ព័ត៌មានជាតិ
ជំនន់ទឹកភ្លៀងបង្កឱ្យប៉ះពាល់រាជធានីខេត្តចំនួន៦ និងពលរដ្ឋជិត៤ពាន់គ្រួសារ
ជំនន់ទឹកភ្លៀងបានបង្កឱ្យប៉ះពាល់ដល់រាជធានីខេត្តចំនូន៦ និងពលរដ្ឋជិត៤ពាន់គ្រួសារ និងដំណាំស្រូវជិត២ពាន់ហិកតា។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅរសៀលថ្ងៃទី១៦មករានេះថា រាជធានីខេត្តចំនួន៦ដែលប៉ះពាល់ដោយជំនន់ទឹកភ្លៀងប៉ុន្មានថ្ងៃនេះរួមមានខេត្តកំពង់ស្ពឺ ខេត្តពោធិ៍សាត់ កណ្តាល រាជធានីភ្នំពេញ
កំពត និងខេត្តកំពង់ឆ្នាំង។
លោកបានបន្តថា ខេត្តកណ្តាល និងរាជធានីភ្នំពេញ រងគ្រោះដោយសារខេត្តកំពង់ស្ពឺបានបើកទ្វារទឹករលាំងជ្រៃ ស្រុកសំរោងទង ខេត្តកំពង់ស្ពឺ ដើម្បីរំដោះទឹកពីផ្នែកខាងលើដែលកំពុងកើនឡើងខ្លាំងដោយសារភ្លៀងធ្លាក់ច្រើននាំឱ្យសណ្តរស្ទឹងព្រែកត្នោតជន់លិចយ៉ាងគំហុក និងបានហូរចាក់តាមដងព្រែក អូរ ប្រឡាយ ប៉ះពាល់ផ្ទះប្រជាពលរដ្ឋពិសេសនៅខណ្ឌដង្កោមានសង្កាត់ចំនួន១០ក្នុងចំនោម១២សង្កាត់បានលិចលង់ប៉ះពាល់ប្រជាពលរដ្ឋចំនួន១០៩០ផ្ទះ ស្មើនឹង១២៣៣គ្រួសារ ត្រូវជា៤៧៤០នាក់វត្ត១ សាលារៀន២កន្លែង ប៉ុស្តិ៍រដ្ឋបាល២ សង្កាត់២ និងមណ្ឌលសុខភាព១។
ចំណែកខេត្តកណ្តាលបានប៉ះពាល់ស្រុកក្រុងចំនួន៤ ស្មើនឹង១៣ឃុំ ស្រូវជិត២ពាន់ហិកតាក្នុងនោះស្រុកអង្គស្នួលប៉ះពាល់៣ឃុំ គឺឃុំលំហាច ឃុំព្រៃពួច និងឃុំក្រាំងម្កាក់ប៉ះពាល់ស្រូវប្រាំងចំនួន១០ហិចតា ដំណាំមួយចំនួន និងវត្តចំនួន ០២ជម្លៀសប្រជាពលរដ្ឋរកទីទួលសុវត្ថិភាពចំនួន ១២ គ្រួសារ ។ ក្នុងស្រុកកណ្ដាលស្ទឹងមានឃុំចំនួន ៣ រួមមាន៖ ឃុំដើមឬស ឃុំជើងកើប និងឃុំកណ្ដោក មានប្រជាពលរដ្ឋចំនួន ៨០៥គ្រួសារ រងផលប៉ះពាល់លិចផ្ទះប្រជាពលរដ្ឋចំនួន ៦៨១ខ្នង ខូចខាតផ្ទះចំនួន ៤ខ្នងផ្ទៃដីស្រែដែលជនលិចមានចំនួន ៣៦១,៦ហិតា។ ស្រុកពញាឮប៉ះពាល់៧ឃុំនិងស្រូវ១៣០០ហិកតានិងក្រុងតាមខ្មៅប៉ះពាល់ស្ពានឈើ១កន្លែង។
លោក គឹមកុលមុនី បានបន្តទៀតថា ចំពោះខេត្តពោធិ៍សាត់វិញជំនន់ទឹកភ្លៀងបានធ្វើឱ្យបាក់ច្រាំងទន្លេនៅឃុំស្វាយលួងស្រុកកណ្តៀង និងប៉ះពាល់ផ្លូវបេតុងផ្លូវគ្រោះក្រហម និងផ្លូវជាតិមួយចំនួន។ រីឯខេត្តកពង់ឆ្នាំង ប៉ះពាល់៣ស្រុកស្មើនឹង១០ឃុំសង្កាត់ជម្លៀសប្រជាជនទៅរកទីទួលសុវត្តភាព២៦៦គ្រួសារ។ខេត្តកំពតប៉ះពាល់ស្ពានឈើស្ថិតនៅកំពង់ចិនបាក់ទាំងស្រុងនិងលិចស្ពានដំរីផុង។
លោកបានបញ្ជាក់ថា ខេត្តកំពង់ស្ពឺ ប៉ះពាល់ស្រុកចំនួន៥ស្មើនឹង៣០ឃុំសង្កាត់ប៉ះពាល់ប្រជាជន១៦១៣គ្រួសារតែមានកម្រិតស្រាលនិងជម្លៀសប្រជាជន៤០គ្រួសារ៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល