សមាគម សិស្ស និស្សិត បញ្ញវ័ន្ត​ក្មេង​វត្ត ដឹកនាំ​ក្រុមការងារ​សមាគម សិស្ស និស្សិត បញ្ញវ័ន្ត​ក្មេង​វត្ត​ប្រជុំ​បូកសរុប​សកម្មភាព​ក្នុង​ឆ្នាំ​២០២០

តាកែវ ៖ ព្រឹក​ថ្ងៃទី ១៣ ខែមករា ឆ្នាំ​២០២១ លោក លី សា​វេត ប្រធាន សមាគម សិស្ស និស្សិត បញ្ញវ័ន្ត​ក្មេង​វត្ត​សាខា​ខេត្តតាកែវ ដឹកនាំ​ក្រុមការងារ សមាគម សិស្ស និស្សិត បញ្ញវ័ន្ត​ក្មេង​វត្ត ដើម្បី​ធ្វើការ​បូកសរុប​របាយការណ៍​សកម្មភាព​ក្នុង​ឆ្នាំ​២០២០ និង​លើក​ទិសដៅ​អនុវត្ត​បន្ត​សម្រាប់​ឆ្នាំ២០២១។

នា​ឱកាស​នោះ​លោក សី សា​វេត ក៏បាន​បវារណា​ប្រគេន​នឹង​ក្រើនរំលឹក​ដល់​ក្រុមការងារ​សមាគម​ទាំងអស់​ត្រូវតែ​ខិតខំ​ប្រឹងប្រែង​ពួតដៃគ្នា សាមគ្គី​គ្នា​ជា​ធ្លុង​មួយ ហើយ​ដើរ​ឆ្ពោះទៅរក​ទិសដៅ​ដែល​ពិតប្រាកដ ក្នុងការ​អភិវឌ្ឍ​សង្គមជាតិ​នឹង​ជួយ​ដល់​ប្រជាពលរដ្ឋ​ដែល​ប្រទះ​នូវ​បញ្ហា​ណាមួយ​ដែល​បាន​កើតឡើង​ចំពោះ​បងប្អូន​នៅ​ទូទាំង​ខេត្តតាកែវ​។

លោក លី សា​វ៉េ​ត ក៏បាន​កោតសរសើរ​ចំពោះ​ក្រុមការងារ​សមាជិកសមាគម ដែល​បាន​បង់​ពេលវេលា និង​ថវិកា​យ៉ាងច្រើន​ដើម្បី​ធ្វើ​ការងារ​នាពេល​កន្លងមក លោក​បាន​បន្ត​ទៀត​ថា ដោយសារតែ​ប្រទេសជាតិ​យើង​មាន​សុខសន្តិភាព​ពេញលេញ​ក្រោម​ការដឹកនាំ​ដ៏​ប្រកបដោយ​គតិបណ្ឌិត​រប​ស់ស​ម្តេច​តេ​ជោ ហ៊ិ​ន សែន នាយករដ្ឋមន្ត្រី​នៃ​ព្រះរាជាណាចក្រ ទើប​ធ្វើ​ឲ្យ​យើងទាំងអស់គ្នា​មានឱកាស​នា​ថ្ងៃនេះ​។

​បន្ទាប់មក​លោក​ក៏បាន​ផ្តល់​ឱកាស ឲ្យ​ក្រុមការងារ របស់​សមាគម​ក្មេង​វត្ត ធ្វើការ​ពិភាក្សា គ្នា លើ​កិច្ចការងារ​មួយចំនួន សម្រាប់​ដាក់​គោលដៅ​ធ្វើ​សកម្មភាព​បន្ត​ទៅមុខទៀត​សម្រាប់​ឆ្នាំ​២០២១។ ចុងបញ្ចប់ លោក លី សា​វេត ប្រធាន សមាគម​ក្មេង វត្ត​ខេត្តតាកែវ បានធ្វើ​ការចែក​អាវ របស់​សមាគម​ក្មេង​វត្ត ជូន​ដល់​បងប្អូន សមាជិក ក្មេង​វត្ត​គ្រប់ៗ​គ្នា​។

សូម​បញ្ជាក់​ថា អាវ សមាគម សិស្ស និស្សិត បញ្ញវន្ត​ក្មេង​វត្ត ចំនួន ២០០​អាវ ដែល​បានធ្វើ​ការបោះ​យក មក​ចែកជូន​ដល់​បងប្អូន សមាជិក សមាគម​ក្មេង​វត្ត​ខេត្តតាកែវ នោះ គឺជា​ការ​ចំណាយ​ថវិកា​ផ្ទាល់​របស់ លោក លី សា​វេត ប្រធាន សមាគម​ក្មេង​វត្ត៕

ដោយ ៖ វីរៈ