ព័ត៌មានជាតិ

សមាគមកាយឫទ្ធិនារីកម្ពុជា សាខាខេត្តកំពត រៀបចំកម្មវិធី “ជួបនឹងបងស្រីឆ្នើម”ក្រោមប្រធានបទ “ការចូលរួមការងារសង្គម” ដែលធ្វើបទឧទ្ទិសនាមដោយលោកជំទាវបណ្ឌិត ពេជ ចន្ទមុន្នី

បានផុស

២ ខែ មុន

នៅ

ថ្ងៃសៅរ៍ ១៩ វិច្ឆិកា ២០២២

ដោយ

លោកជំទាវបណ្ឌិត ពេជ ចន្ទមុន្នី អគ្គស្នងការនៃ សមាគមកាយឫទ្ធិនារីកម្ពុជា បានចែករំលែកចំណេះដឹងបទពិសោធន៍ចំនួន៣ចំណុចជូនដល់សមាជិកា និងយុវតីដែលបានចូលរួមក្នុងកម្មវិធី “ជួបនឹងបងស្រីឆ្នើម”។ ចំណុចទាំងបីនោះគឺ ១- ចាប់ផ្តើមជួយសង្គមរបស់អ្នកពីចំណុចតូចៗទៅ ២- រៀនពីអ្នកដទៃដើម្បីជួយខ្លួនឯង និងសង្គម ៣- ធ្វើការអ្វីមួយ ធ្វើដោយស្ម័គ្រចិត្ត ទឹកចិត្ត និងដោយបេះដូង ដែលចំណុចទាំង៣នេះ គឺពិតជាអនុសាសន៍ដ៏ល្អ និងការលើកទឹកចិត្តដ៏មានឥទ្ធិពលសម្រាប់កុមារី យុវតី និងស្ត្រី អាចយកទៅអនុវត្តសម្រាប់ជីវិតការសិក្សា ការងារ និងការរស់នៅប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវបណ្ឌិត ពេជ ចន្ទមុន្នី បានចែករំលែកចំណេះដឹងបទ ពិសោធន៍ និងដំបូងមានល្អៗទាំងនេះនៅក្នុងកម្មវិធី “ជួបនឹងបងស្រីឆ្នើម” ដែលប្រារព្ធធ្វើឡើងនៅខេត្តកំពតថ្ងៃទី១៩ ខែវិច្ឆិកា ឆ្នាំ២០២២ ដែលមានការចូលរួមពីសំណាក់លោកជំទាវស្ថាបនិក ប្រធានក្រុមប្រឹក្សាភិបាលសាខាខេត្តកំពត អគ្គស្នងការស្នងការថ្នាក់ដឹកនាំ ក្រុមការងារនិងសមាជិកាសកម្ម ក្រុមវឌ្ឍននារី និងក្រុមកាយឫទ្ធិនារី សមាជិកា-សមាជិកគាំទ្រ ភ្ញៀវកិត្តិយស សិស្សានុសិស្ស និងនិស្សិត សរុបជាង ៤០០ នាក់។

នៅក្នុងកម្មវិធីនោះ លោកជំទាវបណ្ឌិត ពេជ ចន្ទមុន្នី បានបើកឱកាសឱ្យសមាជិកា និងអ្នកចូលរួម ជាពិសេសសមាជិកាសកម្មរបស់ សមាគមកាយឫទ្ធិនារីកម្ពុជា បានចូលរួមទទួលយកបទពិសោធន៍នៃការចូលរួមកម្មវិធី បានបង្កើនបណ្ដាញទំនាក់ទំនង បានមានឱកាសបញ្ចេញភាពក្លាហានតាមរយៈការសាកសួរសំណួរ និងទទួលនូវសារសំខាន់ៗដែលលោកជំទាវបានចែករំលែកដល់ពួកគាត់ ដែលជាគន្លឹះអាចអោយពួកគាត់យកទៅអនុវត្តដើម្បីកសាងអនាគត និងទិសដៅជីវិតប្រសើរ។

លើសពីនេះគឺកាន់តែជំរុញទឹកចិត្តការចូលរួមស្ម័គ្រចិត្តចែករំលែករបស់សមាជិកគាំទ្រកាន់តែខ្លាំងទៀត ព្រោះសកម្មភាពពិតប្រាកដរបស់ សមាគមកាយឫទ្ធិនារីកម្ពុជា គឺពិតជាទទួលបានផលប្រយោជន៍ពីការកម្មវិធីរបស់សមាគមហើយបានអភិវឌ្ឍ ចំណេះដឹងសមត្ថភាពជំនាញសីលធម៌គុណធម៌ដើម្បីដឹកនាំជីវិតរបស់ពួកគេ៕