​អាកាសធាតុផ្ដើម​ចុះត្រជាក់​​ក្រសួងព្យាករណ៍ថាត្រជាក់ជាងឆ្នាំមុន​

អាកាសធាតុផ្ដើមចុះត្រជាក់​ចាប់ពីថ្ងៃទី ១៣ ខែធ្នូនេះ ខណៈបាតុភាពឥទ្ធិពលទឹកភ្លៀង​បានថមថយ​ខ្សោយ​ទៅ​នារយៈពេលពីរបីថ្ងៃខាងមុខនេះ។

លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម​ប្រាប់​កម្ពុជា​ថ្មីនៅព្រឹកថ្ងៃទី ០៨ ខែធ្នូ ឆ្នាំ ២០២២ នេះថា នៅសល់តែ២ ថ្ងៃទៀតប៉ុណ្ណោះ បរិមាណ​ទឹកភ្លៀង​មានមិនច្រើនទេ ខណៈសីតុណ្ហភាពចាប់ផ្ដើមចុះត្រជាក់​នៅតំបន់ជួរភ្នំ និងតំបន់ខ្ពង់រាប​ចាប់ពីថ្ងៃទី ១៣ ខែធ្នូនេះ។

លោក ចាន់ យុត្ថា បញ្ជាក់ថា តំបន់ខ្ពង់រាប​ចាប់ផ្ដើមចុះត្រជាក់ពីថ្ងៃ ១៣-១៤ ទៅ ហើយក្រសួងនឹង​តាមដានបន្តទៀត​ថាតើវាចុះត្រជាក់​ដល់កម្រិតណា​ ប៉ុន្តែក្រសួងព្យាករណ៍ថា​ត្រជាក់ជាងឆ្នាំមុន ប៉ុន្តែរង់ចាំមើលភាពជាក់ស្ដែង៕