ព័ត៌មានជាតិ
សម្ដេចតេជោ សាទរចំពោះជំនួបរវាងរដ្ឋមន្ត្រីការពារជាតិចិន ជាមួយរដ្ឋមន្ត្រីការពារជាតិអាមេរិក នៅខេត្តសៀមរាប
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ ២០២២ បានបង្ហាញការសាទរចំពោះជំនួបរវាងរដ្ឋមន្ត្រីការពារជាតិចិន ជាមួយរដ្ឋមន្ត្រីការពារជាតិអាមេរិក ដែលបានជួបគ្នានៅខេត្តសៀមរាប ប្រទេសកម្ពុជា។
ការបង្ហាញការសាទរនេះ គ្រាដែលសម្ដេចតេជោ ហ៊ុន សែន នៅព្រឹកថ្ងៃទី ២៣ ខែវិច្ឆិកា ឆ្នាំ ២០២២នេះ បានអញ្ជើញជួបជាមួយរដ្ឋមន្ត្រីការពារជាតិអាស៊ាន និងដៃគូ ដឹកនាំដោយលោក Dato Paduka Seri Haji Awang Halbi bin Haji Mohd Yussof រដ្ឋមន្ត្រីទទួលបន្ទុកខុទ្ទកាល័យនាយករដ្ឋមន្ត្រីប្រ៊ុយណេដារ៉ូសាឡាម។
នៅក្នុងឱកាសនោះ សម្ដេចតេជោ ហ៊ុន សែន បានអបអរសាទរចំពោះជំនួបរវាងរដ្ឋមន្ត្រីការពារជាតិចិន ជាមួយរដ្ឋមន្ត្រីការពារជាតិសហរដ្ឋអាមេរិក ហើយក៏បានមានប្រសាសន៍ផងដែរថា ទីក្រុងសៀមរាបជាកន្លែងដ៏សក្ដិសម សម្រាប់ជំនួបនេះ។
សូមជម្រាបថា រដ្ឋមន្ត្រីក្រសួងការពារជាតិអាមេរិក លោក Lloyd J. Austin III បានជួបជាមួយនាយឧត្តមសេនីយ៍ Wei Fenghe រដ្ឋមន្ត្រីក្រសួងការពារជាតិចិន នៅថ្ងៃទី ២២ ខែវិច្ឆិកា ឆ្នាំ ២០២២ ក្នុងកិច្ចប្រជុំរដ្ឋមន្ត្រីការពារជាតិអាស៊ាន-បូក នៅខេត្តសៀមរាប ប្រទេសកម្ពុជា។ ក្នុងសេចក្តីថ្លែងការណ៍ ដែលចេញដោយមន្ទីរបញ្ចកោណ, លោក Austin និងលោក Wei បានពិភាក្សាគ្នាអំពីទំនាក់ទំនងការពារជាតិអាមេរិក-ចិន និងបញ្ហាសន្តិសុខក្នុងតំបន់ ព្រមទាំងពិភពលោក។
លោក Austin បានសង្កត់ធ្ងន់លើភាពចាំបាច់ ក្នុងការគ្រប់គ្រងការប្រកួតប្រជែង ប្រកបដោយភាពទំនួលខុសត្រូវ និងរក្សាទំនាក់ទំនងឲ្យបើកចំហ។ លោក Austin ក៏បានពិភាក្សាផងដែរ អំពីសារៈសំខាន់នៃកិច្ចសន្ទនា ស្តីពី ការកាត់បន្ថយហានិភ័យជាយុទ្ធសាស្រ្ត ការកែលម្អទំនាក់ទំនងដែលមានវិបត្តិ និងការលើកកម្ពស់សុវត្ថិភាពប្រតិបត្តិការ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន