Connect with us

ព័ត៌មានជាតិ

រាយនាមឧកញ៉ា និងសប្បុរសជន បរិច្ចាគថវិកាដល់គណៈយុទ្ធមិត្តជំនាន់បម្រើកងទ័ពឆ្នាំ ១៩៧៨

បានផុស

នៅ

មានក្រុមហ៊ុន និងសប្បុរសជនចំនួន ៦ហើយ បានបរិច្ចាគថវិកាដល់គណៈយុទ្ធមិត្តជំនាន់បម្រើកងទ័ពឆ្នាំ ១៩៧៨ ដែលបង្កើតឡើងដោយសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២២ ខែមីនា ឆ្នាំ ២០២៣កន្លងទៅនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញសេចក្ដីសម្រេច ស្ដីពី ការបង្កើតគណៈយុទ្ធមិត្តជំនាន់បម្រើកងទ័ពឆ្នាំ ១៩៧៨ ដែលហៅថា “យ.ជ.ប.ទ.”។

សេចក្ដីសម្រេច បានឲ្យដឹងថា គណៈយុទ្ធមិត្តជំនាន់បម្រើកងទ័ពឆ្នាំ ១៩៧៨នេះ មានសមាសភាព ដូចជា៖ ១. សម្តេចតេជោ ហ៊ុន សែន នាយករដ្ឋមន្តី ជាប្រធានកិត្តិយស, ២-លោកជំទាវ ម៉ែន សំអន ឧប​នាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ចជាប្រធាន, ៣-លោកនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ជាអនុប្រធាន។

គណៈយុទ្ធមិត្ដជំនាន់បម្រើកងទ័ពឆ្នាំ ១៩៧៨ មានតួនាទីភារកិច្ចដូចតទៅ៖ ថែរក្សាប្រពៃណី ស្នេហាជាតិ ការពារស្នាដៃ និងសមិទ្ធផល ព្រមទាំងសច្ចធម៌ប្រវត្តិសាស្ត្រ ជួយជ្រោមជ្រែងដល់ជីវភាពរស់នៅរបស់យុទ្ធមិត្ត ពិសេសអ្នកដែលមានជីវភាពទន់ខ្សោយ ជួបទុក្ខលំបាក និងរៀបចំសមាជិកដែលជាយុទ្ធជន យុទ្ធនារី បានបម្រើកងទ័ពឆ្នាំ ១៩៧៨ ដែលស្ថិតក្រោមការដឹកនាំបញ្ជារបស់សម្តេចតេជោ ហ៊ុន សែន នៅពេលនោះ។

គិតមកដល់ថ្ងៃទី ២៨ ខែមីនា ឆ្នាំ ២០២៣នេះ មានក្រុមហ៊ុន និងសប្បុរសជនចំនួន ៦ហើយ បានចូលរួមបរិច្ចាគថវិកា ដែលរួមមាន៖

១. ក្រុមហ៊ុន ជីបម៉ុង គ្រុប របស់អ្នកឧកញ៉ា ភាព ហៀក បានឧបត្ថម្ភថវិកាចំនួន ៥០ម៉ឺនដុល្លារ។

២. ក្រុមហ៊ុន ក្រុមហ៊ុន LYP គ្រុប របស់អ្នកឧកញ៉ា លី យ៉ុងផាត់ បានឧបត្ថម្ភថវិកាចំនួន ៥០ម៉ឺនដុល្លារ។

៣. អ្នកឧកញ៉ា ជឹង សុភាព និងអ្នកឧកញ៉ា ឡាវ ម៉េងឃិន បានឧបត្ថម្ភថវិកាចំនួន ៥០ម៉ឺនដុល្លារ។

៤. ឧកញ៉ា ថៃ ជាហួត អគ្គនាយក្រុមហ៊ុនប៉េងហួត និងលោកជំទាវ បានឧបត្ថម្ភថវិកាចំនួន ២០ម៉ឺនដុល្លារ។

៥. ឧកញ៉ា អ៊ាន អេឡែន អគ្គនាយិកាសណ្ឋាគារសែនហា និងសហការី បានឧបត្ថម្ភថវិកាចំនួន ៥ម៉ឺនដុល្លារ។

៦. អ្នកឧកញ៉ា លី ហុង អគ្គនាយកក្រុមហ៊ុនឆាយហេង និងលោកជំទាវ បានឧបត្ថម្ភថវិកាចំនួន ៥ម៉ឺនដុល្លារ៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៣ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៤ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម