ព័ត៌មានជាតិ
លោក ប្រាក់ សុខុន ថា ការអញ្ជើញលោក Putin ចូលរួមកិច្ចប្រជុំអាស៊ាននៅខែវិច្ឆិកាខាងមុខ ឬមិនអញ្ជើញ ស្ថិតលើកុងសង់ស៊ីស
មានប្រសាសន៍នៅក្នុងពិធី Press Briefing ជូនដល់អង្គទូតនានា ក៏ដូចជាអ្នកសារព័ត៌មាន កាលពីរសៀលថ្ងៃទី០៦ ខែកក្កដា ឆ្នាំ២០២២ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិប្រាក់ជាតិកម្ពុជាបានលើកឡើងថា ការសម្រេចអញ្ជើញលោក វ្ល៉ាឌីមៀ ពូទីន (Vladimir Putin) ប្រធានាធិបតីរុស្ស៊ីចូលរួមកិច្ចប្រជុំអាស៊ាននៅខែវិច្ឆិកា ខាងមុខ ឬមិនអញ្ជើញនោះ គឺស្ថិតលើកុងសង់ស៊ីសរបស់អាស៊ាន ប៉ុន្តែពេលវេលានៅវែងឆ្ងាយ លោកសង្ឃឹមថា អ្វីៗនឹងមានការប្រែប្រួលជាវិជ្ជមាន។
លោកឧបនាយករដ្ឋមន្ត្រី ប្រាក់ សុខុន លើកឡើងបែបនេះ ជាការឆ្លើយតបសំណួររបស់អ្នកសារព័ត៌មាន។ លោកថា កិច្ចប្រជុំនានារបស់អាស៊ាន ឬកិច្ចប្រជុំអាស៊ានដែលមានការចូលរួមពីខាងក្រៅ គឺជាកិច្ចប្រជុំស្ថិតក្នុងយន្តការរបស់អាស៊ាន ដូច្នេះកិច្ចប្រជុំទាំងនោះ ឲ្យអ្នកណាចូល ឬមិនឲ្យអ្នកណាចូល ស្ថិតនៅលើកុងសង់ស៊ីសរបស់អាស៊ាន។
បើតាមលោកឧបនាយករដ្ឋមន្ត្រី ប្រាក់ សុខុន កន្លងទៅប្រទេសឥណ្ឌូនេស៊ី បានអញ្ជើញលោក Putin ចូលរួមនៅក្នុងកិច្ចប្រជុំជី G20 ដែលការអញ្ជើញនោះ ត្រូវបានលោក ពូទីន ប្រកាសទទួលយករួចហើយ។ លោកថា ផ្អែកទៅលើលំនាំមួយនេះ និងផ្អែកទៅលើហេតុផល ដែលថា កិច្ចប្រជុំរបស់អាស៊ានជាមួយដៃគូ ដែលដឹកនាំដោយអាស៊ាននោះ គឺអាចថាយកលំនាំតាមឥណ្ឌូណេស៊ី ឬនិយាយដោយការប្រុងប្រយ័ត្នជាងនេះបន្តិចថា យកតាមការសម្រេចរបស់សមូហភាព។
ប្រមុខការទូតកម្ពុជារូបនោះលើកឡើងទៀតថា យើងបានធ្វើការថ្លឹងថ្លែងលើបញ្ហានេះ។ តែទោះជាយ៉ាងណា លោកថា ចាប់ពីពេលនេះរហូតដល់កិច្ចប្រជុំ នៅសល់រយៈពេលវែងដែរ លោកសង្ឃឹមថា ស្ថានភាពអាចនឹងប្រែប្រួលក្នុងទិសវិជ្ជមាន។ ដូច្នេះចម្លើយនៅពេលនេះ គឺនៅមិនទាន់ដាច់ណាត់នៅឡើយទេ ទាក់ទងទៅនឹងការអញ្ជើញលោកប្រធានាធិបតីរុស្ស៊ី វ្ល៉ាឌីមៀ ពូទីន មកចូលរួមកិច្ចប្រជុំកំពូលអាស៊ាននៅកម្ពុជា៕
ដោយ ៖ កោះកែវ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ