កំណាត់​ផ្លូវ​លេខ​២៨៣ ដែល​ទទួលរង​ការខូចខាត​ត្រូវបានធ្វើ​ការជួសជុល​ឡើងវិញ​រួចរាល់​ហើយ​

ភ្នំពេញ ៖ កំណាត់​ផ្លូវ​លេខ ២៨៣ ដែល​ទទួលរង​ការខូចខាត​ត្រូវបានធ្វើ​ការជួសជុល​ឡើងវិញ​រួចរាល់​ហើយ នៅ​ថ្ងៃទី ២៦ ខែមិថុនា ឆ្នាំ ២០២២ នេះ ក្រោយពី លោក ជា ពិសី អភិបាលខណ្ឌ ទួលគោក​ចុះ ពិនិត្យ និង រក​ដំណោះស្រាយ ។

មន្ត្រី​រដ្ឋបាល​ខណ្ឌទួលគោក​បាន​ឲ្យ​ដឹង​ថា អាជ្ញាធរ ខណ្ឌទួលគោក ដោយមាន កិច្ចសហការ ពី មន្ទីរ សាធារណការ​និង​ដឹកជញ្ជូន រាជធានី ភ្នំពេញ នៅ​ថ្ងៃទី ២៦ ខែមិថុនា ឆ្នាំ ២០២២ នេះ​បានធ្វើ​ការជួសជុល ជង្ហុក សំបុកមាន់ នៅ​ផ្លូវ​លេខ​២៨៣​រួចរាល់​ហើយ ដើម្បី​បញ្ចៀស​គ្រោះថ្នាក់ ក្នុងការ ធ្វើដំណើរ របស់ បងប្អូន​ប្រជាពលរដ្ឋ។

គួរ​រំលឹក​ថា កាលពី​ថ្ងៃទី ២៤ ខែមិថុនា ឆ្នាំ ២០២២ កន្លងមកនេះ លោក ជា ពិសី អភិបាលខណ្ឌ ទួលគោក បាន​ដឹកនាំ​ការិយាល័យ សាធារណការ ខណ្ឌ និង កម្លាំង សណ្ដាប់ធ្នាប់ សហការ ជាមួយ មន្ទីរ សាធារណការ និង ដឹកជញ្ជូន រាជធានី ភ្នំពេញ ចុះ បាញ់ លាង សម្អាត ផ្លូវ ២៨៣ ព្រមទាំង បាន ចុះ​ពិនិត្យ​ជាក់ស្តែង ដើម្បី​ជួសជុល ជង្ហុក សំបុកមាន់ តាម បណ្ដោយ​ផ្លូវ​នេះ រហូតមកដល់​ថ្ងៃ​២៦ មិថុនា ឆ្នាំ ២០២២ នេះ ការជួសជុល​បាន​រួចរាល់​ហើយ​ដើម្បី បញ្ចៀស គ្រោះថ្នាក់ ជាយថាហេតុ ក្នុង ការធ្វើដំណើរ​របស់​បង​ប្អូន​ប្រជាពលរដ្ឋ៕

ដោយ ៖ ស្រីរ័ត្ន