ព័ត៌មានជាតិ
សម្តេចតេជោ ហ៊ុន សែន ផ្ដាំផ្ញើសមាជិកបក្ស មិនត្រូវភ្លេចសោកនាដកម្ម និងការបាត់បង់ដ៏ធំធេង ដែលកម្ពុជាបានជួបប្រទះពីអតីតកាល
មានប្រសាសន៍ នៅក្នុងអង្គមិទ្ទិញអបអរសាទរខួប ៧១ ឆ្នាំ ថ្ងៃកំណើតបក្ស (២៨ មិថុនា ១៩៥១-២៨ មិថុនា ២០២២) នាព្រឹកនេះ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី បានផ្ដាំផ្ញើដល់សមាជិក-សមាជិកា ក៏ដូចជាថ្នាក់ដឹកនាំគណបក្សទាំងអស់ ក្នុងដំណើរឆ្ពោះទៅមុខមិនត្រូវភ្លេចសោកនាដកម្ម ការបែកបាក់ ការនិរាសព្រាត់ប្រាស់ និងជាការបាត់បង់ដ៏ធំធេង ដែលប្រជាជាតិកម្ពុជា បានជួបប្រទះពីអតីតកាលនោះឡើយ។
បើតាមសម្ដេចតេជោ ហ៊ុន សែន រាល់សមិទ្ធផល ដែលគណបក្សសម្រេចបានជូនជាតិ ក្នុងរយៈពេល ៤៣ឆ្នាំកន្លងមកនេះ គឺអាស្រ័យដោយគណបក្សមានភាពត្រឹមត្រូវខាងនយោបាយ មានការគាំទ្រយ៉ាងពេញទំហឹងពីប្រជាជន មានរចនាសម្ព័ន្ធរឹងមាំ មានធនធានមនុស្សប្រកបដោយគុណភាព និងសមត្ថភាព មានសាមគ្គីភាព ឯកភាពផ្ទៃក្នុងរឹងមាំ និងរបៀបរបបធ្វើការងារបានយ៉ាងល្អ ត្រឹមត្រូវ។ ប៉ុន្តែដំណើរទៅមុខទៀត យើងមិនត្រូវភ្លេចនូវសោកនាដកម្ម ការបែកបាក់ ការព្រាត់ប្រាស់ និងការបាត់បង់ដ៏ធំធេង ដែលប្រជាជាតិយើងបានជួបប្រទះពីអតីតកាលនោះឡើយ។
សម្តេចតេជោ ហ៊ុន សែន បានថ្លែងបន្តថា ផ្អែកលើមូលដ្ឋាននេះ យើងត្រូវរួបរួមគ្នាក្នុងធ្លុងសាមគ្គីភាព ដើម្បីរក្សាឲ្យបាននូវសមិទ្ធផលធំៗ ដែលសម្រេចបានមកដោយលំបាកបំផុត ដោយមិនត្រូវភ្លេចខ្លួនដើរជាន់ដានប្រវត្តិសាស្ត្រដ៏ខ្មៅងងឹតកាលពីមុន ដោយអចេតនា ឬចេតនាក្តី។
ជាមួយគ្នានោះ សម្តេចប្រធានគណបក្ស បានអំពាវនាវឲ្យគណៈកម្មាធិការបក្សគ្រប់លំដាប់ថ្នាក់ គ្រប់ផ្នែក និងមន្ត្រីគណបក្សគ្រប់រូប ត្រូវបង្កើនការខិតខំបំពេញភារកិច្ចរបស់ខ្លួនឲ្យបានល្អ។ ជាពិសេសត្រូវអនុវត្តនូវគោលការណ៍ និងអភិក្រមនានា នៃការកែទម្រង់របស់គណបក្ស ដើម្បីធ្វើឲ្យគណបក្សកាន់តែរឹងមាំ ទាំងខាងនយោបាយ សតិអារម្មណ៍ និងការចាត់តាំង ព្រមទាំងទទួលបាននូវការស្រឡាញ់ពីប្រជាជនជានិច្ច។
សូមបញ្ជាក់ថា នៅព្រឹកថ្ងៃទី ២៨ ខែមិថុនា ឆ្នាំ ២០២២នេះ គណបក្សប្រជាជនកម្ពុជា ដែលជាគណបក្សនយោបាយដ៏ធំនៅកម្ពុជា បានរៀបចំប្រារព្ធអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតបក្ស (២៨ មិថុនា ១៩៥១-២៨ មិថុនា ២០២២) ដែលពិធីនេះ ប្រារព្ធធ្វើឡើងយ៉ាងមហោឡារឹកនៅវិមាន ៧មករា ក្រោមអធិបតីភាពសម្តេចតេជោ ហ៊ុន សែន ប្រធានគណបក្ស, សម្តេចពញាចក្រី ហេង សំរិន ប្រធានកិត្តិយសគណបក្ស, និងអនុប្រធានបក្សទាំង ៤រូប ព្រមទាំងមានការអញ្ជើញចូលរួមពីសមាជិក- សមាជិកាជាច្រើនរូបទៀត៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore