Connect with us

ព័ត៌មានជាតិ

លោក ប្រាក់ សុខុន មានមោទនភាពពេលឃើញទង់ជាតិកម្ពុជា ត្រូវបានដាក់ស្មើមុខស្មើមាត់គ្នាជាមួយប្រទេសដទៃ នៅស្នាក់ការ UN

បានផុស

នៅ

អំឡុងពេលបំពេញបេសកកម្មនៅទីក្រុងញូវយ៉ក សហរដ្ឋអាមេរិក ដោយអមដំណើរសម្ដេចតេជោនាយករដ្ឋមន្ត្រី ទៅចូលរួមមហាសន្និបាតអង្គការសហប្រជាជាតិលើកទី ៧៧ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសកម្ពុជា បានអញ្ជើញទស្សនកិច្ចនៅជុំវិញបរិវេណ នៃទីស្នាក់ការអង្គការសហប្រជាជាតិ (UN)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលអញ្ជើញទស្សនកិច្ចនោះ លោកឧបនាយករដ្ឋមន្ត្រី ប្រាក់ សុខុន បានបង្ហាញមោទនភាព នៅពេលឃើញទង់ជាតិរបស់កម្ពុជា ត្រូវបានដាក់ស្មើមុខស្មើមាត់គ្នាជាមួយប្រទេសដទៃ។ តាមរយៈទំព័រហ្វេសប៊ុករបស់ខ្លួន នៅយប់ថ្ងៃទី ២១ ខែកញ្ញា លោករដ្ឋមន្ត្រីក្រសួងការបរទេសកម្ពុជា បានសរសេរថា «ខ្ញុំក៏បានឆ្លៀតដើរជុំវិញបរិវេណ នៃទីស្នាក់ការអង្គការសហប្រជាជាតិផងដែរ ហើយមានមោទនភាពគ្រប់ពេលដែលឃើញទង់ជាតិរបស់កម្ពុជាយើង ត្រូវបានដាក់ស្មើមុខស្មើមាត់គ្នាជាមួយប្រទេសដទៃទៀតនៅជុំវិញពិភពលោក»។

លោកបន្ថែមថា ប៉ុន្មានថ្ងៃខាងមុខនេះ បេសកកម្មរបស់លោកនៅទីក្រុងញូវយ៉ក នឹងកាន់តែមមាញឹក។ សូមជម្រាបថា ថ្ងៃដំបូងនៃបេសកកម្ម របស់លោកឧបនាយករដ្ឋមន្ត្រី ប្រាក់ សុខុន នៅទីក្រុងញូវយ៉កបានប្រព្រឹត្តទៅប្រកបដោយផ្លែផ្កា ខណៈដែលលោកមានជំនួបទ្វេភាគី ជាមួយលោករដ្ឋមន្ត្រីការបរ​ទេ​សអាហ្សង់ទីន សាន់ទីអេហ្គូ ខាហ្វីអេរ៉ូ, និងលោករដ្ឋមន្ត្រីការបរទេសម៉ាល់ឌីវ អាប់ឌូឡា សាហ៊ីត ព្រមទាំងបានចូលរួមកិច្ចប្រជុំរដ្ឋមន្ត្រី នៃក្រុមបណ្តាមិត្តនៃគំនិតផ្តួចផ្តើមអភិវឌ្ឍន៍សកល ផងដែរ។

គួរឲ្យដឹងដែរថា ខណៈពេលអញ្ជើញអមដំណើរសម្ដេចតេជោនាយករដ្ឋមន្ត្រី ចូលរួមក្នុងមហាសន្និបាតអង្គការសហប្រជាជាតិលើកទី ៧៧នោះ លោកឧបនាយករដ្ឋមន្ត្រី ប្រាក់ សុខុន នឹងអញ្ជើញចូលរួមក្នុងកិច្ចប្រជុំក្រៅផ្លូវការរបស់រដ្ឋមន្ត្រីការបរទេសអាស៊ាន (IAMM) ដែលនឹងត្រូវបានរៀបចំឡើងនៅក្នុងឱកាសនៃ មហាសន្និបាតអង្គការសហប្រជាជាតិលើកទី ៧៧ ហើយនឹងមានជំនួបពិភាក្សាការងារជាមួយរដ្ឋមន្ត្រីការបរទេសរបស់ប្រទេសមួយចំនួន និងតំណាងស្ថាប័នអភិវឌ្ឍន៍ផ្សេងទៀត ផងដែរ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ វិនាទី មុន

លោក ប្រាក់ សុខុន មានមោទនភាពពេលឃើញទង់ជាតិកម្ពុជា ត្រូវបានដាក់ស្មើមុខស្មើមាត់គ្នាជាមួយប្រទេសដទៃ នៅស្នាក់ការ UN

ព័ត៌មានជាតិ៥ នាទី មុន

ថៃ​អនុញ្ញាតផ្ដល់បណ្ណពណ៌លឿង​ដល់ប្រជាពលរដ្ឋខ្មែរ​ចេញ-ចូលព្រឹកល្ងាច​នៅផ្សាររុងក្លឿវិញ​

ព័ត៌មានអន្ដរជាតិ៥ នាទី មុន

ព្យុះសង្ឃរា Fiona កំពុងតម្រង់ទៅកោះ Bermuda ក្រោយសម្លាប់មនុស្ស ៨នាក់នៅ ព័រតូរីកូ

សេដ្ឋកិច្ច១០ នាទី មុន

ទិន្នន័យថ្មីតម្លៃប្រេងសាំងនៅ អាស៊ាន ខណៈ កម្ពុជា ធ្លាក់ ៥០ រៀលក្នុងមួយលីត្រ

កីឡា២៧ នាទី មុន

កម្ពុជា​​អាច​​បញ្ចប់​​កំណត់​​ត្រា​​មិន​​​ធ្លាប់​​​ឈ្នះ​​បង់ក្លាដែស​​បាន​​ទេ​​យប់​នេះ?​

Sokha Hotels

ព័ត៌មានពេញនិយម