ក្រុមហ៊ុន ស៊ីភី ខេមបូឌា ផ្តល់ឱកាសសម្រាប់អាជីវកម្មលក់ចំណីសត្វ និងចិញ្ចឹមសត្វ

ក្រុមហ៊ុន ស៊ីភី ខេមបូឌា ចំកាត់ កំពុងពង្រីកខ្លួនដើម្បីបំពេញតម្រូវការទីផ្សារក្នុងស្រុក និងស្វែងរកដៃគូសហការសមស្រប ដើម្បីចូលរួមក្នុងអាជីវកម្មរបស់ខ្លួន ដែលជា​ឱកាស​មួយ​សម្រាប់​អ្នក​ចង់​ប្រកប​អាជីវកម្ម​លក់​ចំណី​សត្វ និង​ចិញ្ចឹមសត្វ​។

យោងតាម​គោលនយោបាយ​របស់​រដ្ឋាភិបាល​ ក្នុងការ​លើកកម្ពស់​ផលិតផល​ចំណី​សត្វ​ ដើម្បី​ផ្គត់ផ្គង់​តម្រូវការ​ប្រជាជន​ក្នុងស្រុក ឃើញថា​បច្ចុប្បន្ន​នេះ​មាន​ចំនួន​អ្នក​ចិញ្ចឹមសត្វ​កើនឡើង ហើយ​តម្រូវ​ការបរិភោគ​សាច់សត្វ​របស់​ប្រជាជនមាន​ការកើនឡើង​ជា​លំដាប់​ក្នុងប្រទេស​។ ដូចនេះ​ការពង្រីក​ខ្លួន​របស់​ក្រុមហ៊ុន ស៊ី​ភី ខេ​ម​បូ​ឌា ចំកាត់ ជា​ឱកាស​ដ៏​ល្អ​សម្រាប់​អ្នក​ដែល​ចាប់អារម្មណ៍​ក្នុង​ការបើក​ដេប៉ូ​លក់​ចំណី​សត្វ និង​លក់​ពូជ​សត្វ​។

​លោក ប្រា​ស៊ីត ហាន​ភិ​ស៊ុត ជំនួយការ​ក្រុមប្រឹក្សាភិបាល​នៃ​អាជីវកម្ម​ចំណី​សត្វ​ប្រចាំ​កម្ពុជា​បាន​មានប្រសាសន៍ថា​ក្រុមហ៊ុន ស៊ី​ភី ខេ​ម​បូ​ឌា ប្តេជ្ញាចិត្ត​ខ្ពស់​ក្នុងការ​ពង្រីក​អាជីវកម្ម​នៅ​កម្ពុជា ជាមួយនឹង​ការផ្តល់​ឱកាស​ការបើក​អាជីវកម្ម​លក់​ចំណី​សត្វ​និង​ចិញ្ចឹមសត្វ​។​ គោលការណ៍​ទាំងអស់នេះ ​របស់​យើង​មាន​គោលបំណង​លើកកម្ពស់​ប្រសិទ្ធភាព​ និង​ឧត្តមភាព​នៃ​ការរក្សាបាន​នូវ​គុណភាព និង​តម្លៃ​សមរម្យ ហើយ​គោលដៅ​របស់​យើង​គឺ​មិន​ត្រឹមតែ​អាជីវកម្ម​លក់​ចំណី​សត្វ និង​ចិញ្ចឹមសត្វ​ប៉ុណ្ណោះ​ទេ ប៉ុន្តែ​ថែមទាំង​នាំមក​នូវ​ភាពជោគជ័យ​ដល់​វិស័យ​ចិញ្ចឹមសត្វ​នៅក្នុង​ប្រទេស​កម្ពុជា​ផងដែរ​។

​លោក ប្រា​ស៊ីត​ បាន​បន្ថែមទៀតថា ​ដើម្បី​ធានា​ឱ្យបាន​នូវ​ចំណី​សត្វ​ដែលមាន​គុណភាព​ល្អផ្តាច់គេ ស៊ី​ភី ខេ​ម​បូ​ឌា បន្តធ្វើ​ការបង្កើន​គុណភាព​របស់ខ្លួន​ទៅលើ​ចំណី​ ដោយមាន​ការត្រួតពិនិត្យ​ឆ្លងកាត់​បន្ទប់ពិសោធន៍​លើ​គ្រប់​ជំហាន​នៃ​ការផលិត​ទាំង​អស់ ហើយ​ក៏មាន​ក្រុមបច្ចេកទេស​ប្រចាំការ​ដើម្បី​ធានា​ដល់​កម្រិតស្តង់ដារ​ខ្ពស់​ផងដែរ​។ បច្ចុប្បន្ន រោងចក្រ​ចំណី​សត្វ របស់​ក្រុមហ៊ុន ស៊ី​ភី មាន ២​សាខា គឺ​នៅ​ខេត្តកណ្តាល និង​ខេត្ត​ប៉ៃលិន ហើយ​បាន​ពង្រីក​អាជីវកម្ម​ចំណី​សត្វ ទៅកាន់​ដៃគូ​សហការ​នៃ​ការបើក​ដេប៉ូ​ជាច្រើន​ខេត្ត​ក្រុង​នៅក្នុង​ព្រះរាជាណាចក្រ​កម្ពុជា​។

​ការសហការ​បើក​ដេប៉ូ​លក់​ចំណី​សត្វ ឬ​ចង់​ទិញ​ពូជ​សត្វ​របស់​ក្រុមហ៊ុន​ស៊ី​ភី ខេ​ម​បូ​ឌា យកទៅ​ចិញ្ចឹម អតិថិជន​នឹង​ទទួលបាន​ការយកចិត្ត​ទុកដាក់​ពី​ភ្នាក់ងារ​ ដែលជា​បុគ្គលិក​របស់​ក្រុមហ៊ុន​ចុះទៅ​បង្រៀន​ពី​ការលក់ ប្រឹក្សា​ការចិញ្ចឹម និង​ការធ្វើ​ទីផ្សារ​ផងដែរ​។ លើសពីនេះទៅទៀត​អតិថិជន​ដែល​ក្លាយជា​ដៃ​គូ​សហការ​ជាមួយ​ក្រុមហ៊ុន ក្នុង​ការបើក​ដេប៉ូ​លក់​ចំណី​សត្វ​ឬ​ចង់​ទិញ​ពូជ​សត្វ​របស់​ក្រុមហ៊ុន គឺ​ចំណាយ​ដើមទុន​តិច និង​បង្កើត​ប្រាក់ចំណូល​ខ្ពស់​។

​ជាមួយនឹង​កសិកម្ម​បែប​ប្រពៃណី​របស់​ប្រជាជន​កម្ពុជា គួបផ្សំ​នឹង​ចំណី​សត្វ​និង​ពូជ​សត្វ​ដ៏​មានគុណ​ភាព​ខ្ពស់​របស់​ក្រុមហ៊ុន ស៊ី​ភី គឺ​កំពុង​ជួយ​លើកកម្ពស់​គោលការណ៍​ស្នូល​របស់ខ្លួន​ដែល​ផ្តល់​អត្ថប្រយោជន៍​ដល់​ប្រទេសជាតិ ប្រជាជន និង​ក្រុមហ៊ុន​ខ្លួនឯង ជាមួយនឹង​ឱកាស​ពង្រីក​អាជីវកម្ម​នៅក្នុង​ព្រះរាជាណាចក្រ​កម្ពុជា ដើម្បី​បំពេញតម្រូវការ​ទីផ្សារ​ក្នុងស្រុក​ដែល​កំពុង​កើនឡើង​។

ក្រោម​ចក្ខុវិស័យ​«​ផ្ទះបាយ​ពិភពលោក​» ប្រកបដោយ​និរន្តរភាព អាជីវកម្ម ស៊ី​ភី ផ្តោត​សំខាន់​លើ​ប្រតិបត្តិការ​អាជីវកម្ម ចំណី​សត្វ ការចិញ្ចឹម​សត្វ និង​ចំណីអាហារ។ ស៊ី​ភី ខេ​ម​បូ​ឌា​ ក៏មាន​ហាង​លក់រាយ ​និង​ហ្វ្រេ​ន​ឆាយ​ជាច្រើន​ដូចជា Five Star, Star Coffee, CP Fresh Mart និង CP Fresh Shop ជាដើម​។

​ក្រុមហ៊ុន ស៊ី​ភី ខេ​ម​បូ​ឌា ជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន CPF ដ៏​ធំ​របស់​ប្រទេស​ថៃ បាន​វិនិយោគ​ក្នុងប្រទេស​ជាង ​១៦ និង​ចែកចាយ​ផលិតផល​របស់ខ្លួន​ទៅកាន់​ជាង ៤០ ​ប្រទេស​ នៅ​ជុំវិញ​ពិភពលោក និង​បាន​ប្រតិបត្តិការ​នៅ​កម្ពុជា​អស់​រយៈពេល ២៥ ​ឆ្នាំ​មកហើយ​។​ តាម​គោលការណ៍​ប្រកបដោយ​និរន្តរភាព ស៊ី​ភី ខេ​ម​បូ​ឌា បាន​យកចិត្ត​ទុក​យ៉ាងខ្លាំង​ក្នុង​ការជួយ​ដល់​កសិករ​ក្នុងស្រុក និង​ការកាត់បន្ថយ​ការចំណាយ​លើ​មធ្យោបាយ​ធ្វើដំណើរ​ ដែលជា​មូលហេតុ​ដែល​យើង​ផ្តល់​អាទិភាព​ដល់​ផលិតផល​វត្ថុធាតុដើម​ក្នុងស្រុក​ជាពិសេស ធានាបាន​នូវ​ការរួមបញ្ចូល​នូវ​ជីវជាតិ​បំប៉ន រួមទាំង​ការផលិត​ប្រកបដោយ​គុណភាព​ខ្ពស់ និង​ឈានមុខ​គេ​។ អាជីវកម្ម​ចំណី​សត្វ របស់​ក្រុមហ៊ុន​ស៊ី​ភី ខេ​ម​បូ​ឌា ជា​ប្រភេទ​អាជីវកម្ម​ដែលមាន​ការផ្គត់ផ្គង់​ចំណី​សត្វ​ជាច្រើន​ប្រភេទ ដូចជា​ចំណី​មាន់ ជ្រូក ទា គោ ចំណី​សត្វ​ទឹក នឹង​ពូជ​សត្វ រួមមាន​ពូជ​មាន់ ពូជ​ជ្រូក​ដែលមាន​សុខភាព​រឹងមាំ ធន់​នឹង​ជំងឺ​ និង​ផ្តល់​ទិន្នផល​ខ្ពស់​ដល់​អ្នក​ចិញ្ចឹម​។

១.​លក្ខខណ្ឌ អតិថិជន​ចង់​សហការ​ជាមួយ​ក្រុមហ៊ុន​ក្នុង​ការបើក​ដេប៉ូ​លក់​ចំណី​សត្វ​៖

​ ​មាន​ទីតាំង​ច្បាស់លាស់​

​ ​មាន​ឃ្លាំង​ស្តុក​ចំណី​ធំ​ទូលាយ​និង​មាន​សុវត្ថិភាព​

​ ​មាន​មធ្យោបាយ​ដឹកជញ្ជូន​ដោយ​ខ្លួនឯង​

​ ​ត្រូវមាន​ដើមទុន​ក្នុង​ការទិញ​ផលិតផល (​ចាយលុយ​សុទ្ធ​)

​ ​ក្រុមហ៊ុន​កំណត់​ទីតាំង​នៃ​ការលក់ មិន​ប៉ះពាល់​ដេប៉ូ​ផ្សេង​

​ ​មិន​ប្រកួតប្រជែង​តម្លៃ​ឬ​អតិថិជន​ដេប៉ូ​គ្នាឯង​

​ ​ផ្តល់​អទិភាព​ខ្ពស់​ចំពោះ​អតិថិជន​ ដែលមាន​កសិដ្ឋាន​ចិញ្ចឹម​ផ្ទាល់ខ្លួន និង​លក់​ផលិតផល​សុទ្ធ​របស់​ក្រុមហ៊ុន​

​ ​មាន​សិទ្ធ​លក់​ពូជ​សត្វ ថ្នាំ​សត្វ​របស់​ក្រុមហ៊ុន និង​ទទួលបាន​កម្រៃជើងសា​

២. លក្ខខណ្ឌ អតិថិជន​ចង់​ទិញ​ពូជ​សត្វ​យក​ចិញ្ចឹម ត្រូវមាន ៖

​ ​ទីតាំង (​មិន​នៅ​ទីប្រជុំជន មាន​ផ្លូវចេញចូល ងាយស្រួល​ដឹកជញ្ជូន​ចំណី​និង​សត្វ មាន​ប្រព័ន្ធ​ទឹក ភ្លើង ។​ល​។​)

​ ​ប្រវត្តិ​ចិញ្ចឹម​ច្បាស់លាស់ និង​មាន​ទីផ្សារ​លក់​សត្វ​ធំ

​ ​ប្រើ​ចំណី​ស៊ី​ភី​សុទ្ធ ១០០%

​ ​ដើមទុន (​ទិញ​ចាយលុយ​សុទ្ធ​)

​ ​ឯកសារ​ភ្ជាប់ (​អត្តសញ្ញាណ​-

​ ​ប័ណ្ណ សៀវភៅ​គ្រួសារ សៀវភៅ​គណនី​ធនាគារ​)

​ ​បង្កើត​ឈ្មោះ​ក្នុង​ក្រុមហ៊ុន​បាន (CV code)

​ដូចនេះ សម្រាប់​អតិថិជន​ដែលមាន​ចំណាប់​អារម្មណ៍ ក្នុងការ​ចិញ្ចឹមសត្វ​នឹង​ទិញ​ចំណី​សត្វ អាចទាក់ទង​មកកាន់​ក្រុមហ៊ុន​ស៊ី​ភី​បាន​ដោយ​ព័ត៌មាន​បន្ថែម​សូម​ទាក់ ទង​ទូរស័ព្ទ​លេខ ៖ 011 688 739 / 098 527 572 (Office) អ៉ី​មែ​ល​៖ [email protected] ហ្វេ​ស​ប៊ុ​ក CP Cambodia Co.,Ltd ឬ​សូម​អញ្ជើញ​ទៅកាន់​សាខា CPF ដែល​នៅ​ជិត​លោកអ្នក​បំផុត​៕​

​