Connect with us

ព័ត៌មានជាតិ

អាមេរិកបញ្ជូនសម្បត្តិវប្បធម៌ខ្មែរ ២៧ រូប ដែលបានលួចនាំចេញដោយខុសច្បាប់ មកឲ្យកម្ពុជាវិញ

បានផុស

នៅ

សម្បត្តិ​វប្បធម៌​ខ្មែរ ២៧ រូប ដែល​រឹប អូស​បាន​ដោយ​ការិយាល័យ​រដ្ឋអាជ្ញា នៃ​សង្កាត់​ម៉ាន​ហា​ថា​ន​ក្រុង​ញូវយ៉ក និង​ការិយាល័យ​ស៊ើបអង្កេត សន្តិសុខ​មាតុភូមិ​សហរដ្ឋអាមេរិក ត្រូវបាន​បញ្ជូន​មកដល់​មាតុភូមិ​កម្ពុជា កាលពី​ថ្ងៃទី ​១៥ ខែមិថុនា ឆ្នាំ​ ២០២២​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការបញ្ជូន​មកវិញ នូវ​សម្បត្តិ​វប្បធម៌​ខ្មែរ​នេះ ធ្វើឡើង​ដោយ​អនុលោម​តាម​អនុស្សារណៈ នៃ​ការយោគយល់​គ្នា​រវាង​រាជ​រដ្ឋា​ភិបាល​កម្ពុជា និង​រដ្ឋាភិបាល​សហរ​ដ្ឋអាមេរិក ស្តីពី​ការដាក់​កម្រិត​ហាមប្រាម​នូវ​ការនាំ​ចូល​លើ​ប្រភេទ នៃ​វត្ថុ​បុរាណ​របស់​កម្ពុជា និង​យោង​លើ​កិច្ចព្រមព្រៀង​រវាង​រាជរដ្ឋាភិបាលកម្ពុជា ជាមួយ​ការិយាល័យ​រដ្ឋអាជ្ញា​នៃ​សង្កាត់​មាន​ហា​ថា​ន​ក្រុង​ញូវយ៉ក នេះ​យោងតាម​ការ​ឲ្យ​ដឹង​ពី​ក្រសួងវប្បធម៌ និង​វិចិត្រសិល្បៈ នា​ថ្ងៃនេះ​។​

​ក្នុងចំណោម​សម្បត្តិ​វប្បធម៌​ខ្មែរ​ទាំងនេះ​មាន​រូប​បដិមា​សំខាន់ៗ​មួយចំនួន​ផ្នែក​ពុទ្ធសាសនា និង​ព្រហ្មញ្ញសាសនា ក្នុងសម័យ​អង្គរ​ដូចជា​៖ ព្រះពុទ្ធ​រូប​គង់​សមាធិ​លើ​នាគ​ធ្វើ​ពី​សំរឹទ្ធ​, រូប​ព្រះ​ឥសូរ និង​រូបនាង​ប្រាជ្ញា​បារ​មី​តា​ធ្វើ​ពី​ថ្មភក់ ជាដើម​។ វត្ថុ​ទាំង​ ២៧ រូបនេះ ត្រូវបាន​បញ្ជូនទៅ​រក្សា​ទុក​នៅ​សារមន្ទីរ​ជាតិ​ភ្នំពេញ ដើម្បីឱ្យ​ក្រុម​ជំនាញ​ធ្វើការ​ពិនិត្យ​វាយ​តម្លៃ សំអាត ជួសជុល និង​ដំឡើង​ជើង​ទម្រ​ចាំបាច់​នានា សម្រាប់​ត្រៀម​រៀបចំ​ពិធី​ប្រគល់​-​ទទួល​ជា​ផ្លូវការ នៅពេល​វេលាណាមួយ​សមស្រប តាម​ការសម្រេច​របស់​រាជរដ្ឋាភិបាល​។​

​លោកជំទាវ​បណ្ឌិត​សភាចា​រ្យ ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ បាន​បញ្ចា​ក់ថា “​សម្បត្តិ​វប្បធម៌​ខ្មែរ​ទាំងនេះ គឺជា​ព្រលឹង​របស់​បុព្វបុរស​ខ្មែរ​ជាច្រើន​ជំនាន់ និង​តំណាង​ឲ្យ​អរិយធម៌​ដ៏​រុងរឿង នៃ​ប្រវត្តិសាស្ត្រ​របស់​កម្ពុជា ដែល​បាន​រសាត់​ចាក​ឆ្ងាយ​ពី​មាតុ​ភូមិកំណើត​អស់​ជាច្រើន​ឆ្នាំ​មកហើយ​នា​សម័យ​សង្គ្រាម និង​អសន្តិសុខកន្លងមក​។ ដោយសារ​គោលនយោបាយ​ឈ្នះ​-​ឈ្នះ​របស់​រាជរដ្ឋាភិបាល ក្រោម​ការដឹកនាំ​ប្រកបដោយ​គតិបណ្ឌិត​រប​ស់ស​ម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដែល​បាននាំមក​នូវ​សុខសន្តិភាព​ពេញលេញ ទើប​យើង​មានឱកាស​ក្នុង​ការសហការ​ស្វែងរក និង​នាំយក​កេរ​មរតក​ខ្មែរ​ដែល​បានបាត់បង់​ទាំងនោះ​ត្រឡប់មក​មាតុភូមិ​កំណើត​វិញ។​

​ក្នុងនាម​តំណាង​រាជរដ្ឋាភិបាល​កម្ពុជា និង​ក្នុងនាម​ថ្នាក់ដឹកនាំ​នៃ​ក្រសួង​វប្បធម៌​និង​វិចិត្រសិល្បៈ លោកជំទាវ​បណ្ឌិត​សភាចា​រ្យ​បាន​ថ្លែងអំណរគុណ និង​វាយតម្លៃ​ខ្ពស់​ចំពោះ​កិច្ចសហប្រតិបត្តិការ និង​ការខិតខំ​ប្រឹងប្រែង​ពី​សំណាក់ ស្ថាប័ន​ពាក់ព័ន្ធ​នានា​របស់​សហរដ្ឋអាមេរិក ជាពិសេស ការិយាល័យ​រដ្ឋអាជ្ញា​នៃ​សង្កាត់​មាន​ហា​ថា​ន​ក្រុង​ញូវយ៉ក​, ការិយាល័យ​ស៊ើបអង្កេត​សន្តិសុខ​មាតុភូមិ​សហរដ្ឋអាមេរិក និង​ស្ថានទូត​សហរដ្ឋអាមេរិក​ប្រចាំ​កម្ពុជា ព្រមទាំង​ក្រសួង ស្ថាប័ន​នានា​របស់​កម្ពុជា និង​ក្រុមការងារ នៃ​ក្រសួង​វប្បធម៌ និង​វិចិត្រសិល្បៈ រួមជាមួយ​លោក Bradley 1. Gordon និង​លោក Steven Heimberg ដែល​បាន​ជួយ​ក្នុងការ​ស្រាវជ្រាវ និង​បញ្ជូន​រតនសម្បត្តិ​ទាំងនេះ​ត្រឡប់មក​កម្ពុជា​វិញ​។​

​ឆ្លៀត​ក្នុងឱកាស​នេះ លោកជំទាវ​បណ្ឌិត​សភាចា​រ្យ​ក៏បាន​អំពាវនាវ​ដល់​សារមន្ទីរ​នានា ក៏ដូចជា​អ្នកកាន់កាប់​សមុច្ច័យ ឯកជន​នៅ​ទូទាំង​ពិភពលោក សូម​ចូលរួម​សហការ និង​ប្រគល់​សម្បត្តិ​វប្បធម៌ ដែលជា​អត្តសញ្ញាណ​ជាតិខ្មែរ ត្រឡប់មក​ប្រទេស​កំណើត​វិញ​”៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៦ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៩ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៩ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៩ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម