Connect with us

ព័ត៌មានជាតិ

អាជ្ញាធរខេត្តកណ្ដាលអំពាវនាវឲ្យពលរដ្ឋរស់​នៅ​អម​សងខាងព្រែកខ្សេវ មានការប្រុងប្រយ័ត្ន ខណៈទឹកជំនន់កំពុងហក់ឡើង

បានផុស

នៅ

លោក នូវប៉េង ច័ន្ទតារា អភិបាលរងខេត្តកណ្ដាល បានអំពាវនាវដល់ប្រជាពលរដ្ឋដែលរស់នៅអមសងខាងព្រែកខ្សេវ ឱ្យមានការប្រុងប្រយ័ត្នខ្ពស់ ដើម្បីចៀសវាងការបាក់រលំផ្ទះ ខណៈទឹកកំពុងហក់ឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលដឹកនាំមន្ត្រីជំនាញ មន្ទីរពាក់ព័ន្ធចុះពិនិត្យស្ថានភាពជំនន់ទឹកភ្លៀងនៅព្រលានយន្តហោះតេជោក្រុងតាខ្មៅ ស្ថិតក្នុងស្រុកកណ្តាលស្ទឹង និងស្ថានភាពទឹកនៅព្រែកខ្សេវ សង្កាត់រកាខ្ពស់ ក្រុងតាខ្មៅ នៅព្រឹកថ្ងៃទី១៦ ខែមករា ឆ្នាំ​២០២៣​ នេះ លោក នូវប៉េង ច័ន្ទតារា ក៏បានបញ្ជាឲ្យអាជ្ញាធរក្រុងតាខ្មៅ ក៏ដូចជាមន្ទីរពាក់ព័ន្ធចាត់វិធានការភ្លាមៗកាយប្រឡាយរំដោះទឹកចេញ ដើម្បីបញ្ជៀសការជនលិចព្រលានយន្តហោះតេជោក្រុងតាខ្មៅ ពិសេសភូមិសាស្ត្រក្រុងតាខ្មៅទាំងមូល។

គួររំលឹកថា កាលពីថ្ងៃទី១៥ ខែមករា ឆ្នាំ២០២៣ អាជ្ញាធររាជធានីភ្នំពេញបានប្រាកាសបិទមិនអោយរថយន្តធំធ្វើចរាចរណ៍ឆ្លងកាត់កំណាត់ផ្លូវលេខ២០អា ស្ថិតក្នុងភូមិសសាស្ត្រខណ្ដដង្កោជាបណ្តោះអាសន្ន បន្ទាប់ពីទឹកស្ទឹងព្រែកត្នោតបានហក់ឡើងជន់លិចលំនៅដ្ឋានប្រជាពលរដ្ឋជាង១ពាន់ខ្នងផ្ទះមាន២៥ភូមិ ស្មើនឹង១០សង្កាត់ នៅខណ្ឌដង្កោ ដែលបង្ខំឲ្យម្ចាស់ផ្ទះទាំងអស់ចាកចេញរកកន្លែងសុវត្ថិភាព។ តែទោះជាយ៉ាងណា គិតត្រឹមព្រឹកថ្ងៃទី១៦ ខែមករានេះ កម្ពស់ទឹកនៅសណ្ដស្តឹងព្រែកត្នោតបានស្រកចុះប្រមាណ ២តឹកហើយ ខណៈអាជ្ញាធរនៅតែបន្តយកចិត្តទុកដាក់តាមដានបន្តទៀត។

ទឹកស្ទឹងព្រែកត្នោតបានចាប់ផ្ដើមឡើងខ្លាំងនៅថ្ងៃទី១២ ខែមករា ប៉ុន្តែមិនបានឡើងពេញប្រៀបស្ទឹងភ្លាមៗនោះឡើយ រហូតមកដល់វេលាយប់រំលងអធ្រាត្រឈានចូលថ្ងៃទី១៤ ខែមករា ស្រាប់តែទឹកឡើងយ៉ាងគំហុកពេញច្រាំង និងហៀរចូលលិចលំនៅដ្ឋានប្រជាពលរដ្ឋតែម្តង ហើយត្រូវបានអាជ្ញាធរខណ្ឌដង្កោ រួមទាំងកម្លាំនគរបាលខណ្ឌ និងកងរាជអាវុធហត្ថខណ្ឌ ចុះជួយអន្តរាគមន៍ទប់ទឹកតែម្តង។

ការណ៍នេះ ធ្វើឲ្យទឹកជំនន់ដែលហូរធ្លាក់ពីខណ្ឌដង្កោ ចូលទៅភូមិសាស្ត្រខេត្តកណ្ដាលមានការកើនឡើង និងធ្វើឲ្យប៉ះពាល់លំនៅដ្ឋានពលរដ្ឋ ក៏ដូចជាហេដ្ថារចនាសម្ព័ន្ធមួយចំនួនផងដែរ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៤ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៧ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៧ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៧ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម