ព័ត៌មានជាតិ
មន្ត្រីជាន់ខ្ពស់ការងារស្នើលោកគ្រូអ្នកគ្រូបន្តពង្រឹងគុណភាពសិស្សឱ្យមានសមត្ថភាព ដើម្បីប្រឡងជាប់និទ្ទេសAឱ្យបានកាន់តែច្រើន
មន្ត្រីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈ បានស្នើឱ្យលោកគ្រូអ្នកគ្រូវិទ្យាល័យទាំង៥នៅក្នុងស្រុកបាធាយត្រូវបន្តពង្រឹងគុណភាពដល់សិស្សមានសមត្ថភាពទទួលបាន និទ្ទេសA ឱ្យមានអត្រាកាន់តែខ្ពស់ដើម្បីត្រៀមចូលរួមប្រណាំងប្រជែងជាមួយវិទ្យាល័យផ្សេងទៀតនៅទូទាំងខេត្តកំពង់ចាមសម្រាប់ឆ្នាំសិក្សា២០២៣នេះ។

ក្នុងពិធីសំណេះសំណាលជាមួយលោកគ្រូ អ្នកគ្រូ និងបុគ្គលិកអប់រំគ្រប់កម្រិតសិក្សាក្នុងវិស័យសាធារណៈ និងឯកជន
នៅទូទាំងស្រុកបាធាយ ចំនួន ១ ២០០នាក់នៅវិទ្យាស្ថានអន្តរជាតិបាធាយ នៅព្រឹកថ្ងៃទី៨ ខែមីនា ឆ្នាំ២០២៣ លោក ហេង សួរ តំណាងដ៏ខ្ពង់ខ្ពស់ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក នៃកងយោធពលខេមរភូមិន្ទបានមានប្រសាសន៍ថា “គ្រូបង្រៀន” ប្រៀបដូចជាឆ្អឹងខ្នងនៃការអភិវឌ្ឍប្រទេសព្រោះថាគ្រូបង្រៀនជាមូលដ្ឋានគ្រឹះនៃការអភិវឌ្ឍធនធានមនុស្ស ។ លើសពីនេះទៀត”ពាក្យថាគ្រូ” គឺជាគំរូដល់សិស្សទូទៅមិនថា សិស្សអ្នកមាន សិស្សអ្នកក្រ ឧកញ៉ា សេដ្ឋី ដើម្បីទទួលបានទាំងចំណេះដឹងនិងទំនុកចិត្ត សម្រាប់ជាទុនក្នុងការកសាងអនាគតមួយដ៏ល្អប្រពៃ។

លោក ហេងសួរ សូមលើកទឹកចិត្តឱ្យមានការបន្តការចូលរួមរបស់លោកនាយក លោកស្រីនាយិកា លោកគ្រូ អ្នកគ្រូ បុគ្គលិកអប់រំនៅតាមគ្រឹះស្ថានអប់រំដែលសុទ្ធតែជាកាតាលីករ ដ៏សំខាន់ក្នុងការជួយឱ្យគ្រឹះស្ថានអប់រំកសាងបាននូវកម្លាំងគ្រឹះដ៏រឹងមាំ មានសក្តានុពលក្នុងការជួយស្ថាបនានិងអភិវឌ្ឍន៍ប្រទេសជាតិរបស់យើង។ លោក ហេង សួរ បានបន្តទៀតថា បច្ចុប្បន្ននេះរាជរដ្ឋាភិបាលបានអភិវឌ្ឍប្រទេសរីកចម្រើនលើគ្រប់វិស័យ យ៉ាងឆាប់រហ័សហើយមានឱកាសកសាងបាននូវធនធានមនុស្សគ្រប់ប្រភេទ ក្នុងមជ្ឈដ្ឋានសិស្ស និស្សិត បញ្ញាវន្ត និងមន្ត្រីរាជការគ្រប់លំដាប់ថ្នាក់ពិសេសយើងមានគ្រឹះស្ថានឧត្តមសិក្សារដ្ឋនិងឯកជនជាច្រើនដែលបានរួមចំណែកយ៉ាងសកម្មក្នុងការអភិវឌ្ឍធនធានមនុស្សដើ
ម្បីចូលរួមដំណើរការកសាង និងអភិវឌ្ឍន៍ប្រទេស។

បើតាមលោក អុន លាងអាន ប្រធានការិយាល័យអប់រំស្រុកបាធាយ ឱ្យដឹងថា នៅក្នុងស្រុកបាធាយ មានសាលាសរុប ៥៨កន្លែង ក្នុងនោះ សាលាបឋមសិក្សា៤៦កន្លែង អនុវិទ្យាល័យ ៧កន្លែង វិទ្យាល័យ ៥កន្លែងហើយមានអគារសិក្សាសរុបចំនួន ១៨២ខ្នង ស្មើនឹងចំនួន៨១៤បន្ទប់ ក្នុងនោះអគារជាអំណោយដ៏ថ្លៃថ្លា សម្តេចតេជោ ហ៊ុន សែន សរុបរួម៥៦ខ្នងស្មើនឹង៣០៧បន្ទប់៕
អត្ថបទ៖ សំអឿន


-
ព័ត៌មានអន្ដរជាតិ២២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?