ព័ត៌មានជាតិ
មន្ត្រីក្រសួងកសិកម្ម ៖ ការលើកឡើងរបស់សម្ដេចតេជោ កាលពីពេលថ្មីៗនេះ បង្ហាញឲ្យឃើញពីការយកចិត្តទុកដាក់ចំពោះប្រជាជន
មន្ត្រីជាន់ខ្ពស់ក្រសួងកសិកម្ម យល់ឃើញថា ការលើកឡើងរបស់ប្រមុខរាជរដ្ឋាភិបាល ដែលជំរុញឲ្យប្រជាកសិករខិតខំដាំដុះដំណាំកសិកម្ម និងចិញ្ចឹមសត្វ ដើម្បីបម្រើឲ្យវិស័យទេសចរណ៍ក្នុងស្រុកនោះ គឺជាការគិតគូរ និងជាការយកចិត្តទុកដាក់របស់សម្ដេច ចំពោះប្រជាជនដែលជាកសិករ។
នៅក្នុងពិធីបើកបុណ្យសមុទ្រលើកទី ៩ ជុំទី ៣ កាលពីយប់ថ្ងៃទី ១០ ខែធ្នូកន្លងទៅនេះ សម្ដេចតេជោ ហ៊ុន សែន បានជំរុញឲ្យមានការផលិតផលិតផលកម្ម ដើម្បីផ្គត់ផ្គង់ដល់ទេសចរ ដែលជាទិសដៅ «នាំចេញនៅនឹងកន្លែង»។ សម្ដេចតេជោ ហ៊ុន សែន លើកឡើងទៀតថា ប្រជាពលរដ្ឋកម្ពុជា មានឱកាសច្រើនណាស់ដើម្បីចិញ្ចឹម និងបំពេញតម្រូវការរបស់ភ្ញៀវទេសចរអន្តរជាតិ ដែលកំពុងត្រឡប់មកកម្ពុជាវិញជាបណ្តើរៗ រួមជាមួយនឹងទេសចរក្នុងស្រុករាប់លាននាក់។
សម្ដេចតេជោនាយករដ្ឋមន្ត្រី បានបន្ថែមថា «យើងត្រូវខិតខំជំរុញការផលិត ឲ្យត្រឹមត្រូវតាមស្ដង់ដារបម្រើឲ្យវិស័យទេសចរណ៍, ពិសេសត្រូវបង្កើតឲ្យមានខ្សែក្រវាត់បៃតង នៅក្នុងតំបន់ទេសចរណ៍»។ ជាមួយគ្នានេះ សម្ដេចតេជោ ហ៊ុន សែន ក៏បានអំពាវនាវឲ្យវិស័យទេសចរណ៍ទាំងមូល ក្លាយទៅជាទីផ្សាររបស់កសិករ និងអ្នកផលិត អ្នកចិញ្ចឹម ផងដែរ។
កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ប្រាប់កម្ពុជាថ្មី នៅថ្ងៃទី ១៤ ខែធ្នូនេះថា ការលើកឡើងរបស់សម្ដេចតេជោ ហ៊ុន សែន នៅក្នុងពិធីបុណ្យសមុទ្រកាលពីពេលថ្មីៗនេះ ឆ្លុះបង្ហាញឲ្យឃើញពីការយកចិត្តទុកដាក់ និងតែងតែជួយដោះស្រាយបញ្ហាសុខទុក្ខប្រជាជន ដែលជួបការលំបាក។
មន្ត្រីជាន់ខ្ពស់ក្រសួងកសិកម្មរូបនេះ បានឲ្យដឹងដែរថា ក្រសួងកសិកម្ម រុក្ខាប្រមាញ់ និងនេសាទ គាំទ្រផលិតផលកសិកម្មទាំងឡាយ ដែលផ្តល់នូវសន្តិសុខស្បៀង និងអាហារូបត្ថម្ភសម្រាប់ប្រជាជនកម្ពុជាទាំងមូល។ ជាមួយគ្នានេះ ក្រសួងកសិកម្ម ក៏ចង់ឃើញប្រជាជនកម្ពុជា មានសាច់ហូបគ្រប់គ្រាន់ក្នុងតម្លៃ ដែលអាចទទួលយកបានទាំងអស់គ្នា៕
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)