ព័ត៌មានជាតិ

បង្ហើបពេលវេលាសាងសង់ ព្រះពុទ្ធបដិមាខ្ពស់ជាងគេលើពិភពលោក លើកំពូលភ្នំបូកគោ

បានផុស

៣ ខែ មុន

នៅ

ថ្ងៃសៅរ៍ ២៤ ធ្នូ ២០២២

ដោយ

ក្រុមហ៊ុនសុខាអូតែលរបស់អ្នកឧកញ៉ា សុខ គង់ កាលពីពេលថ្មីៗនេះបានប្រកាសពីគម្រោងសាងសង់ព្រះពុទ្ធបដិមាកម្ពស់ ១០៨ម៉ែត្រនៅលើកំពូលភ្នំបូកគោនៅចំណុចវាលស្រែ ៥០០ ក្នុងគោលបំណងធ្វើជាទីសក្ការដ៏ថ្លៃថ្លាឧត្តុងឧត្តម សម្រាប់បងប្អូនប្រជាពលរដ្ឋខ្មែរ និងដើម្បីឧទ្ទិសសុំសេចក្តីសុខ សេចក្តីចម្រើនរុងរឿង និងសុខសន្តិភាពជានិច្ចនិរន្តរ៍ ក៏ដូចជាទាក់ទាញភ្ញៀវទេសចរជាតិ និងអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញទាក់ទងនឹងគម្រោងសាងសង់ព្រះពុទ្ធបដិមាដ៏ធំមហិមានេះ ក្រុមហ៊ុនមិនទាន់ប្រកាសជាសាធារណនៅឡើយ ប៉ុន្តែតាមប្រភពស្និតមួយបង្ហើបឱ្យដឹងថា គម្រោងសាងសង់នេះនឹងគ្រោងធ្វើពិធីបញ្ចុះបឋមសិលានៅថ្ងៃទី៤ ខែមករា ឆ្នាំ២០២៣ខាងមុខនេះ។

អ្នកឧកញ៉ា សុខ គង់ អគ្គនាយកក្រុមហ៊ុនសុខាអូតែល

ក្រុមហ៊ុនគ្រោងចំណាយថវិកាសាងសង់ចន្លោះពី ៣០លានដុល្លារទៅ ៤០លានដុល្លារអាមេរិក។ ក្រុមហ៊ុនទទួលបានច្បាប់អនុញ្ញាត ពីក្រសួងស្ថាប័នពាក់ព័ន្ធ និងរៀបចំប្លង់បានចប់សព្វគ្រប់ហើយ ខណៈក្រុមហ៊ុននឹងបន្តធ្វើការជាមួយគណៈកម្មការអន្តរក្រសួង ដើម្បីធ្វើការកែសម្រួលខ្នាត និងរចនាប័ទ្មរបស់ព្រះពុទ្ធរូបនេះបន្ថែមទៀត ដើម្បីស្របតាមវប្បធម៌ខ្មែរ៕