ក្រុមហ៊ុន Smart ចូលរួមគាំទ្រដល់ការប្រយុទ្ធប្រឆាំងនឹងវីរុសកូវីដ-១៩ តាមរយៈវិទ្យាស្ថានប៉ាស្ទ័រកម្ពុជា – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ក្រុមហ៊ុន Smart ចូលរួមគាំទ្រដល់ការប្រយុទ្ធប្រឆាំងនឹងវីរុសកូវីដ-១៩ តាមរយៈវិទ្យាស្ថានប៉ាស្ទ័រកម្ពុជា

Published

on

នាយកប្រតិបត្តិក្រុមហ៊ុន ស្មាត អាស្យាតា លោក ថូម៉ាស ហ៊ុន បានធ្វើទស្សនៈកិច្ចនៅឯវិទ្យាស្ថានប៉ាស្ទ័រកម្ពុជា ដើម្បីស្វែងយល់ឲ្យកាន់តែច្បាស់អំពីឥទ្ធិពលរបស់វីរុសកូវីដ-១៩ មកលើប្រទេសកម្ពុជា ក៏ដូចជាដើម្បីសិក្សាអំពីថា តើមូលនិធិទឹកប្រាក់១លានដុល្លាររបស់ស្មាត សម្រាប់ការប្រយុទ្ធប្រឆាំងនឹងវីរុសកូវីដ-១៩ ត្រូវបានយកទៅប្រើប្រាស់យ៉ាង ណាខ្លះ ដើម្បីទប់ស្កាត់ការរាតត្បាតនៃវីរុសនេះ។

លោកវេជ្ជបណ្ឌិត អេរ៉ីក ខាលសិន (Dr. Erik Karlsson) អនុប្រធានផ្នែកវីរុសសាស្ត្រនៅវិទ្យាស្ថានប៉ាស្ទ័រកម្ពុជា បានថ្លែងអំណរគុណដល់ក្រុមហ៊ុន ស្មាត ចំពោះការផ្ដល់ជំនួយឧបត្ថម្ភដ៏សប្បុរសនេះ។ លោកវេជ្ជបណ្ឌិតបានមាន ប្រសាសន៍បន្ថែមទៀតថា ដោយសារតែមានសម្ភារៈបរិក្ខារដែលត្រូវបានទិញដោយប្រើប្រាស់ថវិកាឧបត្ថម្ភរបស់ស្មាត វិទ្យាស្ថានប៉ាស្ទ័រកម្ពុជា អាចធ្វើតេស្តរកវីរុសកូវីដ-១៩ បានចំនួនពី ៥០០ ទៅ ៦០០ នាក់នៅក្នុង១ថ្ងៃ នាអំឡុងពេល ២-៣ ខែចុងក្រោយនេះ ហើយវិទ្យាស្ថានក៏មានលទ្ធភាពកាន់តែខ្ពស់ ក្នុងការធ្វើតេស្ដឲ្យបានច្រើនជាងចំនួនខាងលើនេះផងដែរ។

នាយកប្រតិបត្តិក្រុមហ៊ុន ស្មាត អាស្យាតា លោក ថូម៉ាស ហ៊ុន បានថ្លែងទៅកាន់ក្រុមការងារវិទ្យាស្ថានប៉ាស្ទ័រកម្ពុជាថា “យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការលះបង់ ការយកចិត្តទុកដាក់របស់អ្នកទាំងអស់គ្នានៅទីនេះ ដែលបានជួយរក្សាសុខសុវត្ថិភាពរបស់ប្រទេសកម្ពុជា ពីវីរុសកូវីដ-១៩ ”។

លោក ថូម៉ាស បានបន្ថែមថា “ក្រុមហ៊ុន ស្មាត ចាត់ទុកខ្លួនឯងជាផ្នែកមួយនៃសហគមន៍ ពោលគឺមិនមែនគ្រាន់តែជាគ្រឹះស្ថានដែលរកប្រាក់ចំណេញតែមួយមុខនោះទេ។ នៅក្នុងគ្រាលំបាកដូចជាពេលបច្ចុប្បន្ននេះ វាចាំបាច់ណាស់ដែលពួកយើងទាំងអស់គ្នា រួបរួមសាមគ្គីគ្នា និងធ្វើគ្រប់កិច្ចការដែលយើងអាចធ្វើបាន ក្នុងគោលដៅដោះស្រាយបញ្ហារាតត្បាតនៃវីរុសនេះឲ្យបានអស់ពីចិត្ត”។

ជាថ្មីម្ដងទៀត ក្រុមហ៊ុន ស្មាត អាស្យាតា សូមប្រកាសទទួលពាក្យស្នើសុំថវិកាពីមូលនិធិទឹកប្រាក់១លានដុល្លាររបស់ស្មាត សម្រាប់ការប្រយុទ្ធប្រឆាំងនឹងវីរុសកូវីដ១៩។

ជាមួយគ្នានោះ ក្រុមហ៊ុន ស្មាត ស្វាគមន៍ការដាក់ពាក្យពីគ្រប់ស្ថាប័នរដ្ឋនិងឯកជនទាំងឡាយ ដែលមានមធ្យោបាយបំពេញសេចក្ដីត្រូវការសំខាន់ៗរបស់កម្ពុជា នាអំឡុងពេលមានវិបត្តិកូវីដនិងក្រោយពេលវិបត្តិនេះកន្លងផុតទៅ។ ស្ថាប័នដែលមានលក្ខណៈគ្រប់គ្រាន់ នឹងអាចទទួលបានថវិកាពីចន្លោះ២ម៉ឺនដុល្លារសហរដ្ឋអាមេរិក ទៅ ២០ ម៉ឺនដុល្លារសហរដ្ឋអាមេរិក៕

អត្ថបទ៖ កោះកែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services