Connect with us

ព័ត៌មានជាតិ

រដ្ឋាភិបាលចំណាយថវិកា១៣លានដុល្លារ ជួយពលរដ្ឋក្នុងវិបត្តិទំនិញឡើងថ្លៃ និងរងគ្រោះ​ដោយទឹកជំនន់

បានផុស

នៅ

 គិតចាប់ពីចុងឆ្នាំ២០២២ រហូតដល់ថ្ងៃទី ១០ ខែមករា ឆ្នាំ២០២៣នេះ រាជរដ្ឋាភិបាល បានចំណាយថវិកាជាតិ ក្នុងជំហានទី១ ប្រមាណ១៣លានដុល្លារអាមេរិក ដើម្បីជួយឧបត្ថម្ភដល់ពលរដ្ឋរងសម្ពាធអតិផរណាថ្លៃទំនិញ និងពលរដ្ឋរងគ្រោះដោយបញ្ហាទឹកជំនន់កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចប្រជុំបូកសរុបលទ្ធផលនៃការអនុវត្តបើកសាច់ប្រាក់ពីកម្មវិធីឧបត្ថម្ភសាច់បប្រាក់ជូនគ្រួសាររងហានិភ័យក្នុងអំឡុងពេលមានសម្ពាធអតិផរណា និងកម្មវិធីជំនួយសង្គមជួយគ្រួសាររងគ្រោះធ្ងន់ធ្ងរពីបញ្ហាទឹកជំនន់ នៅថ្ងៃទី១០ មករានេះ លោក វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា បានមានប្រសាសន៍ថា ក្នុងចំណោម​ថវិកាប្រមាណ១៣លានដុល្លារក្នុងនោះ មានប្រមាណ៩លានដុល្លារ ត្រូវបានផ្តល់ដល់ពលរដ្ឋ ដែល​ទទួលរងសម្ពាធអតិផរណាប្រមាណ២៦ម៉ឺនគ្រួសារ ខណៈថវិកាប្រមាណជិត៣លាន៩សែនដុល្លារ ផ្តល់ដល់​ពលរដ្ឋរង​គ្រោះពីបញ្ហាទឹកជំនន់ជិត ១០ម៉ឺនគ្រួសារ ក្នុងចំណោម១៦រាជធានី-ខេត្ត ។

 គួរបញ្ជាក់ថា កម្មវិធីឧបត្ថម្ភសាច់ប្រាក់ជូនគ្រួសារងាយរងគ្រោះពីសម្ពាធអតិផរណា និង កម្មវិធីជំនួយសង្គមជួយគ្រួសារ​រងគ្រោះធ្ងន់ធ្ងរពីបញ្ហាទឹកជំនន់ ជាកម្មវិធីជំនួយសង្គមថ្មី ដែលរាជរដ្ឋាភិបាលកម្ពុជា បានចាប់ផ្តើមអនុវត្តកាលពីថ្ងៃទី១០ ខែធ្នូ ឆ្នាំ២០២២កន្លងទៅ។ ការឧបត្ថម្ភសាច់ប្រាក់នេះ បន្ទាប់ពីកត់សម្គាល់ឃើញថា ភាពមិនច្បាស់លាស់ដែលបណ្ដាល មកពីការរីករាលដាលនៃជំងឺកូវីដ-១៩ ភាពតានតឹងផ្នែកភូមិសាស្ត្រនយោបាយ បានបណ្តាលឱ្យមាន​និន្នាការកើនឡើងនៃ​ថ្លៃទំនិញ និងម្ហូបអាហារលើទីផ្សារ ដោយធ្វើឱ្យប៉ះពាល់ដល់ជីវភាពរស់នៅរបស់ប្រជាពលរដ្ឋក្នុងគ្រួសារក្រីក្រ ស្ថិតក្បែរ​បន្ទាត់ក្រីក្រ និងបន្ទាប់ពីនៅចុងឆ្នាំ២០២២កន្លងទៅនេះ ប្រជាពលរដ្ឋដែលស្ថិតនៅក្នុងតំបន់មួយចំនួន និងរាជធា​នីខេត្តចំនួន១៦ បានទទួលរងផលប៉ះពាល់ធ្ងន់ធ្ងរពីទឹកជំនន់ ធ្វើឱ្យមានការលិចលង់ ខូចខាតផ្ទះ សម្បែង ផលដំណាំ ហេដ្ឋារចនាសម្ព័ន្ធនៅមូលដ្ឋាន ជាហេតុបណ្តាលឱ្យ មានផលប៉ះពាល់កាន់តែខ្លាំងឡើងដល់ជីវភាពរស់នៅប្រចាំថ្ងៃ ជាពិសេសគ្រួសារងាយរងហានិភ័យ។

សូមរំលឹកថា កាលពីមុនផ្ទុះជំងឺកូវីដ-១៩រាជរដ្ឋាភិបាលបានចំណាយថវិកាលើមូលនិធិជាតិ​ជំនួយសង្គមក្នុងមួយឆ្នាំខ្ទង់​ជាង៣៦០លានដុល្លារ សម្រាប់ជួយអន្តរាគមន៍ដល់គ្រួសារក្រីក្រ និងងាយរងគ្រោះ ប៉ុន្តែក្នុងអំឡុងពេលជួយ​វិបត្តិជំ​ងឺកូវីដ-១៩ និងវិបត្តិហិរញ្ញវត្ថុការចំណាយបាន​កើនដល់ជាង៧០០លានដុល្លារអាមេរិក៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម