ព័ត៌មានជាតិ
សម្តេចតេជោ ហ៊ុន សែន ៖ ខ្ញុំមិនអត់អោនឲ្យអ្នកប្រមាថប្រពន្ធកូនរបស់ខ្ញុំជាដាច់ខាត ខ្ញុំសុខចិត្តដាច់ក្បាល !
ការបញ្ជាក់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើឡើងតាមរយៈសារពិសេស ដែលត្រូវបានផ្សព្វផ្សាយតាមបណ្ដាញទូរទស្សន៍នានា កាលពីព្រឹកថ្ងៃទី២៩ ខែធ្នូ នេះ។
សម្តេចតេជោ ហ៊ុន សែន បានបញ្ជាក់យ៉ាងដូច្នេះថា “ប្រពន្ធខ្ញុំ ទៅជាប្រពន្ធរបស់មេដឹកនាំវៀតណាម កូនប្រុសខ្ញុំ ទៅជាកូនប្រុសរបស់វៀតណាម ដូច្នេះខ្ញុំក៏ចេះខឹងដែរ។ ការប្រមាថនេះ គឺមិនអាចទទួលយកបានទេ ខ្ញុំសុខចិត្តដាច់ក្បាល ក៏សុខចិត្តដែរ។ ក្នុងរឿងនេះ ជនបរទេសទាំងឡាយត្រូវចេះស្ដាប់ភាសាខ្មែរ យកទៅបកប្រែ។ ហេតុអ្វីបានជាប្រពន្ធរបស់ខ្ញុំក្លាយទៅជាប្រពន្ធរបស់មេដឹកនាំបរទេស កូនប្រុសបង្កើតរបស់ខ្ញុំ ដែលកំសត់កម្រ នៅក្នុងគុករបស់អាពត ក្លាយទៅជាកូនរបស់វៀតណាម ? អ្នកឯងត្រូវយល់ ! រឿងហ្នឹងមួយខ្ញុំមិនអាចអត់ឱនឲ្យបានទេ ដាច់ខាតហើយ ទោះបីផែនដីត្រូវរលាយក៏រលាយទៅ អញ្ចឹងអ្នកឯងមិនអាចត្រូវជាមួយខ្ញុំបានទេ។ មុននេះមានអាម្នាក់បានបោកខ្ញុំថា នឹងធ្វើសេចក្តីថ្លែងការណ៍ ថ្កោលទោស តែទីបំផុតអត់ធ្វើ”។
បើតាមសម្តេចតេជោ ហ៊ុន សែន “រឿងហ្នឹងមួយ គឺដាច់ខាតហើយ ខ្ញុំដាច់ខាត បើខ្ញុំមិនការពារ កូនខ្លួនឯង មិនការពារប្រពន្ធខ្លួនឯង ខ្ញុំស្មើនឹងសត្វ និយាយគ្នាឲ្យច្បាស់។ អ្នកឯងចេះខឹងទេ បើគេចោទថា ប្រពន្ធរបស់លោកឯង ជាសាហាយរបស់អ្នកនេះ ជាសាហាយរបស់អ្នកនោះ ជាអតីតសង្សាររបស់អ្នកនេះ ជាអតីតសង្សាររបស់អ្នកនោះ អ្នកឯងខឹងទេ ខ្ញុំជាមនុស្សដែរ ខ្ញុំចេះខឹង។
ប្រពន្ធខ្ញុំកំសត់ណាស់ ស្លាប់កូនមួយហើយ មានកូនមួយទៀតបាន៥ ខែ ប្ដីចែកចេញទៅតស៊ូ នៅពេលជួបឡើងវិញកូនហៅពូ២ខែ។ ខ្ញុំមិនអត់ឱនឲ្យដាច់ខាតហើយ មិត្តភក្តិបរទេសទាំងឡាយកុំមកឡូកឡំលើរឿងនេះ។ រឿងនេះមិនមែនរឿងនយោបាយទេ ជារឿងផ្ទាល់ខ្លួន ប៉ុន្តែរឿងផ្ទាល់ខ្លួននេះ វាពាក់ព័ន្ធទៅនឹងរឿងនយោបាយ ខ្ញុំសុខចិត្តកាត់ដៃខ្លួនឯង បើខ្ញុំលើកលែងឱ្យអាអ្នកប្រមាថប្រពន្ធ និងកូនរបស់ខ្ញុំ”។
សម្តេចតេជោ ហ៊ុន សែន លើកឡើងទៀតថា “ខ្ញុំមានចៅ ប៉ុន្តែខ្ញុំមិននឹកស្មានថា សារធាតុពួកនេះ អាចធ្វើបែបនេះទៅរួច ការប្រមាថប្រពន្ធ និងកូនរបស់ខ្ញុំ ខ្ញុំបញ្ជាក់ហើយបញ្ជាក់ទៀត ឱ្យជនបរទេសស្ដាប់ឱ្យបាន។ ការប្រមាថមួយនេះ ខ្ញុំមិនអត់ឱនឱ្យទេ មិនអាចយោគយល់បាន មិនអាចទទួលបាន។ ភាសាបីនេះខុសៗគ្នា ភាសាមិនអាចអត់ឱនឲ្យបាន មានន័យថាចប់ហើយ។ មិនអាចរកឃើញនូវការយោគយល់ណាមួយបានទេ មានមួយអត់មួយចឹងហ្មង។ រឿងនេះជារឿងធំសម្រាប់ជីវិតរបស់ខ្ញុំ ព្រោះកំសត់ពេកហើយ យកជីវិតទៅប្ដូរធ្វើដើមទុន ដើម្បីរំដោះខ្មែរចេញពីរបបប៉ុលពត យកជីវិតទៅប្ដូរដើម្បីសន្តិភាពសម្រាប់ខ្មែរសម្រាប់ប្រទេស”។
សូមបញ្ជាក់ថា ការប្រកាសរបស់សម្តេចតេជោ ហ៊ុន សែន អំពីការមិនអត់អោនឲ្យអ្នកប្រមាថប្រពន្ធកូនរបស់សម្តេចនេះ សម្តេចមិនបានបញ្ជាក់ចំឈ្មោះទេ ប៉ុន្តែបើទោះបីជាមិនបានបញ្ជាក់ចំឈ្មោះក៏ដោយ គេនៅចាំបានថា លោក សម រង្ស៊ី អតីតមេដឹកនាំបក្សប្រឆាំង គឺជាអ្នកនិយាយពីរឿងនេះ ហើយត្រូវបានទំលាយដោយលោក ម៉ៅ មុនីវណ្ណ អតីតតំណាងរាស្ត្រអតីតគណបក្សសង្គ្រោះជាតិ៕
ដោយ ៖ កោះកែវ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៣ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ