ព័ត៌មានអន្ដរជាតិ
វៀតណាម កំពុងភ័យព្រួយចំពោះភាពតានតឹងនៅសមុទ្រចិនខាងត្បូង
ប្រទេសវៀតណាមបានសម្តែងក្ដីព្រួយបារម្ភយ៉ាងខ្លាំងចំពោះការកើនឡើងភាពតានតឹងនៅសមុទ្រចិនខាងត្បូង បន្ទាប់ពីមានការប៉ះទង្គិចគ្នាចុងក្រោយរវាងហ្វីលីពីន និងចិន ខណៈវៀតណាមក៏កំពុងទាមទារចំំណែកមួយចំនួនក្នុងដែនទឹកមួយនេះផងដែរ ។ នេះបើយោងតាមការចេញផ្សាយដោយទូរទស្សន៍ជប៉ុន NHK កាលពីថ្ងៃទី៣០ ខែមីនាកន្លងទៅ ។
![](https://www.kampucheathmey.com/wp-content/uploads/2024/03/http___com.ft_.imagepublish.upp-prod-eu.s3.amazonaws.jpg)
អ្នកនាំពាក្យស្ដីទីរបស់ក្រសួងការបរទេសវៀតណាមលោក Nguyen Duc Thang បាននិយាយក្នុងសន្និសីទសារព័ត៌មានមួយថា វៀតណាមអំពាវនាវឲ្យភាគីពាក់ព័ន្ធមានការអត់ធ្មត់ រក្សាភាពស្ងៀមស្ងាត់ ជួយរក្សាសន្តិភាព ស្ថិរភាព និងកិច្ចសហប្រតិបត្តិការនៅសមុទ្រចិនខាងត្បូង ក៏ដូចជាការអំពាវនាវឲ្យភាគីទាំងពីរដោះស្រាយជម្លោះដោយសន្តិវិធី ។
ការលើកឡើងរបស់អ្នកនាំពាក្យស្ដីទីក្រសួងការបរទេសវៀតណាមកើតមានឡើង ស្របពេលដែលការប៉ះទង្គិចគ្នារវាងទីក្រុងប៉េកាំង និងទីក្រុងម៉ានីល ត្រូវបានគេមើលឃើញថា នឹងប៉ះពាល់ដល់កិច្ចពិភាក្សាក្នុងចំណោមប្រទេសក្នុងតំបន់ ស្តីពីការបង្កើតសន្តិភាពនៅដែនសមុទ្រ ។
![](https://www.kampucheathmey.com/wp-content/uploads/2024/03/china-philippines-un-maritime_34419f52-4dcc-11e6-a5f1-138dd21979a8.jpg)
រដ្ឋាភិបាលទីក្រុងហាណូយក៏មានជម្លោះដែនទឹកជាមួយចិនផងដែរ ខណៈដែលទីក្រុងប៉េកាំងទាមទារស្ទើរតែទាំងអស់នៃសមុទ្រចិនខាងត្បូង ។ តែបើយោងតាមក្រុមអ្នកសង្កេតការណ៍បានឲ្យដឹងថា វៀតណាមចង់បញ្ចៀសការលូកដៃក្នុងជម្លោះជាមួយចិន ស្របពេលដែលវៀតណាមក៏រក្សាការទាមទារអធិបតេយ្យភាពរបស់ខ្លួននៅក្នុងដែនទឹកនេះផងដែរ ។
គួររំឭកថា ចិន និងហ្វីលីពីនតែងតែប៉ះគ្នាជាញឹកញាប់ ជាពិសេសរឿងហេតុកើតឡើងកាលពីសប្ដាហ៍មុននៅជិតតំបន់ប៉ប្រះទឹក Second Thomas Shoal ដែលនាវាឆ្មាំសមុទ្រចិនបានប្រើកាណុងបាញ់ទឹកទៅលើនាវាផ្គត់ផ្គង់ហ្វីលីពីនបណ្តាលឲ្យខូចខាត និងរបួសនាវិក ៣ នាក់ ខណៈហេតុការណ៍នេះហើយទើបបង្កឲ្យជម្លោះនៅសមុទ្រចិនខាងត្បូងកាន់តែក្ដៅគគុក ៕
![](https://www.kampucheathmey.com/wp-content/uploads/2024/03/IRP5GF7NKFL6RLSCUZSWUF5VH4-scaled.jpg)
អត្ថបទ ៖ ប៊ុន សុភាព
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ