ខេត្តកំពត រៀបចំ ព្រឹត្តិការណ៍សង្ក្រាន្ដកំពត រយៈពេល ៣ថ្ងៃ

រដ្ឋបាលខេត្តកំពត បាននឹងរៀបចំព្រឹត្តិការណ៍សង្ក្រាន្តឆ្នាំថ្មី រយៈពេលបីថ្ងៃដើម្បីចូលរួមអបអរសាទរ ស្វាគមន៍ឆ្នាំថ្មីប្រពៃណីជាតិខ្មែរ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម សេចក្ដីប្រកាសរបស់រដ្ឋបាលខេត្តកំពត នាថ្ងៃទី៣០ ខែមីនា ឆ្នាំ២០២៤ រដ្ឋបាលខេត្តកំពតបាន នឹងរៀបចំពិធីព្រឹត្តិការណ៍សង្ក្រាន្ត កំពត ឆ្នាំ២០២៤ រយៈពេលបីថ្ងៃ នៅថ្ងៃទី១៤ ១៥ ១៦ ខែមេសា ឆ្នាំ២០២៤ នាពេលខាងមុខនេះ ដើម្បីឱ្យប្រជាពលរដ្ឋ សាធារណជន និងភ្ញៀវទេសចរណ៍ជាតិ អន្តរជាតិ ចូលរួមអបអរសាទរទទួលទេវតាឆ្នាំថ្មី និងសម្រាប់ការជួបជុំក្រុមគ្រួសារផងដែរ។

រដ្ឋបាលខេត្តកំពត នឹងមានគម្រោងរៀបចំកម្មវិធីសប្បាយៗជាច្រើនដូចជា ការលេងល្បែងប្រជាប្រិយខ្មែរ ការសម្ដែងសិល្បៈ និងការប្រគំុតន្ត្រី ដោយមានការចូលរួមពីតារាចម្រៀងល្បីក្នុងព្រះរាជាណាចក្រកម្ពុជា និងការបាញ់ទឹក រាំកម្សាន្តនៅតំបន់ត្រជាក់រង្វង់មូលទុរេន ដើម្បីឱ្យសាធារណៈជន ភ្ញៀវទេសចរណ៍ជាតិ និងអន្តរជាតិ កម្សាន្តសប្បាយឱ្យបានច្រើនកុះករនៅខេត្តកំពត។

ជាមួយគ្នានេះ រដ្ឋបាលខេត្តកំពត ស្នើប្រជាពលរដ្ឋ សាធារណជន ចូលរួមចំណែកថែរក្សាអនាម័យ និងបរិស្ថានស្អាតទាំងអស់គ្នា៕

អត្ថបទ៖ សឹង រ៉ាត់