ព័ត៌មានជាតិ
លោក ប្រាក់ សុខុន៖ ការពង្រឹងអាស៊ានក្រោយឆ្នាំ ២០២៥ ជាភាពចាំបាច់នៃការលើកកម្ពស់ការតភ្ជាប់តំបន់
លោក ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិនៃកម្ពុជា បានគូសបញ្ជាក់ថា ការពង្រឹងតភ្ជាប់ឆ្ពោះទៅរកចត្ខុវិស័យសហគមន៍អាស៊ានក្រោយឆ្នាំ២០២៥ ជាភាពចាំបាច់នៃការលើកកម្ពស់ការតភ្ជាប់តំបន់។ លោក ប្រាក់ សុខុន បញ្ជាក់បែបនេះ ក្នុងពិធីបើកសន្និសីទស្ដីពីការតភ្ជាប់អាស៊ានលើកទី១៣ កាលពីថ្ងៃទី៣ ខែតុលា ឆ្នាំ២០២២។
សន្និសីទស្ដីពី ការតភ្ជាប់អស៊ានលើកទី១៣ បានធ្វើឡើងនៅរាជធានីភ្នំពេញដែលរាជរដ្ឋាភិបាលកម្ពុជាធ្វើជាម្ចាស់ផ្ទះ ដោយសហការរៀបចំដោយវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា និងលេខាធិការដ្ឋានអាស៊ាន។ សន្និសីទនេះ ធ្វើឡើងក្រោមមូលបទ «ការលើកកម្ពស់ការតភ្ជាប់ឆ្ពោះទៅរកចត្ខុវិស័យសហគមន៍អាស៊ាន ក្រោយឆ្នាំ ២០២៥ ប្រកបដោយបរិយាប័ន្ន ចីរភាព និងភាពធន់រឹងមាំ»។
ផ្អែកលើមូលបទនេះ លោក ប្រាក់ សុខុន បានបញ្ជាក់នូវភាពចាំបាច់នៃការលើកកម្ពស់ការតភ្ជាប់តំបន់ ដោយលោក បានលើកឡើងថា អនាគតតំបន់អាស៊ាន នឹងត្រូវផ្អែកលើឧត្តមភាពប្រកួតប្រជែងតំបន់ ដែលអាចកើតមានឡើងបានដោយការតភ្ជាប់យ៉ាងល្អនៅក្នុងតំបន់ ហើយមានសកម្មភាពរួមគ្នា។
លោករដ្ឋមន្ត្រី ប្រាក់ សុខុន បន្ថែមថា អាស៊ាន ត្រូវមានទំនាក់ទំនងជាមួយដៃគូអភិវឌ្ឍន៍របស់ខ្លួន ដើម្បីផ្ដួចផ្ដើមគំនិតស្ដីពីការតភ្ជាប់ និងគម្រោងសហប្រតិបត្តិការនានាពេញក្នុងតំបន់។ ត្រង់ចំណុចនេះ លោករដ្ឋមន្ត្រី បញ្ជាក់ថា សម្រាប់អាស៊ាន អភិក្រមនេះ គឺជាការទាញយកឲ្យបានជាអតិបរមាសម្រាប់ការបំពេញឲ្យគ្នាទៅវិញទៅមករវាងគំនិតផ្ដួចផ្ដើមនានាដែលមានស្រាប់ ដើម្បីចម្រាញ់យកតម្លៃបន្ថែមដែលចាំបាច់។
ជាមួយគ្នានេះ ប្រមុខការទូតកម្ពុជា ក៏គូសបញ្ជាក់អំពីការចូលជាធរមាននៃកិច្ចព្រមព្រៀងស្ដីពីភាពជាដៃគូរសេដ្ឋកិច្ចគ្រប់ជ្រុងជ្រោយតំបន់ ដែលជាកិច្ចព្រមព្រៀងពាណិជ្ជកម្មដ៏ធំ និងដឹកនាំសេដ្ឋកិច្ចតំបន់ផងដែរ។ ទន្ទឹមគ្នានេះ នៅមានភាពចាំបាច់ក្នុងការតម្រង់ទិសផែនការមេស្ដីពីការតភ្ជាប់អាស៊ាន ឆ្នាំ២០២៥ ដើម្បីធានាថា ផែនការមេនេះនឹងដើរតួនាទីជាចំណុចស្នូលក្នុងការតភ្ជាប់ជាយុទ្ធសាស្ត្ររវាងគំនិតផ្ដួចផ្ដើមផ្សេងៗនៅក្នុងតំបន់ និងជួយទ្រទ្រង់អាស៊ានប្រកបដោយភាពធន់រឹងមាំ ចីរភាព និងបរិយាប័ន្ន៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ