ព័ត៌មានជាតិ
គម្រោងជលយានដ្ឋាន នឹងកាត់បន្ថយលំហូរចេញថវិកាទៅប្រទេសជិតខាង
ការបង្កើតឱ្យមានជលយានដ្ឋាន នឹងជួយឱ្យកម្ពុជា មានអ្នកបច្ចេកទេសស្ទាត់ជំនាញលើការជួសជុលទូក ឬកាណូត របស់ប្រជានេសាទដែលខូច ដោយមិនចាំបាច់យកទៅជួសជុលនៅប្រទេសជិតខាង កាត់បន្ថយលំហូរថវិកាចេញពីប្រទេស។
លោក ឡុង ឌីម៉ង់ អភិបាលរងខេត្តព្រះសីហនុ បានដឹកនាំក្រុមការងារចុះពិនិត្យផ្ទាល់គម្រោងជលយានដ្ឋាន ស្ថិតនៅស្រុកស្ទឹងហាវ ខេត្តព្រះសីហនុ ដោយមានការចូលរួមពីលោកអភិបាលស្រុក មន្ត្រីជំនាញពាក់ព័ន្ធ និងអាជ្ញាធរដែនដីស្រុកស្ទឹងហាវផងដែរ កាលពីថ្ងៃ សុក្រ កន្លងទៅ។
លោក ឡុង ឌីម៉ង់ បានលើកឡើងថា គម្រោងសាងសង់ជលយានដ្ឋាននេះ ជាគម្រោងវិនិយោគដ៏ល្អ ដែលមានលក្ខណៈស្របទិសជាមួយនឹងផែនការមេអភិវឌ្ឍ ខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ហើយត្រូវបានរំពឹងថា នឹងចូលរួមបង្កើនសេដ្ឋកិច្ចគ្រួសារ និងសេដ្ឋកិច្ចសង្គមរបស់ប្រជានេសាទនៅក្នុងខេត្តជាប់មាត់សមុទ្រទាំងបួនរបស់ព្រះរាជាណាចក្រកម្ពុជា។
លោកបានបញ្ជាក់ទៀតថា កន្លងមកនៅពេលដែលទូក ឬការណូតរបស់បងប្អូនប្រជានេសាទខូច តែងនាំយកទៅជួសជុលនៅប្រទេសជិតខាង ដែលការណ៍នេះ នាំឱ្យមានការប្រឈមនឹងគ្រោះថ្នាក់នានា ខាតពេលវេលា និងចំណាយថវិកាខ្ពស់ ដូច្នេះការបង្កើតឱ្យមានជលយានដ្ឋាននៅក្នុងស្រុក មិនត្រឹមតែជំរុញការលើកទឹកចិត្ត បណ្តុះបណ្តាលជំនាញ បច្ចេកទេសក្នុងការជួសជុលដល់ប្រជាពលរដ្ឋកាន់តែស្ទាត់ជំនាញបន្ថែមមួយកម្រិតទៀតប៉ុណ្ណោះទេ គឺនឹងចូលរួមកាត់បន្ថយលំហូរថវិកាទៅកាន់ប្រទេសជិតខាងមួយកម្រិតបន្ថែមទៀតផង។
ការលើកឡើងរបស់លោកអភិបាលរងខេត្តបែបនេះ ទទួលបានការសាទរពីប្រជានេសាទនៅក្នុងតំបន់ ជាពិសេសបងប្អូនប្រជានេសាទនៅស្រុកស្ទឹងហាវផ្ទាល់៕
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)