ព័ត៌មានជាតិ
សម្ដេចតេជោ ៖ នឹងមានគណបក្សចូលដេញថ្លៃហើយ ព្រោះដំណាក់កាលនេះ ជាដំណាក់កាលដេញថ្លៃ
សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា បានលើកឡើងថា ខណៈដែលការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ជិតឈានចូលមកដល់ នឹងមានគណបក្សនយោបាយនានា ចេញមុខដេញថ្លៃ សន្យាបែបនេះ សន្យាបែបនោះហើយ។ ប៉ុន្តែសម្រាប់គណបក្សប្រជាជនកម្ពុជា មិនសន្យាឡើយ តែនឹងធ្វើជាក់ស្ដែងតែម្ដង។
ការលើកឡើងនេះ គ្រាដែលសម្ដេចតេជោ ហ៊ុន សែន បានអញ្ជើញជួបសំណេះសំណាលជាមួយប្រជាពលរដ្ឋ ដែលបានផ្លាស់ប្តូរទីលំនៅទៅទីតាំងថ្មី និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់ ១ ស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ នៅព្រឹកថ្ងៃទី ១៤ ខែមីនា ឆ្នាំ ២០២៣នេះ។
សម្ដេចតេជោ ហ៊ុន សែន ថ្លែងបែបនេះថា «ឃើញគណបក្សមួយចំនួន បានដេញថ្លៃគ្នាហើយ គណបក្សនេះថា នឹងឲ្យមនុស្សចាស់ប៉ុណ្ណេះ ឥឡូវដូចជាមានគណបក្ស ២ ដែលចេញកម្មវិធីនយោបាយមក មនុស្សចាស់ ព្រោះមានគណបក្សមួយគេឲ្យ ២០ម៉ឺន មានគណបក្ស ២នោះ ចេញមកឲ្យ ២៥ម៉ឺន ខ្ញុំមើលនៅក្នុងហ្នឹង ២៥ម៉ឺន គេឲ្យមនុស្សចាស់ ប្រាក់ខែអប្បបរមាគណបក្សមួយនោះ គេឲ្យ ២លាន ឥឡូវមានគណបក្ស ២នោះ គេឲ្យចេញមក ២លានកន្លះ»។
សម្ដេចតេជោ ហ៊ុន សែន លើកឡើងថា ចាប់ពីពេលនេះតទៅ នឹងមានគណបក្សនយោបាយនានា ចេញដេញថ្លៃ សន្យាបែបនេះ សន្យាបែបនោះហើយ ខណៈការបោះឆ្នោតជ្រើសតាំង តំណាងរាស្រ្ដ នីតិកាលទី ៧ នឹងឈានចូលមកដល់ក្នុងពេលឆាប់ៗនេះ។ ប៉ុន្តែគណបក្សប្រជាជនកម្ពុជា ដែលដឹកនាំរាជរដ្ឋាភិបាល មិនសន្យាឡើយ តែធ្វើជាក់ស្ដែងតែម្ដង។
សម្ដេចតេជោ ហ៊ុន សែន លើកឡើងបែបនេះថា «នឹងមានគណបក្សចូលដេញថ្លៃហើយ ព្រោះដំណាក់កាលនេះ ជាដំណាក់កាលដេញថ្លៃៗ ទៅចេះតែសន្យាទៅ ប៉ុន្តែគណបក្សកាន់រដ្ឋាភិបាល អត់សន្យាបានទេ យើងធ្វើជាក់ស្ដែង ផលប្រយោជន៍ជាក់ស្ដែង បងប្អូនបានទទួលរួចហើយនូវផលប្រយោជន៍ ដំបូងផលប្រយោជន៍ពីសន្តិភាព មិនអញ្ចឹង!»៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»