ព័ត៌មានជាតិ
ប្រមុខការទូតកម្ពុជា ប្ដេជ្ញាដោះស្រាយបញ្ហាភូមារហូតចប់អាណត្តិជាប្រេសិតពិសេសអាស៊ាន ខណៈភូមាហាក់ដើរថយក្រោយ
លោក ប្រាក់ សុខុន នឹងបន្តកិច្ចខិតខំប្រឹងប្រែងរហូតដល់ចុងបញ្ចប់នៃអាណត្តិជាប្រេសិតពិសេសប្រធានអាស៊ាន ស្ដីពី មីយ៉ាន់ម៉ា ទោះបីជាមានការដើរថយក្រោយ បន្ទាប់ពីមានការប្រហារជីវិតនៅពេលថ្មីៗនេះ ក៏ដោយ។ លោក ប្រាក់ សុខុន រដ្ឋមន្រ្តីការបរទេសកម្ពុជាបានអះអាងបែបនេះ នៅក្នុងជំនួបទ្វេភាគីជាមួយរដ្ឋមន្ត្រីការបរទេសជប៉ុន នៅថ្ងៃទី៤ សីហា ។
កម្ពុជា ក្នុងតួនាទីជាប្រធានអាស៊ានសម្រាប់ឆ្នាំ២០២២នេះ បានខិតខំប្រឹងប្រែងយ៉ាងខ្លាំង ដើម្បីស្វែងរកដំណោះស្រាយចំពោះវិបត្តិដ៏តានតឹងនៅក្នុងប្រទេសមីយ៉ាន់ម៉ា ក្រោយរដ្ឋប្រហារទម្លាក់លោកស្រី អោង សាន ស៊ូជី ពីសំណាក់ក្រុមយោ ធាមីយ៉ាន់ម៉ារបស់លោក មីង អោងឡាំង។ នៅក្នុងនោះ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានធ្វើទស្សនកិច្ចទៅកាន់ប្រទេសមីយ៉ាន់ម៉ា ដោយបានជួបពិភាក្សាជាមួយលោក មីង អោងឡាំង ដើម្បីជំរុញការអនុវត្តកិច្ចព្រមព្រៀងជាឯច្ឆន្ទ ៥ចំណុចរបស់មេដឹកនាំអាស៊ាន ក្នុងការដោះស្រាយបញ្ហានៅមីយ៉ាន់ម៉ា ដើម្បីធានាឲ្យវិលរកប្រក្រតីភាពឡើងវិញ។
ជាមួយគ្នានេះ លោក ប្រាក់ សុខុន រដ្ឋមន្ត្រីការបរទេសកម្ពុជា ក្នុងនាមជាប្រេសិតពិសេសរបស់ប្រធានអាស៊ាន ក៏បានធ្វើដំណើរទស្សនកិច្ចផ្លូវការចំនួន ២លើកទៅកាន់ប្រទេសមីយ៉ាន់ផងដែរ។ ក្នុងដំណើរទស្សនកិច្ចរបស់លោក ប្រាក់ សុខុន ត្រូវបានរដ្ឋាភិបាលរបបសឹកយោធាមីយ៉ាន់ម៉ាបដិសេធមិនឲ្យចូលជួបលោកស្រី អ៊ុងសាន ស៊ូជី នោះទេ ខណៈលោកស្រីកំពុងត្រូវបានឃុំខ្លួននៅក្នុងពន្ធនាគារទីក្រុងណៃពិដោ។
ប៉ុន្តែអ្វីដែលគួរឲ្យសោកស្ដាយ គឺកាលពីថ្ងៃទី២៥ ខែកក្កដា កន្លងទៅនេះ អាជ្ញាធរយោធារបស់ប្រទេសមីយ៉ាន់ម៉ា បានសម្រេចប្រហារជីវិតសកម្មជនប្រជាធិបតេយ្យចំនួន ៤នាក់ ក្រោមការចោទប្រកាន់ថា បានជួយអនុវត្តអំពើភេរវកម្ម។ ទង្វើបែបនេះរបស់អាជ្ញាធរមីយ៉ោន់ម៉ា ត្រូវបានអន្តរជាតិធ្វើការថ្កោលទោសយ៉ាងខ្លាំង។
តែទោះជាយ៉ាងណា រដ្ឋមន្ត្រីការបរទេសជប៉ុន លោក យូហ្ស៊ីម៉ាសា បានបង្ហាញការកោតសរសើរចំពោះសម្ដេច តេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំនេះ និងលោករដ្ឋមន្ត្រី ប្រាក់ សុខុន ដែលបានខិតខំស្វែងរកដំណោះស្រាយចំពោះវិបត្តិនយោបាយនៅមីយ៉ាន់ម៉ា៕
ដោយ ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ