ព័ត៌មានជាតិ
សម្ដេចតេជោ ហ៊ុន សែន ៖ រដ្ឋមិនអនុញ្ញាតឲ្យដំឡើងថ្លៃអគ្គិសនីឡើយ ទោះបីប្រឈមការខាតបង់ក៏ដោយ
ពីវេទិកាជួបសំណេះសំណាល ជាមួយប្រជាពលរដ្ឋខ្មែររស់នៅតំបន់អឺរ៉ុបជាង ២ពាន់នាក់ កាលពីល្ងាចថ្ងៃទី ១២ ខែធ្នូ ឆ្នាំ ២០២២ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ជាថ្មីថា រាជរដ្ឋាភិបាលកម្ពុជា មិនអនុញ្ញាតឲ្យដំឡើងថ្លៃអគ្គិសនីនោះឡើយ ទោះបីជាអគ្គិសនីកម្ពុជាប្រឈមនឹងការខាតបង់យ៉ាងណាក៏ដោយ។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «ពេលប្រេងឡើងថ្លៃ ធ្វើឲ្យធ្យូងថ្មក៏ឡើងថ្លៃ អគ្គិសនីរបស់យើងប្រឈមនឹងបញ្ហាខាតបង់ ប៉ុន្តែខ្ញុំសូមជម្រាបថា រដ្ឋាភិបាលអត់អនុញ្ញាតឲ្យដំឡើងភ្លើង ដើម្បីទប់ទល់ជាមួយនឹងការខាតបង់ទេ»។
បើតាមសម្ដេចតេជោ ហ៊ុន សែន ប្រសិនបើហ៊ានតែដំឡើងថ្លៃអគ្គិសនីនោះ គឺនឹងធ្វើឲ្យប៉ះពាល់ដល់ជីវភាពរស់នៅរបស់ប្រជាជន ដែលកំពុងតែមានចំណូលធ្លាក់ចុះ និងធ្វើឲ្យការដឹកជញ្ជូនឡើងថ្លៃ ព្រមទាំងបណ្ដារោងចក្រនានា ក៏ត្រូវចំណាយច្រើនបន្ថែមទៀតទៅលើថ្លៃអគ្គិសនីនេះ។
សម្ដេចតេជោ ហ៊ុន សែន បានបញ្ជាក់ថា សម្ដេច តែងតែនិយាយម្ដងហើយម្ដងទៀត ជាមួយអគ្គិសនីកម្ពុជា និងក្រសួង រ៉ែ និងថាមពល សូមឲ្យរក្សាតម្លៃអគ្គិសនីឲ្យនៅដដែល ដោយមិនត្រូវដំឡើងថ្លៃឡើយ។ ជាមួយគ្នានេះ សម្ដេចតេជោ ហ៊ុន សែន បានណែនាំឲ្យក្រសួងពាណិជ្ជកម្ម ឲ្យធ្វើការសម្របសម្រួលជាមួយក្រុមហ៊ុនប្រេងឥន្ធនៈនានា ដើម្បីកុំឲ្យមានការដំឡើងថ្លៃតាមអំពើចិត្តទេ ទោះបីជាប្រទេសកម្ពុជា អនុវត្តនូវទីផ្សារសេរីក៏ដោយ។
សម្ដេចតេជោ ហ៊ុន សែន បានណែនាំយ៉ាងដូច្នេះថា «ហើយក្រសួងពាណិជ្ជកម្ម ធ្វើការសម្របសម្រួលអត់មានឲ្យអ្នកឯងដំឡើងថ្លៃប្រេងតាមអំពើចិត្តទេ អត់ទេ លើកនេះគឺរាជរដ្ឋាភិបាលត្រូវ ទោះបីសេដ្ឋកិច្ចផ្សារ ក៏ប៉ុន្តែត្រូវតែមានការណែនាំមួយ បើមិនអញ្ចឹងឆ្លៀតឱកាសប្រេងឡើងថ្លៃ ប្រេងចុះថ្លៃ គឺនាំគ្នាដំឡើង»៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ