្រឡប់មកពីប្រទេសថៃនៅទិសច្រកដូង និងច្រកអូស្មាច់ផងដែរ។
គួរកត់សំគាល់ថា រថយន្តទ័ពដែលត្រូវបានប្រើប្រាស់នៅពេលនេះ ក៏មានដែរនូវរថយន្តថ្មីៗ ដែលសម្តេចតេជោបានទិញពីប្រទេសចិនចំនួន២៩០គ្រឿងកន្លងទៅ ហើយរថយន្តថ្មីៗទាំងនេះ នឹងក្លាយជាមធ្យោបាយដ៏សំខាន់ និងមានប្រសិទ្ធភាពបំផុតក្នុងការចុះប្រតិបត្តិការដឹកជញ្ជូនប្រជាពលរដ្ឋខ្មែរនៅខណៈពេលនេះ។
សូមបញ្ជាក់ថា នៅក្នុងវិធានការ ដើម្បីទប់ទល់ចំពោះការីករាលដាលនៃជំងឺកូវីដ១៩ ពីប្រទេសថៃ
ដែលបានផ្សព្វផ្សាយកាលពីល្ងាចថ្ងៃទី២០ ខែធ្នូ សម្ដេចអគ្គមហាសេនាបតីតេជោ ហ៊ុន សែន បានអំពាវនាវឲ្យបងប្អូនពលករ ពលការិនីខ្មែរទាំងអស់ ដែលកំពុងធ្វើការនៅប្រទេសថៃ នៅឲ្យស្ងៀមហើយត្រូវជឿទុកចិត្តលើវិធានការរបស់រដ្ឋាភិបាលថៃ ក៏ដូចជាសមត្ថកិច្ចពាក់ព័ន្ធរបស់ថៃ ដោយមិនត្រូវចល័តចុះឡើងនោះទេ ពីព្រោះបើចល័តពីកន្លែងមួយទៅកន្លែងមួយ វានឹងផ្ដល់លទ្ធផលមិនល្អនោះទេ។
ជាមួយគ្នានោះ សម្ដេចបានអះអាងថា បានពិភាក្សាជាមួយក្រសួងសុខាភិបាល និងក្រសួងការពារជាតិ ព្រមទាំងអគ្គបញ្ជាការកងទ័ពរួចហើយ ទាក់ទងទៅនឹងការធ្វើចត្តាលីស័កនៅតាមព្រំដែនហើយបើស្ថិតក្នុងសភាពការដែលមនុស្សច្រើនហួស កងទ័ពត្រូវបញ្ចេញរថយន្ត ដើម្បីដឹកជញ្ជូនពួកគាត់មកខាងក្រោយ។
បើតាមសម្ដេចអគ្គមហាសេនាបតីតេជោហ៊ុន សែន រថយន្តកងទ័ពទាំងអស់ នឹងចេញនៅយប់ថ្ងៃទី២០ ខែធ្នូ ទៅកាន់ច្រកចំនួន៣ ដែលបានត្រៀមបម្រុងទុក ដូចជាច្រកអូស្មាច់ ច្រកដូង និងច្រកប៉ោយប៉ែតជាដើម ដែលមានរថយន្តប្រមាណ៧០ គ្រឿង។
សម្ដេចតេជោ ហ៊ុន សែន បញ្ជាក់ទៀតថា កងទ័ពនិងទទួលខុសត្រូវលើការដឹកជញ្ជូនប្រជាពលរដ្ឋ ដោយសហការជាមួយអាជ្ញាធរនៅតាមព្រំដែន ក៏ដូចជាកម្លាំងនគរបាល កម្លាំងកងរាជអាវុធហត្ថ ដែលធ្វើការនៅតាមព្រំដែន ហើយដើម្បីទប់ទល់សភាពការនេះ ច្រកទាំងអស់ នឹងត្រូវបំព្រួញឱ្យនៅតិច គឺត្រឹមតែ៣ច្រកប៉ុណ្ណោះ ដើម្បីងាយស្រួលក្នុងការគ្រប់គ្រង និងដឹកជញ្ជូន។
ជាមួយនឹងវិធានការខាងលើនេះ សម្ដេចតេជោ ហ៊ុន សែន បានដាក់បញ្ជាឲ្យខេត្តនៅខាងក្រោយ រៀបចំទីតាំងធ្វើចិត្តាឡីស័ក ឲ្យបានត្រឹមត្រូវ និងជាបន្ទាន់ដើម្បីត្រៀមទទួលបងប្អូនប្រជាពលរដ្ឋ។ សម្តេចបន្តថា បទពិសោធន៍កាលពីខែមេសាកន្លងទៅ អាចឲ្យយើងយកមកប្រើនៅពេលនេះ ពីព្រោះប្រជាពលរដ្ឋជាង១២ម៉ឺននាក់ កាលពីពេលនោះមិនមានអ្នកឆ្លងជំងឺនោះទេ៕
អត្ថបទ ៖ កោះកែវ
មន្រ្តីសុខាភិបាល និងអាជ្ញាធរខេត្តកោះកុង បង្កើនការផ្សព្វផ្សាយអប់រំពីជំងឺគ្រុនឈាម
ឃាត់ខ្លួនអ្នកបើករថយន្តឈ្នួល និងអ្នកលក់សម្ភារៈជំនឿ ករណីបង្កហិង្សាដាក់គ្នា
ប្រជាជនថៃសម្រុកស្នើសុំធានារ៉ាប់រងគ្រោះរញ្ជួយដីបន្ទាប់ពីរញ្ជួយដីកាលពីខែមីនា
មន្ទីរសម្រាកព្យាបាលជំងឺ មេត្តាសំណង់១២ រងការចោទប្រកាន់ថា ព្យាបាលធ្វេសប្រហែសបណ្ដាលឲ្យទារកអាយុ៨ខែម្នាក់ស្លាប់
ថៃចង់លើកលែងប័ណ្ណស្នាក់នៅដល់ពលករខ្មែរ ជុំវិញកង្វល់មាតុភូមិនិវត្តន៍របស់ពួកគេ
រាល់ពេលស្រ្តីរៀបការហើយពុំមានកូន ជនជាតិដើមភាគតិចរតនគិរី តែងធ្វើពិធីសែន«បណ្តេញព្រាយស៊ីកូន»
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
មន្ត្រីជំនាញស្ទាក់ចាប់សាច់បង្កកជាង៨តោននាំចូលពីប្រទេសវៀតណាមខុសច្បាប់
ចារកម្មអ៊ុយក្រែន ប្រាប់ថា ឡាវនឹងបញ្ជូនទ័ពទៅជួយរុស្ស៊ី ដូចកូរ៉េខាងជើងដែរ
អ៊ីស្រាអែល បើកប្រតិបត្តិការ «Black Flag» នៅយេម៉ែន វាយប្រហារក្រុមហ៊ូធី ចាស់ដៃ
-
ព័ត៌មានអន្ដរជាតិ៣ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៣ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៤ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៥ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៦ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីសិង្ហបុរី គាំទ្រឱ្យកម្ពុជា-ថៃ ដោះស្រាយជម្លោះព្រំដែនដោយប្រើយន្តការច្បាប់អន្តរជាតិ
-
ព័ត៌មានអន្ដរជាតិ៤ ថ្ងៃ agoថៃ ត្រៀមស្នើទៅ Google ឲ្យយកតាមផែនទីរបស់ខ្លួនវិញ ទើបប្រាសាទតាមាន់ធំ ស្ថិតក្នុងដីថៃ